Analysis of Messi's Impact on Argentina

ميسي كان مشكلة الأرجنتين، لأن في اللقطة دي في لاعب من الأرجنتين بيشاور على أولمو يا جماعة الراجل فاضي

وميسي عمره ما هيرجع يعمل الواجب الدفاعي.

وبالتالي بيضطر لاعب من الوسط إنه يتحرك ناحية أولمو

في اللحظة اللي بيلعب فيها منتخب إسبانيا الكورة في العمق وأولمو برضه بيكون فاضي.

منتخب إسبانيا كان بيستغل قوي فكرة إن منتخب الأرجنتين من غير الكورة بيلعب ناقص واحد.

يعني ميسي في اللقطة اللي قدامك دي لو اتحرك نص متر هيقفل مسار تمرير

ومش هيحط زمايله في الموقف دي.

الراجل مش عارف يروح مع فابيان رويز ولا مع كوكورييا

وفي الآخر كوكورييا هياخد الكورة دي وهتكون خطرة على منتخب الأرجنتين بسبب ميسي.

في اللقطة اللي قدامك دي بتتكرر في أغلب الفرق،

إن دايماً في مهاجم بيكون مع الستة والمهاجم التاني بيضغط على السنتر باك.

فلما الكورة بتتحول الناحية التانية بيروح المهاجم والمفروض المهاجم التاني ينزل مع الستة،

والكلام ده طبعاً مش هيحصل عشان ميسي هو المهاجم التاني، وبالتالي رودري فاضي.

وعشان تداري على مشاكلك التكتيكية من غير كورة، فانت بتقعد تضرب والحكم بيسيبك.

وتقعد تضرب تاني والحكم بيسيبك، لأن الحكم جزء من خطة منتخب الأرجنتين.

وكل ده بيحصل عشان نداري على مشكلة المنتخب الأرجنتيني اللي بيلعب ناقص واحد من غير كورة،

يعني يا راجل بذمتك دي مش فاول؟

المهم يا صديقي أنا مرشح لجائزة أفضل محلل رياضي،

عايزك تخش تصوتلي دلوقتي هتلاقي اللينك بتاع التصويت في الكومنتات أو في الستوري، سلام.