مواقف في رحلة العمرة: الميقات وبطانيات الطائرة

بالنسبة بقى لـ الحلويات اللي بيقرروا إن هم يستظرفوا.

شفت حتة واحد يا بنات، أنا كنت راكبة على الخطوط السعودية، والراجل ده، آآ، على اللي عمله مع المضيف.

الله العظيم خلى رقبتنا زي السلسلة. "عايز وجبة، إيه الحاجات والعينات اللي إنتم بتدوها لنا دي؟

عيب، عيب يا باشا، إديني واحد عصير ليمون، يا معلم، إنت أحلى مضيف في الدنيا، ما معكش واحد، آآ، تفاح كمان؟

إيه ده؟ إيه ده؟ إيه اللي إنتم بتعملوه ده؟

عيب، ده ما حدش بيعمل كده، أقسم بالله في قلب الطيارة غيركم".

خش عليا، هو أستاذ الإفطة اللي لا قبل ولا بعده.

جينا وإحنا متخيرين رايحين، آآ، الـ، آآ، العمرة، ففي قبل الميقات، فالناس كلها عمالة تسأل فين الميقات؟

فين الـ، آآ، الميقات؟ لسه ما قالوهوش، و، و، و.

فواحد راح طالع، مش مشكلة، ما دام أحرمت من البيت، خلاص انتهينا.

الرسول كان بيركب الناقة وبيحرم من بيته، ووو خلاص كده انتهينا.

يا عم، إحنا مستنيين الميقات. يا عم، إحنا ماشيين جنب الحيط.

سيبونا يا جماعة يا اللي بتحاولوا تفتوا، إلهي يستركم.

إحنا ماشيين على اللي أهلنا معونا. أول ما الميقات نبتدي نحرم.

يا جماعة، وراح ده، ده قايم على الكرسي، "يا جماعة خلاص، إحنا عدينا الميقات".

عدينا الميقات إزاي؟ يعني معلش إنت، هو يا دوب خلص الجملة من هنا، ووو الـ، آآ، الـ، آآ، الطيار قال الميقات أهو.

نزلنا ركبنا الـ، آآ، القطر، ما شاء الله عاملين القطر حلو قوي دلوقتي، يوصلك على طول في لحظة.

ده صوته علي قد كده في قلب القطر. "إيه القطر ده؟

كنا مشينا على رجلينا كان أحسن". والله العظيم أنا كنت في نص هدومي، أنا، أنا محلقة كده، طبعًا أنا كنت أحرمت.

طيب خشوا عليا بقى، ووو الحاجة تانية بقى، كارثة.

البطانية، كارثة البطانية. البطانية دي كانت مشكلة ما يعلم بها إلا ربنا في الـ، في الـ، آآ، في الطيارة.

طبعًا كل المصريين أخدوا البطانية اللي إداها لنا الطيار علشان خاطر الـ، آآ، البرد.

تشوفوا بقى المنظر، حاجتين حصلت، وهم موقفيننا كأننا ماسكين، آآ، مسكونة في قضية، وبيشدوا مننا الـ، آآ، البطانية، "ولو سمحت حطوا البطانية".

يا إما كل واحدة حست من بعيد، شورت للتانية، عملت لها كده، فراحت التانية حطت البطانية في قلب الشنطة اللي في إيديها، وعرفت تخبيها أو خبتها في العباية بتاعتها.

طب أنا نفسي أسألك سؤال يا اللي جاية من العمرة، إلهي يسترِك ويستر عرضِك.

عشان بس ما تقولوش شعرك ومش شعرك، ده، ده، ده، ده، ده الجزء الخاص بيا، بس ما لوش دعوة بالقصة اللي أنا بقولها.

هو مش عايزك تاخديها، وإنتي خدتيها من وراه.

طب إزاي عملتيها يا مؤمنة وإنتي لسه راجعة من العمرة؟

إزاي استحلتوها إن هي حلال؟