مشجعو ليفربول يتحولون إلى تشجيع طرابزون بسبب صلاح

إيه ده؟ أنتم مش مشغلين ماتش ليفربول ليه يا ولعة؟ ليفربول إيه يا أسطى؟ طرابزون هيلعب كمان ربع ساعة.

يا حبيبي ده ماتش دوري إنجليزي، ده derby يعني ماتش مهم.

بلا إنجليزي بلا بتاع خلاص راحت على الدوري الـ mediocre ده.

ياه! بهولعة، كبير مشجعين الـ reds بيقول كده، ها!

أنا ما قعدتش بشجع عندها صغيرة، يا بتوع جيرارد زحليقة.

ما تقلع يا ابني القرف اللي أنت لابسه ده، وتقعد زي البني آدم، وتتفرج على الاستوديو التحليلي بتاع كابتن أرتم شلبي زي الناس. حتى أنت يا عم فريد، ده إحنا لما كسبنا الـ Champions League سنة 19 شلتني على كتفك ولفيت بيا القهوة، حتى لو تفتكر يوم ما عملت back flip وكلنا استغربنا. ما حصلش، أنا طول عمري طرابزوناوي، على المكسب ناوي، يا راجل.

ذمتك أنت تعرف إيه عن طرابزون أساسًا؟ تقع مدينة طرابزون شمال شرق تركيا على سواحل البحر الأسود، ويبلغ تعداد سكانها 816 ألف و700 نسمة. 706 يا عم فريد، الجهاز التركي للتعبئة والأحصاء لسة عامل update.

أنا مش مصدق اللي بسمعه، طب أنتم تعرفوا إيه عن النادي؟ مستحيل أنسى موسم طرابزون الذهبي سنة 76، موسم لا ينسى. آه، يوم اعتزال بوراك يلمز، ده كان من أتعس أيام حياتي بعد النكسة. لا ده أنتم اتجننتوا بقى، كل ده عشان صلاح راح هناك يعني؟ ما...