Moroccan Struggles in Ceuta

دابا حاليا المغرب حسن من سبتة

حيتاش دابا منين كتمشي تما، الحوانت الحوانت سادين، الماكلة باش ناكلو سادين

خوتنا وجوعونا وما حاملينناش

واللي ساكنين تما، اللي ساكنين تما كنقولو ليهم عطونا ناكلو شنو كيقولو لينا؟ حتى حنا راه فينا الجوع، حتى حنا راه الحوانت سادين علينا

جبدو علينا الفراد، البيسطوليات

البيسطوليات قدام البوليس ديالهم جبدو علينا البيسطوليات بحال هكا

علاش؟ بغينا غير نشريو بفلوسنا ماشي

عندنا فلوسنا ماشي ما عندناش، عندنا فلوسنا وما خلاوناش كاع، سدو كاع كلشي وجبدو علينا البيسطوليات

هاد البلاد ما تستاهلش، هاد القنت ما تستاهلش هاد التمارة هادي كاملة

صراحة، ما عدا إلا كنتي داخل ليها غربتي نتفق معاك تستاهل كلشي

أما هادو، اليهود حسن منهم

وحتى حنايا ضربنا ملي دخلنا لداخل خلاونا بالجوع، لا ماكلة لا حتى حاجة، تكرفسنا، ومن الصباح تماك

لا ماكلة لا حتى حاجة، وكيضاربو، القرطاس كيفركعو، بغاو يودنوك

عشرة، عشرة نتوما عائلة وما كيعفوكش، عاد الدراري كيبقاو تماك بالجوع

ما كايناش ما كايناش الأوراق، لا ماكلة لا حتى حاجة، وسادين المحلات، أي حاجة

وبنادم كيموت حداك، ها جوج د الناس ماتو حدانا

كيضاربو ما كيعفوش بنادم تماك

وبقينا تماك تلات أيام، ولا ماكلة، سمع، لا ماكلة لا حتى حاجة

وكيفما كتشوفو حنا دخلنا لتمايا، دابا حنا يومين وحنا تما

وشنو غنقولك؟

المغاربة هما اللي تما هما اللي دايرين هاد الشي هادا كامل، المغاربة تما هادا كيقتل ف هادا، فهمتي؟

المغاربة اللي سارحين تما ف سبتة هما اللي دايرين هاد الشي هادا كامل، كيضربو بنادم، كيشبرو بنادم للمخزن فهمتي؟

وشنو غنقولك بنادم، من الأحسن بلا ما يولي يطلع لتمايا والله إلا

من الأحسن أحسن

وعاد تما بنادم وخا يمشي تما ما عندو ما يستافد

علاش؟ كتجبر كتجبر الدق من خوك تما، فهمتي؟

والظروف تما مكرفسة، تما ما كاين والو، سدو لينا كلشي

سدو سدو البقال سدو كلشي، حتى حاجة ما بقات

الكارو داير 20 درهم الكارو تما

الكارو هو اللخراني داير 20 درهم تما، ما عندك ما دير

شنو غتبقى تما تموت؟

وكيشبروك وكيضربوك وكيديوك للمخزن

والناس تما الصراحة كاين اللي مزيان كاين اللي عيان

كاين اللي كيتها لا فيك، كيعطيك الماكلة، كيعطيك الحوايج، كيعطيك هادا، ولكن الأغلبية كيخافو على راسهم

حيت ملي كيشوفو الدراري بزاف وداك الشي راه من نفسي أنايا، أنا نخاف على راسي

صافي هاد الشي اللي كاين، صافي دوزت تما يومين، الظروف ما والمتنيش صافي رجعت فحالتي، هاد الشي اللي كاين

وكنوصل رسالة للشباب ما يغامرش براسو

ما، زعما كاين اللي كيكونو والديه كيتسناوه، كاين اللي كيكونو وليداتو

ما يغامرش براسو ويجي لهنايا حيتاش التكرفيس

التكرفيس التكرفيس التكرفيس، إلا ما كانش شي واحد عندك تمايا ف سبتة، اللي غادي يكون بيك واللي غادي يعاونك راه غا غاتكرفس

خوتي راه بنادم راه قاهرو الجوع وتماك راه مكرفسين، بنادم كينعس ف الغابة، ما كاين لا ماكلة لا والو

صافي بنادم باغي يخرج راه، وباقيين الدراري عاوتاني مقطعين بالجوع راه باقيين حتى هما غيخرجوا عاوتاني

سدو عليهم، كلشي غيخرج، كلشي غيخرج، تلات أيام وحنا بلا ماكلة

ماكلة ما كناكلوش، والما حبسوه علينا دابا

الما ما بقيناش نعمرو من واحد العوينة

قلت لك أخي زعما نصيحة كأم

وعندي ولادي أنا

من الأحسن يجلسو مع الأمهات ديالهم

لأن ما كاين ما يدار ف سبتة، إي والله

حنا خدامين كاندخلو يوميا ليروتور وكانتكرفسو

وفي الصراحة من الأحسن يجلسو ف بلادهم

عندنا الخير ف بلادنا الحمد لله

تكرفسو مساكن، آه تكرفسو

تكرفسو تلات أيام ربع أيام، كاين الناس اللي بقات خمس أيام كينعسو ف الزنقة

ومن الأحسن، عندنا الخير ف بلادنا الحمد لله

كلشي موجود ف بلادنا، الإنسان وخا ياكل الخبز وأتاي ويجلس مع والديه، الحنان د الوالدين راه ما كاينش بحالو

وهاداك الشي د وسائل التواصل الاجتماعي راه غير الكذوب راه ما كايناش شي حاجة د بصح، بنادم غايدخل غايصبح خدام صافي

والله ما كاينا شي حاجة، بنادم ما جابرش حتى فين ياكل، ما جابرش حتى فين ينعس

أنا دخلت دابا دخلت الماكلة ها هي باقي ف الماليطة، وعطيت النص للدراري تما بقاو فيا وعطيتهم قراعي د الما، وبنادم ما جابرشي ما ياكل تما

دخلت نفتش على خاوا ديالي وعلى ولد عمي وما جبرتهمشي

جاي من واد لاو وجيت يعني عاد باش نحرك وما كتابش

يومين وأنا تما ما كتابش صافي ما كتابش راجع ف حالي سامح ف وليداتي وهادو، بغيت ننقذ غير راسي وننقذ ولادي

ما كاين ما يدار وصافي، الجوع والضيق وصافي وخرجنا ف حالتنا

ما كاين ما يدار وصافي، هاد الشي اللي كاين

التكرفيس

التكرفيس والجوع والضيق وجينا ف حالتنا