Humanitarian Appeal for Palestine
إذا وجد فرد في العالم ما حسش
بالشعب الفلسطيني فما بقاش بني آدم، ما يبقاش بني آدم.
أياً كان بقى، إذا كان الشخص ده عربي أو أوروبي أو أمريكي أو أي حاجة.
إحنا... إحنا...
إحنا في حالة... إحنا دايماً حتى الشعوب اللي في أوروبا
وفي العالم وفي أمريكا، لو في حيوان حد قسى عليه أو أذاه
بيطلع حقوق الإنسان وحقوق الحيوان وحقوق الدنيا كلها.
لكن إنت لما يكون كل يوم يطلع بني آدمين بالآلافات يتقتلوا
وأطفال وستات.
ولما يكون حضرتك إحنا قاعدين في تكييف وقاعدين في قصور وقاعدين في شقق وعاملين الأكل قدامنا
وأطفال وشعوب قاعدة في خيم في الشتا وفي الصيف وفي الشمس.
إحنا لما نكون الشمس عندنا... الدنيا حر، بنبقى عايزين تكييف وعايزين مروحة.
ولما يكون الدنيا شتا عايزين بيت مقفول ودفايات وغطا.
الشعب الفلسطيني قاعد في العراء، يعني...
أطفال... ما بيصعبش عليهم الأطفال اللي إحنا بنشوفهم مش لاقيين أكل؟
اللي هم فيهم المرض والوباء اللي ممكن من قلة الأكل ومن قلة النوم ومن قلة العيشة.
فأنا لو ما حسيتش كبني آدم، يبقى أنا ماليش لازمة إن أنا أعيش.
أو أي بني آدم على وجه الأرض ما حسش باللي بيحصل في فلسطين،
بغض النظر عن هو مسلم، مسيحي، يهودي، يبقى مش بني آدم، ما ينفعش يعيش.
وإذا أصرينا إن إحنا نغمض عينينا... ناخد قرار،
والناس اللي في إيدها القرار تحط نفسيها وتحط ولادها
إن هم يوم واحد بس حتى يقعدوا في الشارع في الشمس وفي المطر وفي الساقعة،
يقعدوا بس كده يجربوا... يجربوا هيعيشوا إزاي.
يعني إحنا لما بيحصل سيول في الجو ولا في البتاع، الناس كلها بتتدارى وتجري.
لكن السيول بتحصل في غزة وفي فلسطين والناس مش لاقية حاجة تتدفى بيها ولا ضد المطر ولا ضد الشمس تروح.
فأنا بقول... عار علينا كلنا. عار على العالم كله، مش الوطن العربي بس ولا الأفريقي... لا، عار علينا كلنا.
وعار على أصحاب القرار اللي سايبين
بني آدمين زينا زيهم. إحنا كلنا زي بعض، لينا عينين ووش وراس وجسم.
يعني الناس دي... عادي جداً، النهاردة في 1000 و2000، 3، 4000 وقعوا... اتضرب في صاروخ، عادي ماتوا.
وإحنا هنا...
الشعوب كلها بما فيهم أوروبا وأمريكا، بنبص على حاجة تانية. احتمال ممكن يكون بيصوروا لهم صورة تانية خالص.
بغض النظر عن الأديان،
إحنا بنتكلم لما بتتعاملوا مع الحيوانات، لما الحيوان يتأذى، لو في فيديو جه مثلاً حد أذى حيوان في الشارع،
كلنا... هيخش لازم يتسجن، لازم يتحاكم.
طب اللي بيقتل الناس؟ طب الصاروخ اللي بينزل دون يقتل ناس؟ بغض النظر عن الديانات.
بغض النظر عن الديانات، أنا مش بتكلم على إسلام ولا مسيحية ولا يهود.
أنا شعوري اللي طلع ده طلع من نفسي كده، لأني أنا...
بني آدم، إنسان، زي الناس اللي بتموت، زي البني آدمين اللي بتموت.
أنا إنسان قبل ما أكون ليا... قبل ما أكون هويتي وديني إيه، أو عربي ولا أجنبي ولا أياً كان.
(تصفيق) يعني صدقوني أنا... شكراً. شكراً. شكراً.
فأنا... الرسالة من خلال كرة القدم، القوة الناعمة في العالم، أرجوكم... أرجوكم، كل الرياضيين وكل الإعلاميين بمختلف أديانهم، بمختلف دولهم،
يمكن خلال كأس عالم نبعت رسالة إن أرجوكم خلوا الشعب الفلسطيني يعيش. يعيش... هم مش عايزين حاجة، يعيشوا بس. فلو سمحتوا
من خلال الإعلاميين المحترمين، الرياضيين،
عادي، زي ما إحنا بنعمل شعار... الفيفا يقول لك ريسبكت والفير، فإحنا عايزين فير في حياتهم، وعايزين ريسبكت للبني آدم.
عايزين ريسبكت إن البني آدم يعيش، وعايزين فير إن في شعوب تعيش. بس، ده كل اللي أنا بقوله.
شكراً. - كابتن حسام... محمود...
End of transcript · 540 words
