Post-Match Analysis of Egyptian Football Team

تقييمك للمباراة... كانت في متناول اليد، كنتم قريبين جداً،

اللاعبين المصريين أدوا أداء تاريخي، تقييم حضرتك جنابك للمباراة.

الحمد لله، إحنا كنا أحسن، و...

بس الكورة لسه... يعني أنا شايف إنه "not fair" بالولاد بالانجليزي وبالعربي،

اللي بيحصل النهاردة ده مش "fair".

إحنا لينا بنالتي، اتلغى جول، اتلغى جول ما أعرفش ليه اتلغى جول،

وبعد كده كنا ممكن نبقى 3-1، اتقلبت لـ 2-2،

الكورة البنالتي اللي اتشد جوة الـ 18، شد الراجل، حمدي.

ما أعرفش هو ممكن يكون الموضوع بقى تسويق، يعني هو ممكن يكونوا عايزين يعملوا كاس العالم،

عايزين يخلوا بطل كاس العالم اللي فات يكون موجود، عايزين يخلوا ميسي موجود.

لكن إحنا عملنا اللي علينا، بشكر لعيبتي جداً.

و... وبقول للجماهير المصرية والشعب المصري والعربي والأفريقي، بقولهم

كتير من الأوقات ممكن تتعب وتعمل اللي عليك بس في نفس الوقت في عوامل تانية خالص بتصعب،

لكن بقولهم إحنا كنت أتمنى إننا نفرحكم أكتر من كده.

وأنا من النوع اللي ما بيحبش الخسارة، ولما تكون خسارة ظالمة زي النهاردة فأنا...

أنا يعني بقولهم معلش ما تزعلوش، كنا نفسنا إننا نفرحكم أكتر من كده، والحمد لله على كل شيء.

لكن كورة القدم فيها حاجة غير اللي بيحصل في الملعب، في حاجات غير...

في حاجات بتحصل غير الفنيات وغير الماتش، حتى لو إحنا بنلعب قدام بطل العالم

لكن في نفس الوقت في مساندة من كل النواحي لبطل العالم،

مساندة تسويقية، أياً كان يعني.

بالنسبة لك كمدرب، كمدير فني، الخطة والإعدادية لهذه المواجهة،

إذا تعطينا رؤوس أقلامها، الخطة الفنية لدخول هذه المباراة؟

إحنا بنلعب زي ما أنا قلت في المؤتمر الصحفي قبل الماتش،

إحنا لينا أسلوب وأنا كنت يعني الحمد لله

كنت واثق في الشغل اللي بنعمله مع لعيبتي والتطور بتاع الفريق،

وكنت بشتغل عايز أنا أفرض أسلوبي أنا، وده اللي كان بيحصل واللي اتعمل مع كل الماتشات.

اتعاملنا مع كل الفرق إن إحنا بنفرض أسلوبنا إحنا،

وبنلعب مع طبعاً لعيبة محترفين، لكن في نفس الوقت

اللي أنا سعيد بيه إن لعيبتي كانت بتنفذ في أوقات كتير واشتغلوا بشكل كويس.

لكن في عوامل زي ما قلتلك خارجية هي اللي ممكن تأثر على النتيجة،

وفي نفس الوقت حتى لو الأهداف جت في أخطاء لكن في نفس الوقت

الأخطاء الكبيرة إن أنت ما تاخدش حقك من أصحاب القرار اللي موجودين اللي هما عوامل اللي أنا بقولك عوامل أخرى.

فأنا بقول إن أنا سعيد إن لعيبتي أدت البطولة على أعلى مستوى،

وده كان شرف كبير لينا وللكورة المصرية وللكورة العربية وللكورة الأفريقية.

وبقول لكل الجماهير اللي اتفرجت علينا اللي بتحب بتساند المنتخب المصري،

سواء في الوطن العربي أو أفريقيا أو بلدي في مصر، بقولهم أنا كنت أنا يعني

أنا آسف إن أنا كنت نفسي إن أنا أكمل لأبعد مدى.

لكن أنا ما تزعلوش، لكن كل ده اتعمل في وقت قليل

إن إحنا عملنا عملنا فرقة منتخب يشرف الكورة المصرية والعربية والأفريقية.

الآن تحدثت عن مشروع الكورة المصرية بغض النظر عن نتيجة اليوم،

هل تعتبر اليوم وبغض النظر عن النتيجة إنه في تكملة لهذا المشروع المصري الكروي؟

إن شاء الله طبعاً، أنا طموحي لا يتوقف،

وطموح الكورة المصرية بالطبع لازم بالتاكيد لازم لا يتوقف،

لأن الكورة المصرية مهمة جداً بالنسبة لأفريقيا والوطن العربي، لكن الحمد لله النهاردة شايف إن...

عايزين نكمل، كل المنتخبات ما همناش من الفرق اللي كانت بتلاعبنا مين

ومين اللعيبة اللي موجودين، عايزين نكمل على خلاص إحنا دخلنا في عمق الكورة العالمية

إن إحنا لا نهاب أحد، وأنا قلت الكلام ده امبارح، قلت إن إحنا الماتش هيبقى صعب عليهم وعلينا.

لكن وفي نفس الوقت هو صعب عليهم أكتر، يعني إحنا إحنا يعني

أنا سعيد بلعيبتي جداً، وسعيد بما قدمناه، لكن مش سعيد من العوامل اللي حصلت.

لكن التطور هييجي ولسه مش هنتوقف على الهدف ده،

لسه قدامنا كتير أهداف كبيرة إن إحنا منتخب مصر يبقى يجابه أي منتخب في العالم

بالعقل وبالشغل وبالتحضير وبالاجتهاد وبالمساندة الكبيرة من إدارة ومن جهاز فني ومن لاعبين.

وهذا سؤالي الأخير، إيش كانت رسالتك للاعبين المصريين من بعد المباراة؟

قلت لهم شكراً وتعبتوا في البطولة وعملتوا اللي عليكم

وأنا راضي راضي عليكم حتى لو في أخطاء حصلت لكن أنا راضي راضي جداً جداً على المجهود اللي هما عملوه،

راضي إن أنا يعني اللاعبين غالبية اللعيبة كلهم من الدوري المحلي المصري.

فكل اللاعبين اللي موجودين زي ما أنت شايف كل اللي في المنتخبات التانية

كلهم محترفين في أوروبا وعايشين مع الأجواء الأوروبية، ومع ذلك إحنا بلاعبين...

مع طبعاً صلاح وعمر وهيثم، بلاعبين محليين

قدرنا إن إحنا نجابه أي حد، وهنجابه أي حد،

هنقاتل على تواجد الكورة المصرية بشكل قوي ومؤثر على مستوى العالم.

بس أرجو إن يبقى في "fair"، يعني أرجو زي ما أنا قلت

الفيفا شعارها "Fair Play" و"Respect"، أنا شايف إن...

يعني اتظلمنا في أول ماتش ببلجيكا كان لينا ضربة جزاء،

وفي الآخر النهاردة نفس الشيء، فأنا وأخطاء أخطاء قاتلة ومؤثرة.

لكن أنا بقول إن أنا سعيد بفرقتي وفي نفس الوقت بقول بقول لجماهيرنا

يعني من حقهم إنهم يفتخروا إن عندهم فريق بيلعب كورة محترمة ومش خايفين من أي حد.

وفي نفس الوقت أنا عارف إن طموحهم وطموحي أكبر من كده إن إحنا نوصل لأبعد من كده،

ولكن قدر الله وما شاء فعل، والحمد لله على كل شيء.