تجربة سامح مع الصدفية ونظام الطيبات للدكتور ضياء

أنا جاي النهاردة أحكيلكم عن تجربتي الشخصية مع دكتور

ضياء ونظام الطيبات. أنا البشمهندس سامح وجيه. كنت بعاني

من صدفية من 2002. لفيت عند دكاترة مصر تقريبًا كلهم من

كل الأشكال والألوان. وبالعكس الحالة بتسوء أسوأ في أسوأ

في أسوأ. لدرجة إن الصدفية طلعتلي من أول فروة راسي لغاية

صوابع رجليا. وما فيش علاج نهائي جاب نتيجة حتى الخلطات...

...حتى

الخلطات الطبية اللي هي الطبيعية دي اللي هي بالأعشاب،

خل وزيت، قشر ليمون، قرنفل، عملت كل حاجة. روحت سيوة،

مياه كبريتية، وحمامات ملح. ما فيش نتيجة نهائي، بالعكس

كل شوية الحالة تسوء أكتر وأكتر. لدرجة إن أنا قعدت آخر

سنتين ما بنزلش من بيتنا نهائي. عشان طلعتلي في وشي، حوالين

عيني، في وداني، جنب مناخيري هنا وهنا. وكنت بتكسف منها

جدًا، واتطردت من شغلي بسببها. لغاية ما روحت لدكتور ضياء

1/6/2023. ومشيت على نظام الطيبات، وفي خلال تلات أسابيع

بالعدد، تقريبًا 90% من اللي في راسي وفي دراعاتي وفي

كتافي راح. لدرجة إنه يعتبر ما فيش حاجة خالص. ولا أي

حاجة عندي. مع إن أصلاً كانت كل دي صدفية. كلها،

ومعايا الصور قبل النظام، وطبعًا إنتوا شايفين حالتي بعد

النظام. ما فيش أي حاجة خالص. دي كانت تجربتي أنا، وكان

أصلاً الصدفية عاملي التهاب مفاصل، خشونة في الركبة، ما

كنتش بعرف أنام من ركبتي ومفاصلي. دلوقتي الحمد لله أنا

بقيت أعرف أنام، وهدي جدًا الوجع بتاعها. كمان في تجربة

والدتي، والدتي كانت معايا ماشية على النظام. كان عندها

غدة في الرقبة طالعة لها هنا وعليها سلسلة أورام. الغدة

راحت، والورم راح، رجعت زي الفل. وهي ماشية على النظام

جالها أربع جلطات بسبب إن هي قعدت فترة ما بتخشش التواليت.

وأول ما روحنا لدكتور ضياء كتب لها على ملين، وحقن ديكساميثازون

وقالها خمس أيام بالعدد والجلطات تروح. وفعلاً خمس أيام

بالعدد الجلطات راحت. ومن فترة كانت اتخبطت في دماغها،

وجالها زي ضمور في خلايا المخ هنا، كانت طالعة في أشعة

الرنين دوارية كده كبيرة، داكنة سوداء خالص. برضه مع نظامه

ودكتور ضياء راحت خالص ورجعت طبيعية زي الفل. ومعايا كل

الأشعة والتحاليل بتاعتها عشان بس لو ما حدش يصدق. وأنا

كمان معايا تقارير من دكاترة، ونسبة بسيطة بس من الروشتات،

إن أنا حالة صدفية شديدة ما لهاش أي علاج غير البيولوجي.

بس الحمد لله ربنا تمجد على إيد دكتور ضياء ونظام الطيبات.

دي تجربتي الشخصية أنا ووالدتي. شكراً.

إزيك يا سامح؟ عامل إيه يا حبيبي؟ لا يا سامح أنا عايز

أشوفك دايماً بخير يا حبيبي، المهم إن إنت تبقى بخير.

وتكون محافظ على أكلك عشان الصدفية ما ترجعلكش تاني عشان

إنت أحد علامات نجاحي. ماشي؟ وعشان تطلع معايا لايف قريب

يا سامح إن شاء الله. ربنا يطمنا عليك يا حبيبي.