Review of Yaz Evi Summer Film
شبابي وحلو ومناسب لأجواء الصيف الحركة اللي إحنا فيها دي، يبقى هو الفيلم ده.
اللي لاحظته في الفيلم ده، رغم إنه فيلم صيفي شبابي خفيف،
إلا إنه قصته نفسها حلوة وبيناقش فعلاً قصة مهمة وحلوة أوي.
فيلم اسمه Yaz Evi أو البيت الصيفي أو بيت المصيف زي ما إحنا بنقول عندنا.
قصة الفيلم مش عايزة أحكيهالكم عشان تتفاجئوا زي ما أنا اتفاجئت،
ولكن مضمون القصة نفسها بيتكلم عن الأهالي
اللي بيجبروا أولادهم إن هم يكونوا حاجة هم مش عاوزين يشتغلوها أو مش عاوزين يعملوها.
الفيلم نفسه فيلم صيفي بامتياز، يعني هو فعلاً حرفياً رايحين البيت بتاع المصيف،
الأجواء بتاعة الفيلم عامة ككل كانت لطيفة بجد، هتحسوا إن أنتم فعلاً صيفتوا.
بصراحة أكتر عجبني الهدف من الفيلم، يعني الفكرة اللي الفيلم عاوز يوصلها،
فكرة إن الأهالي برضه بتتوارث الشخصيات من بعض.
يعني عشان مامتها ما كانتش مخلياها تكون الحاجة اللي هي عايزاها،
جدتها كانت مخلية مامتها ما تبقاش الحاجة اللي هي عايزاها،
فهي عبارة عن توارث أفكار.
وبالنسبة لي الشخصية الأساسية واللي عجبني تمثيلها جداً هي مينا دميرتاش.
في الفيلم ده كان تمثيلها حلو جداً وكانت لطيفة جداً وكانت عاملة الشخصية حلوة أوي.
End of transcript · 182 words
