تدوين الحديث والفرق بين السنة والأحاديث

بالله عليكم الأحاديث اللي في البخاري ومسلم والنسائي والترمذي وابن ماجة وسائر كتب السنة والصحاح.

الرسول هو اللي كتبها والله ما كتبها الرسول كتبها ما كتبها قدمها لنا راجعها.

يعني افرض أنها كتبت سيدنا رسول الله راجعها ما رجعها.

إما مين كتبها الصحابة بناء على إيه؟ على روايات بمعنى إيه لما سيدنا رسول الله مات سنة 11 هجرية أو 11 هجرية.

المسلمين قعدوا يتعاملوا تلقائي بمعلوماتهم اللي عندهم مع القرآن الكريم.

والكل اللي يعرف معلومة بيقولها للتاني. لحد سنة 99 هجرية.

لحد سنة كم 99 هجرية. لما جه عمر بن عبد العزيز اللي هو قعد في الخلافة 3 سنين.

وبعدين شاف الناس عمالين تتحاكى الأحاديث فقال الله.

وليه الأحاديث تبقى سر في عقول البعض دون أن تكتبها؟

طب ليه ما تكتبها عشان الأجيال القادمة. ففتح ديوان وسماه ديوان الأحاديث.

وطلب من المتخصصين إن هم يجمعوا أكبر قدر ممكن من هذه الروايات في عقول من يحفظها.

99 هجري يعني كان آخر صحابي تقريبا ما عادش إلا 2 3 من الصحابة.

وكل الصحابة التانيين ماتوا. وحتى 2 3 المتبقين من الصحابة كانوا بلغوا الشيخوخة.

وممكن يكون في سن لا يستطيعون استرجاع ما مضى من معلومات.

فكتبوا الأحاديث بناء على إيه؟ فلان يقول إيه؟

أبويا كان حكى عن أبوه عن سيدنا الرسول كذا.

فيبقى حكى عن أبيه وأبوه حكى عن أبيه. أبوه الأخير الثالث ده جده هو صحابي.

كان سمع سيدنا الرسول قال له كذا. يبقى أصبح الصحابي.

حكى لابنه ابنه أو حكى لتلميذه. تلميذه حكى لتلميذه الثاني.

تلميذه الثاني. حكى هذا الحديث فلأكتبه.

طيب كتبوا كم حديث؟ عدد قليل جدا. استمرت عملية الجمع دي 400 سنة.

هو ظنوا إن عملية جمع الأحاديث أخذت 10 سنين ولا 5 سنين أخذت أكثر من 400 سنة.

كل واحد عمال يقول يعني مثلا الإمام البيهقي اللي مات 456 هجرية تقريبا.

ده جمع في السنن الكبرى مجموعة من الأحاديث جمعها منين 456 هجرية.

وسيدنا عمر بن عبد العزيز بدأ سنة 99 هجرية.

يعني شوف كم سنة ولسه فيه عملية الجمع بيجمع.

ويحاول يسأل أي حد انت حفظت حديث عن سيدنا عن أبوك ولا حاجة عن سيدنا رسول الله.

فيجي بقى المسلسل ويفتحه كده السند كده تلاقوا أقل سند أقل سند 4 5 يزيد الى 20 يعني عن فلان عن فلان عن فلان عن فلان لحد 20 أو لحد 15 أو لحد على الأقل لحد 7 8 عن فلان عن فلان عن فلان عن فلان 7 8 عن رسول الله صلى الله عليه وسلم.

الله يعني الجمع تم بعد موت سيدنا رسول الله بسنين طويلة.

وجمع ايه جمع عشوائي مش جمع ممنهج بمعنى ايه عشوائي بمعنى ان حظ الباحث اللي بيكتب الحديث انه لقى واحد حافظ.

طيب لو كان مش حافظ الحديث او لو قعد يفتكر يفتكر ومش قادر يوصل او جاب لفظ الحديث بنصف نصف جملة والنصف الثاني ما كملهاش.

انا افتكرت ده بس النصف الثاني ناسيه. كل ده قائم على جمع ما يمكن جمعه.

فأصبح الأحاديث الواردة عندنا اللي في البخاري ومسلم والنسائي والترمذي وابن ماجة وداود والموطأ.

وكمان في البيهقي والدارقطني والمصنفات عبد الرزاق وابن أبي شيبة وغيرهم من كل كتب الأحاديث التي جمعت هذه الأحاديث.

عبارة عن روايات يمكن أن نأخذ بها كمرجع ثالث.

يبقى المرجع الأول قران. المرجع الثاني السنة.

السنة اللي هي ايه الطريقة المتبعة المجما عليها.

اللي هي العوام يعرفوها قبل من زي الخواص.

ثم الأحاديث. يبقى الأحاديث أصبحت كمرجع ثالث ما أصبحت مرجع ثاني.

لكن على الرأي الأول اللي بيقول لك السنة هي كل ما روي عن سيدنا رسول الله من قول أو فعل أو صفة أو تقرير خلى الأحاديث مرجع ثاني.

يبقى احنا عندنا المرجع الثاني السنة ولا الأحاديث.

إذا اعتبرنا القرءان المرجع الأول يبقى المرجع الثاني هو السنة.

السنة تشمل الأحاديث. ده رأي السنة لا تشمل الأحاديث وإنما السنة مستقلة.

والمرجع الثالث الأحاديث. ده هو الرأي الثاني.

احنا على كل حال سواء قلنا ده ولا ده. الخطاب الديني الشائع غالب قوي وكاسح قوي.

فاحنا عشان نقدر ننتفع بانفراجة بيكم هنعتبر السنة تشمل الأحاديث اعتباري.

لكن لو احنا أردنا ننصف الحقيقة السنة شيء والأحاديث شيء ثاني.

واللي هيقول غير كده بيبقى بيخدع نفسه لأن الأحاديث مرويات.

والمرويات زي ما قلت لكم جاية بهذه الطريقة اللي أنا حكيتها.

النبي ما كتبهاش وقدمها لنا. أما اللي النبي عمله قدمه لنا زي ما قال صلوا كما رأيتموني أصلي.

زي ما قال خذوا عني مناسككم. زي ما قال في خطبة الوداع ألا فليبلغ الشهر الغائب.

يبقى هنا خطبة الوداع أمر أنها تبلغ. بخلاف الأحاديث الثانية لما يقابل صحابي أو صحابية وله سؤال ويجاوبه إجابة فردية.

الإجابة الفردية ديت تعتبر حجة على الأمة؟

ولا الإجابة الفردية ممكن تحتمل أن تكون حجة على من تلقاها والأمة لا؟

لسبب إن النبي ما قالوش بلغ. والنبي ما قالش للصحابة بلّغِي.

وإنما حل مشكلة الصحابية اللي جت تسأل عن سؤال بإجابة. يعني مثلًا لما سيدنا رسول الله خش على أسماء بنت عميس في كما ورد في مسند ابن أحمد.

وبعدين كان جوزها جعفر ابن أبي طالب وقُتل.

فهي كانت لابسة الإحداد. فسيدنا النبي قال لها بعد الثلاث أيام دخل عليها بعد الثلاث وقال لا تحدي بعد يومك هذا.

لا تحدي بعد يومك هذا. كفاية عليه كده. أنت هتلبسي لبس الإحداد أكتر من كدا ليه؟

لا تحدي بعد يومك هذا. ده سيدنا النبي قالها لأسماء بنت عميس.

تعتبر حجة على الكل؟ حجة على كل الأمة؟ ولا النبي كان بيكلمها أمر خاص؟

ومن حق بيئة النساء أنها تحد على موت جوزها أربعة عشر يومًا.

عملًا بأحاديث كثيرة جدًا في البخاري ومسلم لا يحل لامرأة تؤمن بالله واليوم الآخر أن تحد على ميت فوق ثلاث إلا على زوج أربعة عشر يومًا.

ده حق وليس واجب على قول الحسن البصري والحكم ابن عتيبة.

وإن كان جمهور الفقهاء بيقول ده صار واجب.

المهم إن مثل هذه الأحاديث اللي النبي كان بيكلم فيها البعض يبقى تصير حجة على الكل.

عشان كده لو إحنا أردنا ننصف نجعل القرآن المرجع الأول، نجعل السنة المرجع الثاني، نجعل أحاديث المـ