Parenting and Child Education Techniques

الولد كيف بتربيه؟ إذا كل ما بده شغلة بتعمله ياها،

كل رغباته بتحققه ياها، كل أمنياته بتحققه ياها، ما بتكون عم بتربيه.

الله أعلم شو بده يطلع هيدا الولد.

لكن بس بدك تربيه وتحافظ له على صحته، على عقيلاته،

ويصير عنده علم، وعنده أخلاق، وعنده إرادة، بيحمل مسؤولية وإلى آخره،

في شغلات بدك تسمح له فيها وفي شغلات بدك تمنعه عنها.

ومثلاً لما بيجي إنه لازم يتعلم،

طيب ما عم يدرس الولد،

بتقول له إذا ما بتحفظ دروسك، إذا ما بتجيب تطلع مثلاً هيك بالامتحان بالصف أول، ثاني، ثالث،

والله ضهرة ما عاد في.

أكثر شي شو بيحب؟ بيحب يلعب فوتبول؟ بتقول له ما في لعب فوتبول، لشهرين ما في لعب فوتبول،

لتجيب لي العلامة إنه أنت طالع أول، ناجح بالامتحانات.

هلق في شي أهم صار عند الأولاد، إنه أغلب الناس جايبين لأولادهم هيدا التلفون، ما نعرف شو بتقولوا له.

وبيقعد بيلعب بيضل كل الوقت هيدا عم بيلعب.

طيب بشو معلق هيدا الولد؟ معلق بهيدا التلفون، عظيم.

إذا هلق ما بتقوم تتوضأ وتصلي، تلفون ما في.

حآخذ منك التلفون وأعطيك ياه بعد شهر، بتلاقيه ركض ركض ووقف يصلي.

مظبوط ولا لأ؟

طيب، إذاً بدك تشوف أنت الولد شو بيحب،

في شي بتحقق له ياه، في شي بتصير تمنعه منه لتربيه، هيدا اسمه أحد أشكال التربية.

التربية فيها ترغيب وفيها ترهيب.

لتشجعه يعمل عمل معين بتقول له بدي جيب لك تلفون.

لحتى تمنعه من بعض الأعمال المعينة بتقول له هيدا التلفون اللي جبت لك ياه بدي آخذه منك، بدي أحرمك منه.

هون بتكون عم بتربيه.