كيف يذكّر كيمي أنتونيلي بمواهب يوفنتوس الضائعة؟

ليه نجاح كيميا انتونيلي بيفكرنا بفشل يوفنتوس؟

كيميا انتونيلي أصبح أول بطل عالم إيطالي للفورميلا 1 من 73 سنة.

وفي المجمل إيطاليا في أزهى عصورها في الرياضة.

عندك يانك سينر متصدر المشهد في التنس، وانتونيلي أصبح بطل العالم مع مرسيدس.

وحاليا هذا الكومبو الإيطالي الألماني موجود حتى في كرة القدم.

فزي ما انتونيلي لقى شركة ألمانية تحتويه علشان يكون أصغر بطل عالم في الفورميلا 1، ففي مواهب زي لوكا ريجاني وسامويل إيناسيو اللي قرروا إن هم يروحوا نادي ألماني علشان ينمي مواهبهم ويخليهم نجوم عالمية.

لكن السؤال هنا ليه انتونيلي قرر يروح يسوق مرسيدس وفي شركة اسمها فيراري موجودة في إيطاليا؟

والإجابة هي إن فيراري كان عندهم الفرصة إن هم يتعاقدوا معاه، لكن قالوا إن هو لسه عنده 11 سنة وصغير أوي فبلاش منه.

أعلى نسبة أسهم في فيراري يملكها شركة أكسر.

يملك شركة أكسر عائلة أنيelli، اللي على رأسها حاليًا جون ألكان، وهم حاليًا يملكون نادي اليوف.

وزي ما شركة أكسر فوتت فرصة انتونيلي في سباق السيارات، فهم فوتوا العديد من الفرص في كرة القدم.

في مجموعة من المواهب كانت تحت أيديهم في مشروع next gen الفريق الرديف لنادي يوفنتوس، وبدل ما اللعيبة دي تمثل الفريق الأول راحوا لعبوا في أنحاء أوروبا.

عندك دين هويسن نجم ريال مدريد، طارق محراموفيتش نجم ليدز يونايتد الجديد، ماتياس سولي من أفضل لعيبة روما الهجومية، ديفنتر مدافع الميلان، صامويل مبانجولا الوحيد اللي هزم الروسونيري في الدوري هذا الموسم لما سجل ضدهم هاتريك.

ده غير نيكولو سافونا ورادو دراجوزين وجوفاني دافارا.

وهنا مش بالضروري الأسماء دي كانت هتنجح مع السيدة العجوز.

في أسماء فيهم أنا أصلا مش مقتنع بها، بس النقطة إن الأسماء دي ما خدتش فرصة كاملة أو حقيقية في النادي.

يعني اليوفي بيصرف مبالغ طائلة كل سنة على لعيبة أغلبها بتفشل، وهو تحت إيده فيه نجوم محتاجة تتشاف وتتجرب.

حلو أوي إنك بتعرف تخطف مواهب زي كنان يلدز وكريم اليابيغوفيتش، بس السؤال هو أنت بتدي دقايق لقد إيه من لعيبة next gen عندك في الفريق الأول؟ مستني إيه؟

مستني تبيعهم عشان نقعد نعيط عليهم زي ما عيطنا على اللي فاتوا؟