Discussion on Historical Violence in Islam

طب تعال نشوف بقى السلفيين. تعال نشوف بقى الشيخ محمد ابن عبد

الوهاب والجماعة بتوعه اللي هم بقى لهم دلوقتي حوالي ميتين وخمسين سنة.

تقدر تعد لي كم مذبحة عملها

الوهابية في حق المسلمين؟ كم مذبحة تعرف؟ تعرف ولا ما

تعرفش يعني كم مذبحة؟ كم مذبحة مش كام واحد قتلوه؟ لا.

كم مذبحة عملوها للمسلمين؟ انا احيلك على كتاب تاريخ

نجد لابن غنام. مين ابن غنام ده؟ ابن غنام ده ما كانش واحد

معادي للشيخ

محمد بن عبد الوهاب او للوهابيين. هو نفسه كان وهابي وكان رفيق

الشيخ محمد بن عبد الوهاب. وعمل كتاب اسمه تاريخ نجد على سبيل

التفاخر وجهاد الامام المجدد المجاهد شيخ الاسلام.

انا بس هديك مفاتيح صغيرة. دور كده على حاجة اسمها

مذبحة الطائف. اكتب كده على جوجل. مذبحة

الطائف. وشوف ايه اللي حصل في مذبحة الطائف دي.

اكتب مذبحة المدينة المنورة

الأولى ومذبحة المدينة المنورة الثانية.

وشوف ايه اللي حصل في سكان وأهل المدينة المنورة.

عملوا ايه في الناس اللي كانوا في المدينة المنورة؟ اكتب مذبحة

جدة وشوف الناس دول عملوا ايه في اهل جدة.

دور على حاجة اسمها مذبحة المحمل دي.

حصلت بقى للحجاج المصريين سنة ألف تسعمية اتنين وتلاتين اللي هم

اخوان من عاهد الله او اخوان من اطاع الله اللي هم كانوا مع عبد

العزيز ال سعود مؤسس الدولة السعودية في السنة اللي تأسست فيها الدولة السعودية

الثالثة. الناس دول عملوا ايه في الحجاج المصريين

اللي

كانوا خارجين مع المحمل رايحين يحجوا؟ عملوا ايه مع الناس دول؟

وغيرها مدابح لا تحصى. انا يا سيدي هحط لك الرابط بتاع

الكتاب في اول تعليق افتح الكتاب وتصفحه نص ساعة بس.

قلب كده كل كام صفحة اقرأ شوية كل كام صفحة اقرأ شوية.

كل كام صفحة اقرأ شوية. نصف ساعة هتغير حياتك.

تقدر تقرر بعدها هل دي سلوكيات

واخلاق وسيرة وحياة امام مصلح امام

مجدد مجاهد شيخ الاسلام ولا سيرة واحد

قاطع طريق وواحد قتال قتلة بحياة الشيخ محمد بن

عبد الوهاب وجماعته على مدار لحد داعش.

ما هو داعش دول امتداد طبيعي لمحمد بن عبد الوهاب وجماعته على

مدار المتين وخمسين سنة دول اللي هم الوهابية الذين

ما رفعوا سيوفهم إلا على المسلمين، وما

قطرت سيوفهم إلا من دماء المسلمين. ما وقفوا موقفا

واحد على مدار متين وخمسين سنة نصرة للأمة،

ولا مرة واحدة ولا مرة واحدة رفعوا

سيوفهم على أعداء المسلمين. ما رفعوا سيوفهم إلا على

المسلمين. ما استحلوا إلا دماء المسلمين.

ما استحلوا إلا أموال المسلمين. ما استحلوا إلا أعراض المسلمين.

دول كده أهل السنة والجماعة. ودول كده على منهج السلف.

والكبير بتاعهم محمد بن عبد الوهاب ده الإمام المجدد المجاهد

شيخ الإسلام. وأنا لازم أقول كده غصبا عني ورجل فوق

رقبتي. وإلا يبقى أنا كده مغرض وحاقد

وحاسد وبطعم في العلماء وببيع العقيدة.

شفت بقى.