Analysis of Football Match Referee Decisions
أه...
إزاي حضرتك يا كابتن فاروق؟ وتحياتي للكابتن مجدي طلبة والكابتن تامر بجاتو.
أهلاً بيك، سلام عليكم. مساء الخير يا كابتن محمد. أهلاً يا كابتن.
كابتن، كـ كـ طبعاً كواحد من الشعب المصري الحقيقة بقول لك هارد لك.
ويعني كنا نتمنى طبعاً مصر تكمل بناءً على مجهود كبير الحقيقة بيتعمل واتعمل.
وسوء توفيق بقى حصل في الآخر من خلال الأهداف، لكن البعض شايف إن حكم اللقاء الحقيقة كان جاي على مصر جداً.
يعني حضرتك من خلال اللقاء ومن خلال تحليل الحالات اللي ممكن كان عليها جدل، شايف الأمور ماشية إزاي؟
بص يا كابتن فاروق، بسم الله الرحمن الرحيم، طبعاً كانت آمالنا بعد 2-0 إن المباراة شبه انتهت.
وإن إحنا يدخل فينا تلات أجوان في ربع ساعة دي هي اللي... اللي عاملة الصدمة.
ولكن خلينا نتكلم تحكيمياً وبالمنطق.
الحكم، نفس الحكم ده اللي كنا متقدمين لحد الدقيقة 80 معاه 2-0.
الهدف اللي جابه زيكو الأولاني، ده أه ماشي، في في مراحل تطور الهجوم أو ما يطلق عليه الـ APP.
في خطأ ارتكب من مروان عطية ضد مهاجم الأرجنتين، ورجوع الفار...
أو الرجوع للفار في هذه الحالة كان الحكم محق فيه.
أه، بس يا كابتن يعني أنا بناقش حضرتك الحقيقة، لأن إحنا متابعين كأس العالم.
فهناك اشتراكات الحقيقة الحكام يعني واضح جداً إن هما واخدين تعليمات إن في اشتراكات تعدي وتمشي.
فهل دي من ضمن الاشتراكات اللي... يمكن حضرتك أكيد تابعت وشوفت يا كابتن؟
خلينا نتكلم إن حالة زي دي...
طالما الفار استدعى حكم المباراة وجاب له صورة ووضح له فيها ده...
ما يقدرش الحكم يرجع يقول أنا شوفت ده بس مش هحسبه.
يعني الفار استدعى الحكم... يعني هي شدة ولا دوسة رجل يا كابتن؟
لا، في دهس. بس عشان أربط بين الحالة دي...
وبين حالة الكابتن محمد صلاح. أه، اتفضل يا كابتن، أه اتفضل بالظبط، اتفضل.
هنا وقت الدهس كانت الكورة في حوزة مهاجم الأرجنتين.
وبالتالي لسه الكورة معاه ولسه الكورة في حوزته.
طب نرجع للكورة بتاعة محمد صلاح اللي جت بعديها وليه لما أحرز منها الهدف التالت الحكم مرجعش للفار؟
لأن مدافع الأرجنتين جوة الـ 18 كان قدر إن هو يقطع الكورة من الكابتن محمد صلاح وأصبحت الكورة خلفه.
ما حدث بعد ذلك هو التحام طبيعي لا يرقى لاستدعاء الفار.
هي بس من الصدمة إحنا عمالين نقول طب هنا أنت حسبت ليه وهنا ما حسبتش ليه؟ ما فيش الكلام ده.
يعني كل حالة مش شبه التانية، الفرق بين حالة الأرجنتين إن الكورة ظلت في حوزة المهاجم بعد الدهس.
الكورة قبل ما يحصل التحام بين محمد صلاح ومدافع الأرجنتين كانت الكورة أصبحت خلف الكابتن محمد صلاح، كانت اتقطعت منه خلاص.
فده التحام طبيعي.
لكن الكورة بتاعتنا أو الكورة الهدف بتاعنا اللي تم إلغاؤه هو كانت في حوزة لاعب الأرجنتين وحصل دوسة على رجل اللاعب نفسه؟
حصل دهس على القدم ودي أكتر حاجة الفار في المراجعة الميدانية وضحها للحكم كذا مرة، الدهس.
مش الشد؟ لأن دي برضه يعني فيها شد برضه يا كابتن.
لا، ولكن الدهس هو أوضح، الدهس هو أوضح في الحالة دي.
والفار وهو بيعيد له، ركز له جامد جداً على الدهس، جابه له مرة من الثبات اللي هي الـ point of contact زي ما بنقول.
وجابه له بالسرعة العادية وجابه له بالبطيء كذا مرة، فإلغاء الهدف هنا قرار سليم عقب العودة للفار.
ما فيش... ما كانش في أي داعي إن هو يرجع للفار للمراجعة الميدانية أو زي ما بنقول الرجوع للفار عقب الهدف التالت للأرجنتين.
يعني نفس الحكم ده كنا كسبانين معاه للدقيقة 80، 2-0.
طب في كورة تانية يا كابتن تقريباً مرموش كان بيتشد جوة الـ 18؟
حمدي فتحي؟ حمدي فتحي.
حمدي فتحي، أه في شد ولكن شد غير مؤثر.
بمعنى يا كابتن يعني إيه غير مؤثر شد؟ أه، شد غير مؤثر وما أثرش على قدرة اللاعب...
إن هو يحرز هدف أو إن هو يستحوذ على الكورة، وفي الفيفا لا يلتفتوا لهذه الالتحامات أو لهذا الشد غير المؤثر.
إحنا شوفناه كذا مرة حصل، ومبارح حصل في ماتش إسبانيا والبرتغال مع رونالدو في أحد الكرات الثابتة ولم يلتفت إليه الحكم.
امم.
طيب، بشكل عام يا كابتن يعني برضه حضرتك يعني... اتفضل يا كابتن. هتفهمني وتفهم سؤالي.
كـ كـ كـ لعيب كورة وأنت عارف يعني حضرتك ممكن حكم يحجم فريق عن فريق في كرة القدم جوة الملعب من خلال فاولات معينة؟
من خلال أماكن معينة في احتساب الفاولات، شايف حكم اللقاء النهاردة عمل كدة ولا ما عملش يا كابتن؟
لا لا، ما عملش كدة، ما عملش كدة لأن هو كان ممكن في كذا كورة...
End of transcript · 707 words
