Analysis of Football Match Refereeing

أه إزيك يا كابتن فاروق وتحياتي للكابتن مجدي طلبة والكابتن تامر بجاتو.

أهلاً وسهلاً يا كابتن. مساء الخير يا كابتن محمد. أهلاً يا كابتن.

كابتن كـ كـ طبعاً كواحد من شعب مصر الحقيقة بقولك هارد لك و...

يعني كنا نتمنى طبعاً مصر تكمل بناءً على مجهود كبير الحقيقة بيتعمل واتعمل

وسوء توفيق بقى حصل في الآخر من خلال الأهداف، لكن البعض شايف إن حكم اللقاء الحقيقة كان جاي على مصر جداً

يعني حضرتك من خلال اللقاء، من خلال تحليل الحالات اللي ممكن كان عليها جدل، شايف الأمور ماشية إزاي؟

بص يا كابتن فاروق، بسم الله الرحمن الرحيم، طبعاً كانت آمالنا بعد 2-0 إن المباراة شبه انتهت

وإن إحنا يدخل فينا تلات تجوان في ربع ساعة دي هي اللي عاملة الصدمة، ولكن خلينا نتكلم تحكيمياً وبالمنطق

الحكم، نفس الحكم ده اللي إحنا كنا متقدمين لحد الدقيقة 80 معاه 2-0

تمام. الهدف اللي جابه زيكو الأولاني، ده أه ماشي، فيه في مراحل تطور الهجوم أو ما يطلق عليه الـ APP

فيه خطأ ارتكب من مروان عطية ضد مهاجم الأرجنتين، والرجوع للفار

أو الرجوع للفار في هذه الحالة كان الحكم محق فيه.

أه بس يا كابتن يعني أنا بناقش حضرتك الحقيقة، لأن إحنا متابعين كأس العالم، فهناك اشتراكات الحقيقة الحكام

يعني واضح جداً إن هما واخدين تعليمات بأن فيه اشتراكات تعدي وتمشي، فهل دي من ضمن الاشتراكات اللي يمكن حضرتك أكيد تابعت ده يا كابتن؟

زي ما عدى قبل كده، عدى.

خلينا نتكلم إن حالة زي دي طالما الفار استدعى حكم المباراة وجابله صورة ووضحله فيها ده

ما يقدرش الحكم يرجع يقول أنا شفت ده بس مش هحسبه.

يعني الفار استدعى الحكم... يعني هي شدة ولا دوسة رجل يا كابتن؟ لا فيه دهس.

أه، بيتكلم على المسك... بيتكلم على المسك يا كابتن. بس عشان أربط بين الحالة دي والحالة اللي اتسألت حالة الكابتن محمد صلاح.

أه اتفضل يا كابتن، أيوة اتفضل بالظبط، اتفضل. هنا وقت الدهس كانت الكورة في حوزة مهاجم الأرجنتين.

وبالتالي لسه الكورة معاه ولسه الكورة في حوزته، طب نرجع للكورة بتاعة محمد صلاح اللي جت بعديها وليه

لما أحرز منها الهدف التالت الحكم مرجعش للفار؟

لأن مدافع الأرجنتين جوة الـ 18 كان قدر إنه يقطع الكورة من الكابتن محمد صلاح وأصبحت الكورة خلفه.

ما حدث بعد ذلك هو التحام طبيعي لا يرقى لاستدعاء الفار.

أه، همم همم. هي بس من الصدمة إحنا عمالين نقول طب هنا أنت حسبت ليه وهنا ما حسبتش ليه، مفيش الكلام ده.

يعني كل حالة مش شبه التانية، الفرق بين حالة الأرجنتين إن الكورة ظلت في حوزة المهاجم بعد الدهس

الكورة قبل ما يحصل التحام بين محمد صلاح ومدافع الأرجنتين كانت الكورة أصبحت خلف الكابتن محمد صلاح، كانت اتقطعت منه خلاص.

فده التحام طبيعي. أه.

لكن الكورة بتاعتنا أو الكورة الهدف بتاعنا اللي تم إلغاؤه هو كانت في حوزة لاعب الأرجنتين

وحصل دوسة على رجل اللاعب نفسه. حصل دهس على القدم ودي أكتر حاجة الفار في المراجعة الميدانية

وضحها للحكم كذا مرة، الدهس. مش الشد لأن دي برضه يعني فيها شد برضه يا كابتن.

لا، ولكن الدهس هو أوضح، الدهس هو أوضح في الحالة دي

والفار وهو بيعيدله ركزله جامد جداً على الدهس، جابهوله مرة من الثبات اللي هي الـ point of contact زي ما بنقول

وجابهوله بالسرعة العادية وجابهوله بالبطيء كذا مرة، فإلغاء الهدف هنا قرار سليم عقب العودة للفار

مفيش، مكانش فيه أي داعي إنه يرجع للفار للمراجعة الميدانية أو زي ما بنقول الرجوع للفار عقب الهدف التالت للأرجنتين

يعني نفس الحكم ده كنا كسبانين معاه للدقيقة 80، 2-0.

طب في كورة تانية يا كابتن تقريباً مرموش كان بيتشد جوة الـ 18؟ حمدي فتحي، حمدي فتحي.

أه حمدي فتحي، حمدي فتحي وتيشرت اتقطع. حمدي فتحي، أه فيه شد ولكن شد غير مؤثر

بمعنى يا كابتن يعني إيه غير مؤثر شد؟ أه شد غير مؤثر

وما أثرش على قدرة اللاعب إنه يحرز هدف أو إنه يستحوذ على الكورة

وفي الفيفا لا يلتفتوا لهذه الالتحامات أو لهذا الشد غير المؤثر، إحنا شفناه كذا مرة حصل

وامبارح حصل في ماتش إسبانيا والبرتغال مع رونالدو في أحد الكرات الثابتة ولم يلتفت إليه الحكم.

همم همم.

طيب بشكل عام يا كابتن يعني برضه حضرتك يعني اتفضل يا كابتن، اتفضل. والتحكيم أخباره إيه في البطولة دي؟

كلاعب كورة وأنت عارف يعني حضرتك ممكن حكم يحجم فريق عن فريق في كرة القدم

جوة الملعب من خلال فاولات معينة، من خلال أماكن معينة في احتساب الفاولات، شايف حكم اللقاء النهاردة عمل كده ولا معملش يا كابتن؟

بمنتهى الأمانة. لا معملش كده، معملش كده لأن هو كان ممكن في كذا كورة