Analysis of Messi's Penalty Kick
كلمني عن الـ 30 ثانية اللي ميسي خد الكورة عشان يلعب البينالتي.
البينالتي. كلمني، أكيد دول أطول 30 ثانية في حياتك يعني.
قولي من أول ما قالوا بينالتي والحاج ميسي راح واخد الكورة وحطها كدة.
قولي كنت بتشوف إيه؟ بتفكر في إيه؟ شايف إيه؟
بص يا أستاذ عمرو، ماتش أستراليا إحنا لعبنا بينالتيز. - آه. - أنا مصديتش ولا واحدة.
آه بس هما ربنا كرمهم باتنين برة. - آه ربنا يخليهم فعلاً هما حطوا الكور برة فالحمد لله المهم إن إحنا صعدنا.
فالماتش اللي بعده إحنا بنتفرج، بتفرج على ميسي بتفرج على الناس اللي بتشوط اللي هو طبعاً ميسي أول واحد فيهم.
فهو أكيد برضه بيتفرج عليك بيحب يعرف إنت بتميل أنهي زاوية لما بتبقى لعيب بشماله بيلعب فين، حاجات هي فنية يعني.
بس إنت البينالتي اللي قبليه إنت صادد في نفس المكان. - نفس المكان، هو...
هي طبعاً توفيق في الأول وفي الآخر مش شطارة خالص، يعني أنا بقولك أنا اتشاط عليا واحدة في ماتش إيران صديتها.
أربعة في ماتش أستراليا، أستراليا مصديتش ولا واحدة، وصديت بتاعة ميسي اللي هي، فهي دايماً بيبقى فيها توفيق ده في الأول وفي الآخر.
مع إن إنت بتذاكر اللي قدامك طريقة وقفته عاملة إزاي، الدخلة بتاعته عاملة إزاي، الحاجات دي كلها بتفرق جداً جداً.
ففي بتاعة ميسي دي، هو ميسي متعود دايماً إنه بيدخل بالراحة بيستناك تروح في زاوية ويحط عكس اتجاهك.
هو يشوفك رايح فين. - هو بقى معملش كدة، لأنه كان مضيع اللي قبلها بنفس الطريقة، دخل بالراحة.
فالجول فضل واقفله كويس أوي حطها برة خالص لوحده.
فاللي بعدها أنا كان عندي برضه كنت بسأل نفسي هل لو جت بينالتي هو هيقف ولا هيخش دخلة مختلفة؟ أنا مكنتش عايزه يخش كدة.
بالطريقة اللي أنا صديت بيها مكنتش عايزه يدخل كدة، كنت عايزه يدخل واقف عشان كنت هستنى معاه أحاول للآخر.
اللي هو هشوفك لغاية الآخر. - بس لما حط الكورة ورجع.
في خطوة كدة خدها ودخل بطريقة اللي هو صعب أوي إنه يهدي قبلها إنه يبص عليك. - امم.
فكان خلاص، وفي آخر لحظة كان يعني قررت إن هي شمال والحمد لله توفيق ربنا كان معايا.
وإنت شفت إنها جاية في الحتة دي. - آه.
يعني إنت صبرك لغاية أما عرفت إنه هو جاي هنا؟ - التايمنج مهم جداً.
ولا إنت أصل بيبقى في دايماً يقولولنا كدة بيبقى في التوقع إن إنت هترمي يمين وزي ما تيجي وهترمي شمال وزي ما تيجي.
في في في ناس بتلعب كدة، في ناس بتلعب واحدة وواحدة، في ناس بتلعب تلاتة يمين وتلاتة، كل واحد بيبقى ليه الستايل...
وحارس الكورة؟ - هي عشان كدة عشان كدة قلت لحضرتك في الأول هي توفيق.
بس لا، هو لما دخل الدخلة دي أنا جالي خلاص اللي هو الإحساس إن هي هي شمال.
إنت جاي هنا يا ابني. - إنت جاي هنا، بس برضه مكنش ينفع تروح بدري، ما هو إنت بتلعب قدام ميسي فلو شافك بس بتعمل كدة هيغير.
فأنا حاولت أستنى على آخر لحظة وأروح شمال.
بس قبل ما يشوط كنت بتفكر في إيه؟ يعني إيه اللي في دماغك؟ - ولا أي حاجة.
ولا أي حاجة، أنا لو قعدت أفكر كتير إن ده ميسي وإن ده مش عارف إيه، ما كانش... - ما عينه وهو في عينك.
بيقولك إيه؟ ما كلمكش؟ - لا لا لا ما اتكلمناش خالص.
أصل أنا شفت في بينالتيات بيكلموا بعض. - بيبقى في، وده أسلوب برضه بستخدمه ساعات.
فكرة اللي هو المايند جيمز إن إنت تلعب معاه، بس مش كل مرة مش كل مرة بتنفع.
في وقت بتبقى إنت محتاج تحافظ إنت على تركيزك ما تعملش حاجة أوفر عشان خاطر ما تخسرش إنت تركيزك.
وده الحمد لله اللي حصل يعني.
بس كان عندك إحساس إنك هتصد ولا هتخش جول وخلاص ما هو، ما هو في طريقتين للمايند سيت. - لا لا.
ما هو ميسي اللي شاطها، ما إنت ما أنا لازم هقولك مبرر يعني، ده ميسي وده دي رابع بينالتي يضيع في حياته.
يعني إنت عملتله سكور زي الزفت. - هقول لحضرتك على حاجة، فكرة البينالتيز دي أصلاً أنا بشوف إن الضغط دايماً بيبقى على اللعيب مش على الجول.
لأن في الأول وفي الآخر إنت صديتها إنت نجم الماتش.
دخلت هي في الأول وفي الآخر بينالتي يعني ما بيبقاش ليك فيها أوي.
ففكرة تاني إن إنت لو قعدت تفكر أصل ميسي اللي داخل يشوط أصل مش عارف إيه، طبعاً ميسي أسطورة يعني أحسن لعيب في التاريخ.
بس فكرة إن إنت لو قعدت تفكر في ده كتير في النص، ده هياخد منك كتير أوي، فحتى إنت ممكن...
يعني مينتالي إنت ممكن ما تروحش بنفس الباور بتاعك لأن إنت دماغك شغالة، فمهم كويس أوي إن إنت تبقى مركز في الحدث نفسه، بس.
End of transcript · 721 words
