نص مفرغ العربية

جوناثان يعني بدي ابدأ معك بداية عمرك 34 سنة

ورحت على إسرائيل بعمر الـ 9 سنوات خبرني شوي كيف انتقلتوا، اليوم إنتو مبعدين

وبيتهموكم بالعمالة

إيه أول شي أنا يعني أول شي بدي

شجعك وحييكي كمان إنو عم تعملي هي المقابلة لأنو بعرف إنو الأوضاع مش هوينة بس بالآخر

متل ما قلتيها هيدا بالآخر بيجي عالحق

وبعتقد نحنا اليوم

أنا متلاً ما بعتبر حالي مبعد أنا منفي، منفي من وطني لأنو

قضيتنا بعدا موجودة اليوم من بعد 26 سنة قضيتنا بعدا بقلوبنا وما انحلت ونحنا حاسين

حالنا إنو بالآخر ما جينا على إسرائيل عشان

حياتنا تصير أحسن أو عشان عم ننبش على أشغال لأ نحنا بالآخر جينا على إسرائيل،

نحنا موجودين بالمنفى اليوم لأنو بالآخر الدولة

اللبنانية تخلت عنا إذا بدك تقوليها بهالطريقة وإذا بدنا نقولها بالطريقة الدغري

بالعربي المشبرح لأنو بسنة الـ 2000 وقتها إسرائيل انسحبت

من جنوب لبنان ورجعوا على الحدود تبعهم طلعوا كل جندي إسرائيلي موجود

بجنوب لبنان وبالآخر طلع واحد إسمو حسن نصرالله اللي كان رئيس العام

لحزب الله وطلع يهدد كم يوم بالزبط قبل الانسحاب وقال إنو نحنا جايين ندبح

أهالي واللي كانوا بجيش لبنان الجنوبي هني وبالسرير يعني جايين فايتين على بيوتهم

ندبحهم بالسرير،

هيدي كلمات كلمة بكلمة من اللي قالها حسن نصرالله والدولة اللبنانية ما حمتنا،

الدولة اللبنانية ما إجت قالتلنا لأ إنتو

إنتو مظلومين أو إنتو

خونة للبلد أو

عملاء بالآخر لأنو الدولة اللبنانية هي اللي شدتني وهي اللي دفشتنا لنروح ونتعامل

مع الإسرائيلي لندافع عن نفسنا يعني الدولة اللبنانية وقتها تركتنا بالـ

1975 وبعدين بالـ 1976 عطتنا وقالتلنا روحوا احكوا مع الإسرائيلي ليساعدكم يدافع

عن حالكم لأنو كانت الطريق مقطوعة بين بيروت وبين جنوب لبنان

وقتها الدولة اللبنانية كمان مرة باعت أراضينا للفلسطينية لياسر عرفات

وبعدين لحزب الله، فهيدا الشي صار،

هيدا السبب اللي نحنا اليوم موجودين بإسرائيل لأنو الدولة اللبنانية تخلت عنا،

الدولة اللبنانية ما حكيت بقضيتنا والدولة اللبنانية

بطريقة معينة بتحسيها إنو ما بدها تحكي

على هالموضوع لأنو عارفة إنو هي غلطانة بهالموضوع يعني لبنان بالآخر هو بلدنا

ونحنا بنتمنى يوم من الإيام وإن شاء الله إسا هالإيام تكون قريبة نرجع ونزور بلدنا بس

بالآخر حقنا

بعدو ما عطونا ياه ونحنا بنتمنى إنو هيدا الشي يصير بأسرع ما يمكن