Iraqi Minister's Controversial Qualifications
السلام عليكم.
يا مخازيكم ويا صخامنا وطامنا وياكم.
رايح رئيس الوزراء إلى تركيا،
قاعد ويا الرئيس أردوغان
أمام الإعلام على ميز،
وقدامه الكابينة الوزارية العراقية الوفد والوفد التركي اللي جايين ديوقعون.
وحدة من القضايا اللازم يوقعون عليها قضية طريق التنمية،
اللي تركيا مدت هسة تشتغل ويا سوريا والأردن والسعودية على خط،
ودتشتغل على جهة ثانية ويا مصر على خط، وخط العراق نايم.
ليش خط العراق نايم؟ هسة نشوف.
قاعد السوداني ويا الرئيس أردوغان والمايكات مفتوحة قدام الإعلام والكاميرات.
أردوغان يقول له: وين وزير النقل؟ ليش مو موقع على قضية طريق التنمية؟
ما يقبل يوقع.
إحنا رايحين لهناك ما متفقين بيناتنا، يعني إحنا وصلنا لأنقرة
ما متفقين إحنا نوقع لو ما نوقع.
منو هذا وزير النقل يابة؟ اسمع.
رزاق محيبس.
بكالوريوس علوم إسلامية.
علوم إسلامية!
هسة هذا علوم إسلامية فهمه علمه بقضية التنمية،
بقضية السكك والبنى التحتية والقطارات والشحنات،
والتفريغ والتحميل والموانئ والاستدامة والطاقة والتلوث،
هذا شجابه علوم إسلامية يابة على وزارة النقل؟
شجابه يعني فهموني شنو علاقة العلوم الإسلامية؟
يقرا عليهن؟ يقعد يقرا عليهن القطارات حتى يوصلن بالسلامة؟
دعاء السفر؟
عضو الهيئة القيادية في منظمة بدر.
عضو الشورى المركزية في منظمة بدر.
هذا وزير النقل.
إي طبعا هذا إيران تقول له ما توقع يعني ما توقع هسة لو يصير مو وزير النقل.
خزيتونا اليوم.
دنتعامل ويا تركيا كدولة صغيرة هيك عابرة بالمنطقة،
نوقع وما نوقع بكيفنا.
تعرفون شنو تركيا؟
تعرفون القاعدة الصناعية لتركيا؟
تعرفون أهمية تركيا بالناتو؟
تعرفون جيش تركيا شكبره؟ تعرفون اقتصاد تركيا شكبره؟
تعرفون تركيا هي شنو؟
أنتم مخازي.
أنتم فضايح.
أنتم عبارة عن عار علينا إحنا كعراقيين.
عار إحنا دنشعر بالعار لوجودكم بالحكم.
End of transcript · 256 words
