Mohamed Salah's Future in Football
أين يذهب محمد صلاح؟
هذا هو السؤال الذهبي اللي ما حدش عارفه
وكل شوية حد بيقول قصة.
ده رايح الخليج، لا ده رايح تركيا، بشكتاش،
رايح هيفضل في الدوري الإنجليزي.
هنسأل المهندس عمرو الراوي، استشاري التسويق الرياضي بالدوري الإنجليزي،
معنا زوم من القاهرة.
يا عمرو، مساء الخير. صلاح رايح فين؟
مساء الخير يا أستاذة لميس، على حضرتك وعلى السادة المشاهدين.
ده السؤال اللي كل الناس مستنية تعرف إجابته.
لكن كل التقارير بتشير إن هو خلاص خلص الإجراءات مع بشكتاش في الدوري التركي.
ودي كل التقارير الآخرانية بتقول إن هو تم التعاقد على موسم واحد، وفي موسم تاني ممكن يجدد
بـ 10 مليون يورو زائد 2 مليون يورو يعني بناءً على
البرفورمانس بتاعه أو أداؤه في الملعب.
هل فريق تركي يعتبر داونجريد لصلاح؟
لا، هو مش من ناحية داونجريد، هو لازم لما نبص نبص على الخيارات المتاحة بالنسبة لمحمد صلاح.
زي ما حضرتك ذكرتي، التلات خيارات اللي كانت موجودة أو الناس بتتكلم عليها،
يفضل في الدوري الإنجليزي، وده كان مستبعد لأنه هيفقد جزء كبير من الشعبية اللي مع ليفربول،
وهو ما يقدرش يلعب يعني ويكون مع فريق أي فريق بينافس ضد ليفربول.
الـ كان الخيار التاني الدوري السعودي، وده هيبعده عن المنافسة في الدوريات الأوروبية،
والخيار التالت كان دوري أوروبي، وكان أنسب خيار بالنسبة له حتى هذه اللحظة
في العروض المقدمة بالنسبة له بشكتاش.
طبعاً محمد صلاح في مرحلة مختلفة في مسيرته الكروية،
هو مش محتاج يثبت إن هو لاعب عالمي على مستوى مصر أو العالم العربي أو المستوى العالمي،
هو خلاص أثبت ده.
لكن وجوده في أي دوري ده بيكتب أواخر فصول مسيرته الكروية،
لكن بيغير الخريطة بتاعة الدوري ده.
فطبعاً كل الخيار كل الأسباب دي وكل المعطيات دي أكيد كانت في دماغ محمد صلاح ورامي عباس
لما هم بيختاروا وجهته التانية،
وأكيد كان من الحاجات المهمة اللي هو بيبص عليها إزاي يفضل في أعلى مستوى،
وبشكتاش الدوري التركي دوري قوي جداً.
محمد صلاح كقيمة تجارية وكقيمة كروية هيضيف كتير جداً
مش للنادي، لكن للدوري بأكمله.
End of transcript · 316 words
