Critique of Islamic Governance and War

هذا النظام

دجال، شرير، مشبوه، غير إسلامي.

وآني أول مرة أقولها غير إسلامي،

بس أقول غير إسلامي وعندي شواهد عديدة

آخذلكم مثال واحد، آخذ الأسرى.

أسير يقع، يفترض إنه

ينطي اسمه للصليب الأحمر الدولي حتى أهله

يعرفون قضايا النفقة يمشون،

قضايا الحقوق بين الزوج والزوجة،

قضايا الحقوق بين الـ بين بين الشخص وأقاربه،

المتعلقات في الدائن والمديون،

كلها هذي أمور وأحكام موجودة في الشريعة الإسلامية.

الزواج، الطلاق، إلى آخره،

الإرث، الـ يعني سلسلة من الأمور.

شلون نظام إسلامي هذا ما ينطي أسماء الأسرى؟

إذا الخميني ما يدري معناه هو إنسان ما يصلح للحكم،

هو شخص أول بالدولة شلون ما يدري؟

وإذا يدري معناه هو لو ما يؤمن بالإسلام لو لا يفهم الإسلام.

كل الناس وانتو كلكم قارئين وسامعين

وشوفوا الأحكام الشريعة الإسلامية،

تجوز لمسؤول أن يضم اسم الأسرى

بحيث أهلهم ما يعرفون إنه هو استشهد ولا أسير؟

بحيث تبقى كل هذه القضايا معلقة؟

ربما زوجته يوصلها خبر إنه هو استشهد

من أحد المقاتلين ما شافه زين بالليل، مو؟

وهو يظهر فيما بعد بأنه أسير.

إذن هذا النظام قائم على الدجل، قائم على الشعوذة.

وما فرد يوم الدجل والشعوذة غلبت الحقيقة.

ولا فرد يوم الانحراف غلب العدل

وغلب المبدئية.

يخربط، يسوي، ما أدري إيش، إلى آخره،

هذي خربطته راحت، جزت.

مثل مثل طلاقة وصارت قوفانة،

طلاقته صارت قوفانة بمعنى إنه

شعوذته انكشفت للشعب العراقي، وهذا هو المهم،

بل هو الأهم من أي شيء آخر.

والـ وكلمة دجال ما عاد بس العراقيين يقولوها،

صاروا الإيرانيين يقولوها.

الآن المعارضة الإيرانية تسميه الدجال،

يعني شلون تطلع بجرائدكم انتو خميني الدجال،

هم هم يقولون خميني الدجال.

المعارضة الإيرانية، خو مو احنا منسقين وياهم،

لكن هم أيضاً بالتعامل اكتشفوا بأنه إنسان دجال ومشعوذ.

جوابنا ما ظل مسعى سلمي إذا ما جاوبنا وياه.

ما ظلت وساطة إذا ما قلنا نعم.

ما ظل مقترح يحافظ على سيادتنا وعلى سيادتهم

وعلى كرامتنا وكرامتهم وعلى أمننا وأمنهم

وعلى حقوقنا وحقوقهم إلا وقلنا نعم.

ما هو الطريق؟ القتال.

القتال حتى النصر.

دفاعاً عن الوطن وعن الشرف حتى النصر بعون الله.