Discussion on Syrian Refugee Experiences

وللمزيد تنضم إلي سارة خميس. مساء الخير.

أهلا ومرحبا بك.

مساء النور. أهلا فيك.

بدي أسأل ما الذي دفعك لأن تردي بهذا الشكل

وتقولي هذه الحقائق للصحفي بدل من

الاكتفاء بالسكوت ويعني عدم الرد بهذه الطريقة؟

يعني بدي أحكي إنه هذا الإشي الطبيعي اللي راح يحكيه أي حدا فلسطيني أو

أي حدا عربي أو أي حدا حتى مسلم.

آآآ ما كان في أي سبب إنه حتى أسكت أو إني

أنبسط على كلمة يحكي لي منحب الفلسطينيين بس ما بنحب اللي بيهربوا

السوريين. كيف هربوا أو كيف شاف إنه هم السوريين

هاربين ومنبسطين وهيك مش همهم وضع

بلدهم ومش شايف الطرف الثاني اللي هو

الـ الحقيقة اللي عاشها الشعب السوري.

هم.

وكيف كانت يعني ردة فعلك بعد أن رأيت هذا

المقطع ينتشر ورآه

ربما مئات الآلاف أو الملايين من المتابعين.

الصراحة أصلا ما توقعت إنه هو الشخص هذا

ينشره لأنه خلص بنص الـ مقابلة تركته ورحت

فحسيت إنه شوي راح يحس عدمه وما راح ينشره إنه بنى تركته

ورحت. بس انصدمت كتير لما بعتولي إياها

أصدقائي يعني. كانت أصلا واصلة مشاهدات كتيرة

لإني ما بتبع كتير برضو عالـ social media.

انصدمت كمان على ردة الفعل إنه الناس

عاجبهم ومصدومين وبيمدحوا لأنه هذا الطبيعي

المفروض يعني ما عمري شفت العكس حتى لو هو حاول

إنه بطريقة مخادعة يحكي الموضوع أو بـ بسرعة بدون ما أنتبه.

والحمد لله إنه التركي بتاعه كان كفاية إني أفهم منه شو بيحكي عن

الآخرين. آآ ممكن لو ما فهمت هذا الإشي ممكن إني

كملت ما كنت فاهمة وانبسطت على كلامه.

فإنه بدي أحكي للعالم إنه هذا هو الطبيعي وهذا هو رأي

العالم، الشعب الفلسطيني كلياته أو كل العالم الإسلامي، وإنه كلنا

بنحبكم وكلنا واقفين معكم وعارفين اللي أنتم مرقتوا فيه.

هم. وهل ترين أن تجربة آآ الشعب الفلسطيني

جعلتكي أكثر قدرة على فهم ما عاناه

السوريون خلال آآ السنوات الطويلة الماضية؟

آآ في نعم جزء من هذا وكمان يعني المسلمين

كلياتنا يعني أنا هون درست بتركيا فكان معنا كتير من

شعوب فلسطـ آآ شعوب يعني عرب تانيين أو مسلمين

وكلنا بنحس نفس الشعور لإخوتنا السوريين.

وآآآ يجزيكم الخير كمان اتحاد الطلبة السورية في تركيا

كانوا ما يقصروا من ناحية التوعية، من ناحية إنه يجيبوا أسرى

سوريين آآ كانوا بسجون الـ

آآ الأسد المجرم، فكان يعني كان عندنا وعي كتير

خصوصا بالجامعات. آآ نشوف عن قرب يعني ايش اللي كانوا

يعيشوه الأسرى وايش اللي كانوا يعيشوه الناس.

فـ هاي مش بس رأيي أنا هذا رأي الـ الجميع

اللي شفته.

هم. لو عاد الزمن بك إلى لحظة المقابلة، هل

هناك أشياء ربما أخرى آآ كنتي تريدين

قولها آآ في تلك اللحظات؟

أكيد لو عاد فيي الزمن الصراحة آآ راح أحكي أكتر.

راح أشرح أكتر. بس ما كان آآآ

وقتي كفاية. آآ راح أشرح له أكتر عن آآآ

الـ الوضع اللي كان بسوريا. وراح أشرح له أصلا

إنه السوريين هذا الـ الشي اللي عملوه ما اسمه هروب اسمه لجوء.

وهم لما التجأوا كان في سبب. هم طلعوا وصاروا دكاترة وصاروا

مهندسين. حتى آآأ أستاذ الشباني اللي هو آآ

وزير خارجية تركيا أصلا آآ سوري آآ سوريا هو أصلا

آآ درس يعني بـ تركيا كان حتى بنفس الجامعة اللي أنا

كنت فيها. فهم طلعوا آآآ وصاروا

وكبروا واتجهزوا ورجعوا بنوا حكومة ودولة

جديدة من أول وجديد من بعد ما كانت الحكومة الفاسدة اللي قبل.

فهذا ما اسمه هروب، هذا اسمه لجوء. وآآآ هم

المجاهدين اللي بيقدروا يجاهدوا ظلوا بالـ بـ بسوريا.

وبالعكس الوضع هلأ إن شاء الله أحسن من قبل.

نعم. وكيف كانت ردة فعل الصحفي بعد أن

واجهتيه بهذه المعلومات والحقائق؟ هل لاحظتي على

وجهه أنه تفاجأ؟ ما هي أبرز ملاحظاتك

من خلال ردة فعل الصحفي؟

يعني ردة فعله كانت خبيثة مثل سؤاله الصراحة ما حسيت

إنه آآآ تفاجأ ولا زعل ولا إشي.

وجهت وجهه كان يضحك لأنه أصلا هو لا همه

فلسطين ولا همه غزة ولا همه سوريا ولا همه حتى يمكن

تركيا. آآم سؤاله صراحة أصلا صدمني لأنه

أنا آآ ممكن كنت أعرفه لهذا الـ بني آدم من قبل كنت

أحضر له، كان يسأل أسئلة دينية أكتر إنه شو حافظين

قرآن أو عدد الآيات أو إشي زي هيك.

فـ لما حكى هذا السؤال صراحة يمكن لا هو ولا

أنا توقعنا آآ أجوبة بعض.

هم. وهل كنتِ تتوقعين أن يتحول رد قصير

ومعبر منك بمعلومات وحقائق إلى آآ

قضية رأي عام؟

أبدًا. حتى لهلأ أنا مصدومة ومتفاجئة ليش

هذي الردود؟ لأنه هذا هو الإشي الطبيعي اللي لازم يصير.

يعني متفاجئة ليش العالم هلأ شايفين هذا الإشي كبير.

لهلأ بحكي إنه ما في سبب ينتشر هذا الإشي.

كلياتنا عارفين الموضوع وكلياتنا لو كنا بهذا الموقف راح نجاوب نفس

الإشي. آآ متفاجئة كتير الصراحة والـ

messages اللي بتوصلني والـ واللي بشوفها على الـ

تعليقات بنصدم فيها بزيادة. بس بفرح لما أشوف

قديش إحنا يعني أمة واحدة حتى من الشعب التركي

الأغلب الأغلب آآ فاهمين الأوضاع بسوريا وبدافعوا عن

سوريا. والأغلب كان ردة فعلهم طبيعية وإيجابية.

نعم كل الشكر لكِ على هذه الإيضاحات

وقولكِ للحقائق ونتمنى لكِ كل

التوفيق. سارة خميس كل الشكر لكِ.

شكرًا لك. يعطيك العافية.