Youth Struggles and Government Accountability
واش عباد الله جايبين الشباب كلشي كيغرق كلشي كيموت؟
واش هذا عدل؟ الدري ميت وهوما كلشي موقّفين عليه
المخزن، البوليس، كلشي كيشوف فيهم مسامحين فيه.
علاش هاد الشي؟ منين ما غايدخلوناش علاش جابونا؟
علاش حلوها؟ بغيت نعرف.
علاش جايبيننا حنا بولادنا حنا كاع مرميين هنايا بالجوع بالنوح؟
كيدخلوا الشباب لتما كيقتلوهم بالجوع بالنوح، بلعاني باش يدخلوهم ويوليو يخرجوهم.
علاش فتحوا لهم وعلاش غايوليو يخرجوهم؟
بغينا نعرفوا.
حتى حنا عندنا حق.
جاوبونا، خصنا المسؤولين يجيو يهضروا معانا.
علاش حنا جايين حنا حارتين البلاد، جايين حنا في الطرقان، الجوع، النوح؟
جايين حنا من العرائش وجايبيننا عباد الله كيركبونا، علاش؟
منين ما غايقدوش بينا علاش حلوا لينا الحدود؟
علاش حلوا؟ الشباب كتموت.
ولادهم كيموتوا، ما كيلقاوش فين يخدموا، ما كيخدموش.
الخدمة ما كايناش.
كيمشي يبيع ويشري، كيجريو عليه.
كيمشي يخدم، ما كيعطيوهش حقو.
شنو بغيتوهم يديروا؟ كيمشي يسرق، كيديوه للحبس.
كيمشي يسعى، كيقول لك أنت بصحتك، شنو بغيتينا نديروا حنا؟
شنو بغيتينا نديروا؟
مع احتراماتي، سيدنا خط أحمر.
ولكن هادوك اللي دايرينهم مسؤولين علينا ما كيخدموش خدمتهم.
ما كيخدموش خدمتهم، جايبيننا حنا بلعاني كنموتوا وكيتفرجوا فينا.
شنو في اللخر؟ كيجيبوا لينا المخزن يبدا يطحن فينا، علاش؟
منين حليتي، قد.
ما تقدش، ما تحلش.
علاش هاد الدري هذا شاب يموت؟
الخبار منين غاتوصل لمه، كيفاش غاتكون؟
بغيت نعرف الأم ديالو كيفاش غاتكون؟
حتى هي مسكينة كتدعي عليه، والداه وكتنتظر بأنه يعيط ليها
ويقول ليها راني خدمت، ولا راني مزيان.
باش غاتعيط ليه ويقول ليها راه ميت، كيف غاتكون؟
راه خص بنادم يكون كيهضر.
راه الخوف ديالنا هو اللي خلانا شوهة وخلينا هاكا.
أنا جيبوا لي المسؤول نهضر معاه أ خاي.
مسؤول نهضر معاه، أنا ما عنديش حق؟
علاش أنا بيدي كون كنت لقيت الوضع مزيان علاش غانجي أنا نحرك؟
علاش غانجي نحرك أنا؟
علاش غانجي نحرك؟
البوليس هنايا الآخرين ما خلاوناش نجيبوا هاد الدري.
علاش غانجي أنا بولدي أنا كاع ساهرة وجاية لهنا باش نمشي أنا وولدي؟
ما كاين اللي كيسول فيا، وخا نموت بالجوع، الخبز ما كنلقاش باش ناخذها، ما كاينش اللي كيعقل عليا.
أول حاجة، إلا مشيت نطلب باش نسعى، كيقول لك حاشاك.
تمشي معايا باش نعطيك اللي بغيتيها ديالك، ولكن بالخدمة ما يعطيكش.
بالحق الحرام كاينة.
هاداك هو الفساد.
End of transcript · 348 words
