Challenges Faced by Migrants in Ceuta
تصدمنا خويا تصدمنا بذاك الشيء اللي كاين تما، كاين العذاب، ما كاين والو.
- عوما دخلتي؟ - عوما أنا خويا.
عوما أنا، عوما أنا أصاحبي.
واخا ملي وصلتي لسبتة شنو لقيتي أخويا الحبيب؟
كلشي ضدك بهذا المفهوم.
اللي ساكنين تما، المغاربة اللي تما، البوليس، كلشي، كلشي ضدك.
- كاين شي اعتداءات؟ - آه.
واحد الكلمة أخويا، حنا راه حارقين حارقين، بيهم ولا بلا بيهم، الله يسهل.
- خويا، قلتي لي حتى نتا ضربوك؟ - خويا، هانتا كتشوف.
الضربة الأولى.
ها هي يدي من هنا، نوريك كامل مضروب.
كتمشي كيشوفوك بحال شي حشرة، ما كيشوفوكش كإنسان.
ما كاينش الإنسانية لداخل.
كيخرجوا لينا ولاد سبتة تما كيبداو يدردكوا علينا ويضربونا.
والبوليس والعسكر معاهم.
البوليس والعسكر.
ها هو مخرج معايا الأورو، بغيت نشري بيه، وما لقيتش باش نشري.
- شادين الحوانت؟ - سادين الحوانت.
ها هو وما كاينش...
- كاين فين تصرف بعدا؟ - كاين، ولكن فين هي؟
خبزة وفرماجة دايرة 100 درهم، خبزة وفرماجة بـ 100 درهم أول حاجة.
- سادين الحوانت؟ - سادين علينا الحوانت.
- مشات؟ - مشات.
ها نتا شوف، 10 أورو.
بيناتنا أخويا، هاد 10 أورو هادي شنو كادير ليك فسبتة كون دخلتي بيها؟
هادي كانت تجيب طاكوس، كنت باغي نشري بيها طاكوس وأنا هابط بحالي.
والله إلا عندك تما خبزة.
عندك خبزة وجوج فرماجات، كاع إلى تعاملوا معاك جوج فرماجات.
أما إلى كان بنادم كيتعامل بالأورو وما عارفش الصرف ديال الأورو، كيدّيو ليك كلشي.
كيدّيو ليك داكشي اللي صحاح حيت ما عارفش الصرف ديال الأورو، أنا براسي ما عارفش الصرف ديال الأورو.
كتصرف كيدي ليك داكشي اللي بغا.
والله ياخد الحق، وحنا راه خارجين اليوم ولا غدا.
أنا 5 د السوايع وسط البحر ضربتها، ضربتها من الجامع أنايا فهمتي؟ 5 د السوايع.
5 د السوايع.
أنا دابا واليديا ما عارفين عليا والو، لا واليديا لا حتى شي حاجة، ما عارفين عليا والو.
3 أيام وأنا تما لا ماكلة لا والو، مات حدايا دري ف الغابة، مات حدايا بالجوع.
مات حدايا بالجوع.
وحاليا ما هضرتش مع واليديا كاع.
- غير طمن واليديك دابا ف هاد الكاميرا. - مازال هاد الساعة، التليفون مشات ليه لافيشور.
التليفون مشات ليه لافيشور، يعني التليفون طفا.
عنصرية!
عنصرية، تعداو علينا تما.
ضربونا.
ما كاين والو.
عنصرية، تعداو علينا تما، كاع هاد الدراري هادو كيتضربوا أخويا.
ها المرضى.
المغاربة اللي ساكنين تما كيشدوا بيسطولي وبوشاكا كيبغي يضربك بيه.
مغربي!
كيهضر معاك بالدارجة، التطوانيين والطنجاويين اللي ساكنين تما.
كلهم.
دابا حاليا، نصيحة للسبتاويين، إلى دخل للمغرب راه غايموت، يبقى تما.
حيت هوما تعداو على ولاد بلادهم.
تعداو علينا بزاف، حشومة.
- وعلاش ف نظرك خلاوهم يتعاملوا معاكم هاد المعاملة؟ حنا مغاربة. - حتى أنا براسي كنسول هاد السؤال.
دابا كاملين كيما هوما غاديين يقلبوا على المستقبل ديالهم ولقاو راحتهم تما، حتى حنا راه غاديين نقلبوا على راسنا.
وما صدقوش.
مشينا لتما كيشدونا، كيشدونا البوليس كيبغيو يضربونا، وحشومة.
حشومة هادشي، ما تكذبش.
- بالنسبة للمعيشة تما واش غالية؟ - غالية بزاف.
خبزة بـ 120 درهم.
كأس ديال الحليب و إسفنجة بـ 30 درهم.
آه خويا، وخا نكونوا ولاد...
واحد الدري قدامنا خويا ضربوه بالفرادي البارح، الفرادي تجبد أخويا وحق الله.
سير بالله، المخزن ديال تما البوليس ما كيضربوش، كيداربو غير مع هاد الدراري د سبتة.
هوما اللي كيتحركوا.
وحنا ناعسين مع الكور، وحنا ناعسين مع البوليس العراويين كاع، والكور باغيين يرحبوا بينا.
وهوما كيقولوا لينا رجعوا، ما نعرف لا مغرب لا والو، مغاربة كيهضرو معانا بحال هكا.
لا مارين ديالهم.
العسكريين ديالهم كيضربوا من اللخر، يقولك ما نعرفش ولد البلاد، طلع لفوق.
ها ولاد المغاربة اللي ساكنين ف سبتة، ها مغاربة ولاد رينكون ولاد مارتيل.
عندهم باسبور وساكنين تما.
تطلع تبغي تخبى يضربك بياجورة من السطح.
كيقولك كتخيبوا لينا بلادنا.
نتوما موسخين، حشومة والله.
لا حول، خويا العزيز.
سمح ليا خويا، غانقول واحد الكلمة اللي بنادم أصلا غالط فيها.
السبتاويين كياخدوا الكارو، أنا حضرت ليهم، حضرت ليهم وشوف.
جا واحد هو اللي صرف لينا، وحضرت ليهم ملي كياخدوا الكارو.
كياخدوه من البوتيك بـ...
الكارو بـ 15 أورو، لا ماشي 15 أورو، 5 أورو.
- يعني 50 درهم؟ - 50 درهم.
- باكية؟ - باكية.
وهو شحال الفرق ديالها؟ الفرق ديالها إلى جينا نشوفوا غير 5 دراهم، 5 دراهم 6 دراهم.
وهو كيصرفها, هاد الكارو كيبيعوا بـ 20 درهم.
كتمشي للمخبزة كتاخد خبزة بأقل من أورو.
كيشدها كيعاود فيها البيع.
يعني بنادم خصو يبدل الطريقة ديال التفكير ديالو.
إلى بغيتي توصل، بدل التفكير ديالك، أنا نعطيك أبسط الحلول.
أبسط الحلول، علاش البوليس زيروا وعلاش سدوا؟ حيت أنا من اللولين اللي دخلت.
هاد بنادم يلاه دخل غير البارح، أنا راه أول البارح.
أنا ملي دخلت...
راه كان كلشي محلول تقريبا.
- واخا شنو اللي خلاك ترجع أخويا العزيز؟ - علاش رجعت؟ واللي خلاني نرجع...
هو واليديا وما بقاوش عندي الفلوس، أما أنا عندي كيفاش غادي ندير ناكل.
حيت أنا فهمتي، عندي واحد البلاصة اللي كنمشي كنتراصف كناكل.
راه السونطر راه بنادم راه البارح، والله ما نكذب عليك إلى مع الصباح بنادم سد، علاش؟ حيت دخلوا عليه كيشفروا.
دخلوا عليه، واش بنادم باغي يمشي يصوفي مستقبلو ويصوفي واليديه ويصوفي راسو...
وكيشفر؟
علاش أصاحبي؟
البوليس تعاملوا معانا مزيان ف اللول فاش يلاه دخلنا، تعاملوا معانا مزيان، أحسن تعامل.
أحسن تعامل، وبنادم أصاحبي ما كيعرفش يعوم كيلوحوا ليه شومبرير.
كيطلعوه.
تعاملوا معانا أحسن تعامل، راه اللي خايب...
- واش السونطر ف سبتة لقيتيه عامر؟ - كلشي عامر، 7 ديال لي سونطر كاملين درنا عليهم البارح الصباح كلشي عامر.
حتى شي واحد ما بغا يستقبلنا، كلشي سادين عليه.
راه بنادم بات غير ف الجنب ديالو، الغد ليه جاو جراو على الزبل كامل.
راه قلت لك دابا اللي خايبين...
هوما السبتاويين، المغاربة اللي كاينين ساكنين تما، راه بزاف، هادي لا.
هادي لا، راه...
ديك المحنة اللي عندهم ما كايناش.
بنادم راه كيتيريو أصاحبي، راه كان واحد الحي راه من سبتة لسبتة.
راه كيطلعوا بنادم تما، البوليس ما كيوصلوش ليه نهائيا.
راه كيتيريو ف بنادم أصاحبي.
عشوائيين، واش حتى هوما راه مغاربة أصاحبي؟ راه حتى حنا راه جايين غير نصوفيوا.
بنادم جاي غير يصوفي، راه عندها غير واحد الشهر شهرين، بنادم يصبر مع خوتو.
وغا يصوفي، ما غايبقاش ليك أصاحبي تما.
وما كايناش الإنسانية أصاحبي، الإنسانية والله ما كاينا.
- واش كاين شي حروق؟ - قدامنا، راه كنقولك ف فيديو راه تبارطاجا راه كلشي شافو تقريبا.
راه جاو عندو ويديه للودن طاح خونا بالكار.
واش مات هاداك ولا ما ماتش، الله وأعلم، راه واحد راه كاع...
الحجرات تفرشخات ليه هنايا راه، هادا لا وحق الله، المغاربة.
أما البوليس، أما الكور...
والله ما شفنا منهم إلا الخير، أنا نقولك اللي كاين.
- واش غاتعاود أخويا العزيز؟ - نكذب عليك أخويا.
كنفكر نهاجر قانوني.
أنا راه ما خليت فين مشيت، مشيت للعيون، ما خليت ما خسرت، راه فلوس كحلة خسرت.
هادي اللي بانت ليا فابور قلت زعما أنني زعما نحاول فيها، ما جابش الله، ولكن إلى كانت شي حاجة قانونية مرحبا.
ما كانتش شي حاجة قانونية...
خليني أخويا غير ف بلادي حدى ميمتي، حيت أنا راه قلت لك العامل الوحيد الناس اللي كيبغيوني راه تليفوني والله ما يسكت.
أنا نوريك شحال من أبيل والله ما سكت.
من البارح لليوم، ملي كيشوفوا ف الأخبار، من البارح لليوم...
راه خليت غير واليديا هوما اللي مرجعيني، أما كون ما كانوش واليديا...
- واش طمنتي الميمة أخويا؟ - عاد هضرت معاها دابا، قلت ليها كلشي بخير راه هابط.
- الله يسهل عليك أخويا. - الله يحفظك.
End of transcript · 1,130 words
