Spiritual Healing Through Quranic Recitation

اسمعوا يا بنات أنا بقول لكم شي واعتبروه أهم شي أنا قلته في حسابي والله

العظيم بدون أي مبالغة أهم حاجة أنا قد قلتها.

أنا في خضم إني أنا أستعيد روحي مرة ثانية، كان مرة صعب علي.

صعوبته كانت تكمن في إني أنا ما أعرفني أصلًا بشكل كافي عشان

أقدر أرجعني، فأنا أرجع مين؟ قلت: يا بنات يعني أخذت

جلسات مع أطباء نفسيين مرة كثير، سافرت دول مرة كثير، حاولت

بكل الطرق اللي كانت بيدي، اللي أنا نفسي بس أشوف ضحكتي مرة ثانية،

نفسي أشوف عيوني بالمرآة وهي تلمع. تخيلوا بس هذا كان اللي أنا أتمناه.

كنت قدني منطفئة بشكل مرعب. ما عاد صار لأي شي طعم في حياتي.

إلين يا بنات شفت أحد يقول إنه قراءة

البقرة يوميًا سحر، فأنا وقتها أصلًا قاعدة أجرب كل الطرق.

ما كان فارق معاي إيش الطريقة. بديت.

أول أيام يا بنات كان فيه مقاومة مرعبة إني أنا

أكملها، ولا إني قادرة، خمول وتعب ومدري إيه.

فلما صار زي كذا عرفت إنه هذا تفاعلي معاها، وكل يوم

أغصب نفسي يا بنات غصب إني أكملها للنهاية، وأوقات وأنا أقرأها أنام.

يعني كأنه اختبار إنه هل إنت قد اللي راح يحصل بعدها ولا

بتوقفي من أول شي؟ والله يا بنات لين خلصت أربعين يوم.

ما أقدر أشرح لكم إيش الفرق اللي حصل، لأنه الفرق مرعب.

كل شي في حياتي تغير، كأني انخلقت خلقًا جديد.

تنقيت، تنظفت، يعني كل اللي كنت أحتاجه عشان أرجع أنا مرة

ثانية، كان إني أنا أتنظف من الشوائب والرواسب اللي

علقت فيني على مر السنين وما تعاملت معاها بالطرق الأصح.

فالبقرة، البقرة، البقرة يا بنات امسكوها أربعين يوم، وإذا تقدري تمسكيها

العمر كله please سوي كذا. لأنها إيش يعني؟ ما أقدر

أشرح لكم، ولا أنا يعني عالمة بالدين عشان أقدر أحكي لكم إيش

فوائدها فعلًا، بس أنا قاعدة أقول لكم تجربتي.

تجربتي كانت خيالية مع سورة البقرة، وأنا لما

قرأتها خليت أختي، أمي، أغلب اللي معاي يقرؤوها.

أغلبهم ما قدروا يكملوا، فاللي كمل معاي والله العظيم تشوفوا

الفرق الآن في حياتهم.

دقيقة.

أيوه.

دقيقة. بعد ما-

خالتي تتكلم. أيوه.

بعد ما تقري سورة البقرة-

أم.

شفت اللي في العمق كله يطلع للسطح. تدخلي حتى

باكتئاب، تخيلي.

صح، أنا دخلت في اكتئاب ترى.

أيوه.

شقلبت حياتي، كل شي تركته كرف يا بنات.

حتى، حتى إنك تشكي في نفسك.

صح.

لكن إذا استعنت بالله ووثقت وكملت،

أول شي تنفتح لك فتوحات جوة بيتك.

صح والله. والله من ج-

جوة بيتك، بعد كذا ما هو عمل، ما هو رزق، فتوحات

كذا، زي السحر.

هو أنا قاعدة أقول لهم إنه تنعاد لك روحك.

تحسي ربي أه، يعني أه، حط عليك نور من عنده

جواتك، ما هو بره.

عشان اللي تبدأ بسورة البقرة، وجاتها ضغوطات

وخنقة، تستعين بالله. "وفما ظنكم برب

العالمين". ها إذا ظنك حلو برب العالمين،

بيمشيكي بالمضيق هذا بسهولة ويسر.

والله يا بنات.

والله.

والله مرة كانت صعبة، نفس الوقت الحين أبكي، كانت ليلي مؤلمة للروح.

شوفي على فكرة.

و، وكل شي طالع للسطح. كل الألم، كل شي كذا، تخيلوا

كذا ضغط، وأنا ما عادني عارفة أتعامل مع شي، بس اللي أعرفه بس

وقتها إنه أنا لازم أكمل.

اللي يصير، اللي في بالك تبغيه من سنين، فيه ناس

تزوجت بعد ما تعبت إنها تتزوج، فيه ناس انفتحت لها

المشاريع.

صح.

بعد ما انجلت.

صح.

البقرة جلي، كأنك في مجلى، sorry.

صح والله، أنا توي قلت لهم البقرة تنظيف.

أيوه.

تنظيف يا بنات.

تجي للجسم، تج، تجي للروح، تجي-- يصير في

وجهك بريق.

هذا السر اللي فعلًا، فعلًا فرق في حياتي.

كل شي فرق غيره، أكيد الطبيب النفسي سمعني، جلسات تشافي، جلسات

مدري إيه. قلت ما أقول لكم ما فرقت، كانت جزء من

الرحلة، بس اللي

فعلًا خلقني خلقًا جديد هو التزامي على البقرة أربعين يوم.

أتمنى، أتمنى من كل قلبي إنك إنت بس تجربيها، حتى لو صاحبة جربيها

وشوفي نتايج إنت بنفسك. خالتي قاعدة تقول إنه إذا

جاك ضيق وإنت تقريها ومنتي قادرة تكملي فيه، يعني أختي كانت تجي يا

بنات ضيقة ما عاد تقدر تتنفس، إشتكي لربّي، الله ربي، لا أشرك به شي،

لأنه هذي مداخل الشيطان، يحاول يمسكك، يحاول يمنعك، وإنت حاولي إنك

إنت تكوني قوية نفسيًا وإيمانيًا، إن لا أنا بكمل.

فهمتوا؟ خالتي تقول إنه هذا الدعاء كأنه الفليت بوجه الشيطان.

فيا بنات جربوها، ما بطول عليكم، بس من جد هذا الشي اللي أنا أتمنى

كل إنسان يوصل له، لأنه من جد شفت فرقه في حياتي، وبس.

لا وشكرًا لك، شكرًا لك. معلش إني أنا أقول لكل البنات هذا

الكلام.

أم.

وهذه رسالة فوق رسالتي.

أم.

شكرًا والله، شكرًا لك.

يا قلبي خالتي والله.