إجبار امرأة على البشعة بعد اتهام زوجها لها: إدانة ومطالب بالمحاسبة

عايزة عايزة مش عايزة لو رجعت هنركبها كدابة، من الآخر.

ماشي؟ خدي يا بت، جدعة. مية يا ولد. حطي حطي حطي لسانك.

فيديو صادم ومؤلم، منتشر على سوشيال ميديا لبنت أهلها

أخدوها لعمل البشعة بعد ما جوزها اتهمها إنها مش آنسة،

وقال إنه اتجوزها وهي مش بنت. يعني قصدي براءتي اللي هو

واخدني بنت بنوت مش واخدني مرة، وهو اللي دخل عليا. البنت

كانت مرعوبة، وخوفها اتفهم غلط على إنه اعتراف بالكدب

لحد ما أجبروا البنت تدخل التجربة دي وهي مكسورة وخايفة.

وبعد ما اتعملت البشعة، الراجل بنفسه اعترف إنها صادقة

وبريئة والأم من فرحتها فضلت تزغرط وتقول بنتي بريئة.

بسم الله، خلاص.. صلي.. بسم الله ما شاء الله البنت دي

صادقة في كلامها فعلاً. إن هي متجوزة أحمد ابن منى إن

هي داخلة عليه بنت بنوت وهو اللي فض شرفها. تيجي بقى وريحة

أمها زيها، حسبي الله ونعم الوكيل فيك، أنا بنتي بريئة.

اللي حصل مع البنت دي جريمة كاملة الأركان، لا يجوز ديناً

ولا قانوناً واللي اتعرضت له إهانة وتعذيب نفسي وجسدي.

ولازم كل المتسببين في اللي حصل يتحاسبوا حساب صارم اللي

صور الفيديو واللي نشره، والزوج اللي اتهمها ظلم وكل واحد

شارك في تعذيبها نفسياً. كرامة الإنسان خط أحمر، والسكوت

عن الجريمة جريمة أكبر.