Concerns Over Deportation and Detention

للأسف مسألة الترحيل

موجودة. اتصلوا فينا قالوا لنا

لازم تلاقوا له بلد خلال عشرة أيام. طبعًا أول شيء أعطونا

تهديد العشرة أيام. بعدين تنازلوا عن هذا الشيء.

إنه لا ما معكم وقت.

طبعًا بعد ما قلنا له بعشرة أيام ما بنقدر نتحرك.

وطبعًا الأمر إجى بمكالمة تليفونية. لا ما كان فيه قرار.

ما في أي قرار. بس إنه تقريبًا كان موضوع أمر.

يعني من شخصيتين. واحدة أمنية سورية وواحدة أمنية فلسطينية.

طلبوا منا نفس الطلب. خلفية الاعتقال. ما في أي خلفية. أخذوه من البيت.

كان على أساس طبعًا فتشوا البيت. وعلى أساس إنه ما بعرف

على شو كان عم بدوروا. ما عرفنا على شو عم بدوروا.

بعدين بابا راح معهم مشان يفهم شو الموضوع. ومن وقتها.

يعني هذا الحكي يوم 18 تسعة 2025. فعلًا هم

لأنه أجوا فتشوا البيت.

وطبعًا كانوا أكثر شي سألوا عنهم مصاري. إذا في مصاري.

وما كان في بالبيت أصلًا غير 500 دولار.

وبعدين أخذوا كل الوثائق. كان في طبعًا مثل أي عائلة.

حاطين وراقنا بالشناطي سامسونايت. ورقنا الشخصية.

جوازات سفرنا. شهادات ميلادنا. شهاداتنا الجامعية.

وجوازات السفر. طبعًا أخذوا الشناتي باللي فيهن.

يعني كان في شنطتين. ولليوم ما رجعوا لنا إياهم.

وطبعًا أخذوا موبايل البابا واللابتوب تبعه. لابتوب الخاص.

وأخذوا التاب كمان تبعه. ظروف الاعتقال.

بمقر أمني سوري. هو موجود حاليًا. يعني

بخلال تقريبًا سنة صرنا شايفينه شي أربع مرات.

هلأ الفكرة أستاذي بقصة إنه ضغوطات.

إنه لو في هيك شي. كان مفروض يخبروه. أنا قلت لكم.

أو حكيت أنا. إنه هو أول تلات شهور. ما تعرض.

ما انحكى معه ولا شي. مع إنه طلب. إنه هو. إنه أنا ليش هون.

حابب أشوف المسؤولين. ما حدا شافه. وقال لي يا دوب كانوا

بيعرفوا اسمي. يعني هذي كمان نقطة مهمة.

إنه ما كانوا بيعرفوا كثير مين هو. أو شو شخصيته.

بعد تلات شهور. كانت عبارة عن دردشات. يقعدوا يجوا يسهروا معه مثلًا.

ويقعدوا يسألوا. إنه شو كنت تشتغل. شو كنت تعمل. يعني أسئلة ما كان فيه.

قال لي أنا ما انحطيت نهائيًا. بأي جو تحقيق. ما كان فيه.

ما قالوا له شي. ما يعني حتى قصة إسرائيل.

أو إنه هي هاي. حكت لإلنا. إله ما انذكرت.

مع إنه هو الأولى. هو اللي عندهم. هو الشخصية المهددة.

مفروض تنحكى لإله. لحد من أسبوعين. آخر مرة شفته.

هو انصدم بقصة إسرائيل. قال لي إنه هن.

يعني إسرائيل لو بدها إياني. أولًا بتجيبني.

وثانيًا قال لي أنا ما عندي أي مشاكل مع إسرائيل.

والأهم إنه هو ما كانت نشاطاته إنسانية. يعني وكل المخيم بيشهد.

سواء قبل الثورة. يعني من 2009. لهي اللحظة.

وقبل اعتقاله. كان نشاطاته إنسانية خدمية بحتة.

يعني ما كان إله أي نشاطات. وأنا حاولت أتواصل مع

الداخلية. أتواصل مع وزارة العدل. إنه إذا علي شي. نوكل له محامي.

على الأقل. إني حط محامي. شوف مسار القضية. رفضوا.

لأنه ما في قضية. قالوا لي إنه أنت كيف بدك توكل لي محامي.

لاسم مش موجود.

والقضية مالها موجودة. يعني على الأقل بالطلب. بدك تحط رقم قضية.

وسبب اعتقال. هذا كله مو موجود يعني.

أكيد نحنا بنرفض الترحيل. وطبعًا يعني مو بنرفض الترحيل.

يظل في السجن. لا بنرفض الترحيل. ونطالب بإطلاق سراحه.

هو ما عليه شي. ما تم مواجهته بأي تهمة. راح يصير له سنة.

من حقه إنه يكون عنده محامي. إذا في تهم. توجه لإله.

والمحامي يدافع عنه. أو إطلاق سراحه. يعني هاي الرسالة الأهم.

إنه نحنا كنا ساكتين سنة. بناء على طلبه. إنه أنتم لا تحكوا.

وإنه الموضوع بينحل. وبناء على وعود. نحنا كل شهرين.

كان عنا وعود. من شهر. من رمضان. شهر اتنين.

لحتى شهر تمانة. ونحنا كان في عنا وعود. إنه هو حيطلع.

قضية الترحيل. لم تطرح نهائيًا. حتى فكرة خروجه برا البلد.

ما انطرحت. يعني حتى. يعني حتى لو. إنه. إنه انحكى فيها.

ما انحكى فيها. إنه ما كان. إنه مواطن سوري. يعني هو معه وثيقة سورية.

هاي الشي الأول. إنه هو معه وثيقة سورية. معه هوية سورية.

فما من حق أي حدا يرحله. وثانيًا. ما في بلد بتستقبله.

يعني بابا زلمة ختيارة. من واحد وسبعين سنة. صحته نص نص.

يعني عنده أمراض. بابا مثلًا ما بيسمع. إلا بإذن واحدة.

يعني عنده مشاكل صحية. كمان عنده دوار دهليزي.

بيعاني من دوار دهليزي.

يعني بدوخ. وبيغمى عليه. فما. وين بدي يروح.

وأساسًا. إذا. إذا في تهديدات. أو هو ملاحق من إسرائيل.

فما في دولة حتستقبله. هذا الشي الأهم. إنه الدولة. يا إما حتستقبله. تعتقله.

وتسلمه لإسرائيل. يا إما حيتم ترحيله مرة تانية عسوريا

يعني. ونرجع لنفس الدوامة. إنه لا يرجع عالسجن. يا. ما في.

ما في مجال يعني. قضية الترحيل. مرفوضة نهائيًا.

وأكيد مطلبنا الأساسي. يعني نحنا بنتمنى يعني.

يعني نحنا بنرجو خير من الحكومة. نحنا كلنا ثقة بالحكومة.

إن هي ما بترضى بالظلم. وما بترضى. إنه زلمة ختيار.

ينظلم بآخر عمره. أو يرحل بعيد عن أهله. وعائلته.

والبلد اللي عاش فيها. يعني بابا صار له من اتنين وتسعين بالشام.

فوين. هذا اللي طرح عليه فكرة عشرة أيام.

هل في إنسان بكب أربعة وتلاتين سنة. وبنهي.

وبعشرة أيام بده يغادر. فهاي رسالتنا الأساسية.

إلغاء قرار الترحيل. لأنه قرار ظالم. وحتى الإيقاف هو قرار ظالم.

ما عليه شي. أو اطلعوا احكوا لنا. يعني أنا بطلب إنه حدا يطلع. يجي.

ما يطلع. يجي لعنا. يحكي لنا إنه هذا الزلمة كذا.

هذا الزلمة بيحرجنا. هذا الزلمة بيسبب ضغوطات.

وللتأكيد. هو محل ما هو موجود. وقع ورقة.

إنه حتى النشاطات الخدمية والإنسانية. ما بده يشتغل فيها.

هو زلمة بده يطلع. ويقعد في بيته مع عائلته. ما بده أي شي تاني.

وما عاد بده يشتغل أي شي. وهاي الورقة هو وقعها.

من حاله. ما انطلب منه. ولما نسلمها للمسؤولين عنده.

قالوا له إنه أنت ليش كتبت. نحنا ما طلبنا منك هذا الشي.

وما ممكن نطلب منك.

يعني أنت رجل بتقدم خدمات. أكيد ما فينا نمنعك عنها.

فهذا هو السيناريو. حتى المحققين بآخر شي قالوا له.

إنه نحنا ما بنعرف ليش أنت موجود عنا.

يعني صدقًا المحقق آخر مرة. إنه فات اعتذر منه.

بالحرف الواحد. اعتذر منه. وقال له أنا آسف.

بس أنا ما بعرف ليش أنت موجود بعنا. وما بطلع بإيدي إني أطلق

سراحك.

هلأ بالنسبة للرسالة للرئيس. نحنا بناشد السيد الرئيس أحمد

الشرع. بالنظر بموضوع السيد الوالد.

سواء كان أمر الترحيل. أو موضوع الإيقاف الغير

قانوني. بدون أي قضية أو محاكمة.

نتمنى تجاوب. من أي مسؤول حكومي.

الفكرة إنه حتى لو هذا الكلام. كان في يعني ببساطة.

من يوم ما راح لعندهم. يعرضوا عليه هذا الحكي.

يعني بالأول والأخير.

بابا إنسان سياسي. إنسان مثقف. وبيعرف يعني هو أكيد راح

يقدر هذا الشي. أحسن بكتير من الأسلوب اللي اتبعوه.

سواء معه أو معنا يعني. يعني هو كان أسلوب إخفاء بالأول.

وحتى يعني تعاملهم للأمانة التعامل جيد.

بس فكرة إنه إنسان ما يتواصل مع عائلته. وعائلته ما يعرفوا وين هو.

فالموضوع بصراحة مريب يعني. أما فكرة إسرائيل.

قلت لك نحنا ما بنأكدها. وما بننفيها. الضغوط الخارجية.

بس كان فيهم إنه يكونوا صادقين بهذا الموضوع. على الأقل معه.

ممكن ما يخبرونا نحنا. بس إنه يخبروه. مثل ما قلت لك. أنا شفته من تلات أسابيع.

ما انفتح معه الموضوع الإسرائيلي. ولا موضوع ضغوطات.

ولا إنه وجودك بيسبب إحراج لإلنا. وإذا هذا الشي. أنا ما عندي مشكلة.

روحوا يقولوا له إياه. بس بنفس الوقت. هو ما إله مكان يروح عليه.

فساعتها ممكن يصير في تنسيق. هي كدولة. إنه هذا الإنسان مهدد.

أو هذا الإنسان بيسبب لنا إحراج. ينسقوا مع دولة تانية. تاخذه.

بس بناءً على موافقته. وعلى سبب واضح. مو قرار.

يطلع خلال تلاتين ثانية. وخصين.