The Importance of Patience in Leadership
قال أنا أخذت خيار الصبر،
خيار الصبر لأنه هيك مصلحة المسلمين.
ما بيشتغل الإمام على قاعدة إلي حق وما إلي حق،
ما هو إلك حق بس إنه الظروف ما بتساعد على إنك تأخذ حقك.
شو بتعمل؟
تصبر.
بالنهاية في فترة زمنية أحياناً
مطلوب إنه نتحمل فيها، في تضحيات معينة مطلوب إنها تندفع،
ما هو ما كل شيء بيجي هيك.
فالإمام سلام الله تعالى عليه
صبر 25 سنة بعد وفاة رسول الله صلى الله عليه وآله وسلم
حتى تسلم الخلافة كخليفة رابع.
وتحت شعار وعنوان أن الصبر هو المطلوب في هذه المرحلة،
هيدي عظمة، هيدي عظمة.
يعني هو وصابر الإمام بهالمستوى،
إمام الأمة، قائد الأمة، الله منصبه،
بلغه النبي صلى الله عليه وآله وسلم.
بس في معطيات مادية عملية
مطلوب إنه يعمل بحكمة بحسب المعطيات فصبر،
هو أقوى في الصبر منه في القتال،
لأنه دائماً الصبر تكلفته أعلى،
ومع ذلك هو صبر،
لكن كانت النتيجة أنه أقام الحكم
وأعطى تجربة العدالة الرائدة.
السيدة زينب سلام الله تعالى عليها،
شو هالصبر العظيم؟
لولا صبر السيدة زينب عليها السلام
لما ارتفعت هذه الرايات العظيمة للإمام الحسين عليه السلام
بعد شهادته بهذه الطريقة وبهذه العظمة.
ليه؟ لأنه في فرق
بين ما تصير الشهادة للإمام الحسين عليه السلام
وتكون السيدة زينب منهكة،
منهارة، العائلة بوضع صعب،
والمسلمين بوضع صعب عم يندبوا حظهم.
وبين إنها توقف قدام ابن زياد وتقول:
ما رأيت إلا جميلاً.
الله أكبر.
هيدي بدها صبر
بهالوضع الصعب
مع هؤلاء المجرمين القتلة.
لكن هاي "ما رأيت إلا جميلاً" هي اللي تخلدت بالتاريخ
وهي اللي حملت الراية
وهي اللي عملت لنا هذه المسيرة
مع نهج الإمام الحسين عليه السلام
وعطاءات كربلاء.
فالموضوع إله علاقة بأثر هذا الصبر
في الوصول إلى هذه النتيجة.
End of transcript · 268 words
