Bollywood Films and Propaganda Analysis

Log kehte hai Dhurandhar ek bahut badi Propaganda film hai,

lekin usse bhi badi Propaganda films hai Deewaar, Main Hoon Na, Sarfarosh

aur yaha tak ki ye romantic film Kuch Kuch Hota Hai.

Batata hoon kaise.

IIM ke ek professor Dheeraj Sharma ne jab 1960 se lekar 2010 tak

300 Bollywood filmon par research ki,

tab unhen usmen ek hi pattern dikh raha tha

ki is 300 films mein 58% corrupt politician Brahmin surnames ke the,

62% corrupt businessman Vaishya the.

Aur aaj aapko pata chalega ki kyon hamare man mein ye baat baith gayi hai

ki Sikh log funny hote hain.

Punctual aur Disciplined nahi, sirf funny.

Kyonki 74% of the time filmon mein Sikh character sirf mazaak karte hue dikhaye jate the,

unki apni khud ki koi story nahi hoti thi.

78% bold aur modern dikhne wali auraten Christian hoti thi.

Lekin ruko, ye Bollywood wale sab kuch sirf bura hi nahi dikha rahe the,

kyonki ek aisi cheez bhi thi jisko unhone over-glorify karke dikhaya tha.

Aur vo ye ki 84% Muslim log bahut hi jyada religious aur honest hote hai.

Itna hi nahi, Kuch Kuch Hota Hai aur Deewaar jaisi filmon mein ek dharm ko doosre dharm se

bada bataya gaya hai,

jo ki apne aap mein kaafi galat hai.

Aur yaha toh Bollywood walon ne hadd hi paar kar di.

20 mein se 18 films mein Pakistan ko bhi accha dikha diya,

jaise Main Hoon Na.

Ye Pakistan hamare sath chalega.

Yani Dhurandhar nahi, balki asli Propaganda movies toh ye thi,

jo ki itni realistic thi ki kisi ne kuch bhi notice hi nahi kiya.

Ab dekho ye ek bahut hi open secret hai.

Jab bhi koi government power mein aati hai, toh vo har uss cheez par control karne ki

koshish karti hai jisse vo apne power ko aur badha sake,

jaise ki media aur films.

Aur majedar baat pata hai kya hai?

Ki humne kabhi socha hi nahi ki jo hum screen par dekh rahe the vo ek well curated narrative tha.

Kyonki Propaganda tabhi sabse jyada khatarnak hota hai jab vo aapko ye feel hi na hone de

ki aapke opinions ko koi unknowingly shape kar raha hai.