Discussion on the Gospel of Barnabas
ولاقى العبارة بتاع لا إله إلا الله محمد رسول الله
نيجي بقى للسؤال المهم
ليه بعض إخواتنا بيقبلوا هذا الإنجيل؟
والسؤال الأهم، ليه بيطبعوا هذا الإنجيل
على نفقتهم الخاصة ويوزعوه ببلاش؟
إيه السر؟
لأن هذا الإنجيل بينكر لاهوت المسيح، آدي أول نقطة.
كاتب إنجيل برنابا بينكر بإصرار أن المسيح هو الله.
والكلام ده اتكرر كتير لما يذكر أن المسيح عمل معجزة.
عشان يظهر أن المسيح عمل المعجزة ديت، يقول لك عمل المعجزة دي بإذن الله.
السبب الثاني، لأن هذا الإنجيل ينكر أن المسيح ابن الله.
ولذلك ابتدى في مقدمة الإنجيل بتاع برنابا يقول كده
ده بيقول إيه؟ إن دعوى أن المسيح ابن الله تعليم شديد الكفر.
وقال كده في الفصل بلاش نقول الإصحاح، في الفصل 53
إنه ملعون كل من يقول إنه ابن الله.
وقال إن لما بطرس قال للمسيح أنت ابن الله،
انتهره يسوع، ما تقولش كده، تف من بقك.
حتى يوم الدينونة، يقول في الفصل 55
المسيح هينكر إنه ابن الله،
وهيدين كل اللي يقول عليه ابن الله.
ده السبب الثاني. السبب الثالث
أن هذا الإنجيل يعلن أن يسوع هو نبي فقط،
ومرسل لبني إسرائيل مش لحد تاني.
أن يسوع مجرد نبي وبس.
وجاب الكلام ده في أول فصل على لسان الملاك جبرائيل
وهو بيبشر العذراء مريم بميلاد المسيح،
ولما اتكلم مع يوسف ولما بشر الرعاة، وجابه على لسان المسيح مرات كتير.
سبب رابع، كاتب الإنجيل برنابا ينكر صلب المسيح
ويؤيد نظرية أنه ما صلبوه ولكن شبه لهم.
وأن الله ألقى شبهه على يهوذا.
ولذلك تلاقي إنجيل برنابا هو أول كتاب يتكلم عن إلقاء شبه المسيح على يهوذا.
أن المسيح طلع السماء، ويهوذا تحول بقى شكله،
فخدوه وصلبوه يهوذا، ويتكلم عن الموضوع ده بالتفصيل.
خامس سبب، أن هذا الإنجيل يبشر
بمجيء محمد رسول الإسلام.
وجات البشارة بمحمد في إنجيل برنابا
مرات عديدة.
وبدأها من أول ما آدم غلط واتطرد من الفردوس،
قال آدم اتطرد من الجنة
وهو خارج بيبص وراه كده على باب الجنة،
لقى العبارة مكتوبة لا إله إلا الله، هي الشهادة يعني، لقى العبارة دي مكتوبة ومنورة.
وبعدين ابتدى بعد كده بعد الطرد من الجنة ولقى
العبارة بتاع لا إله إلا الله محمد رسول الله
ابتدى يتكلم بعد كده عن
أن العهد كان بإسماعيل
في الفصل 44 مش بإسحاق، وأن المسيا هييجي من نسل إسماعيل
في الفصل 191، تقولي هما كام فصل؟
احنا عندنا الإصحاح متى كام إصحاح؟ 28،
برنابا 222.
End of transcript · 375 words
