Personal Account of Life During Revolution
هون كنت أقعد تلاتاشر سنة هون.
إذا بدي شي من المدام بالليل دق لها، دق الحيطان.
هال13 سنة كان كتير مأساوات يعني علي يعني،
ونفس الوقت
كان عذاب لجوزي وعذاب لإلي يعني.
من ثوار 2011.
أول ما بلشت الثورة اطلع أنا ثورة. رقدت قالت لي يمكن تسقط بالشارع
الأسد.
مش قايلا الحكي ولا تركتني ونزلت على الحارة.
في عالم تدفع تمن دم، في عالم تدفع مال، في عالم تدفع أولادها كذا
الأربع، هلأ هلأ أنا عم أدفع التمن. هالعيشة اللي عايشها.
بتتحط هون.
تمام.
هون كنت هون.
هون كنت أقعد تلاتاشر سنة هون.
إذا بدي شي من المدام بالليل دق لها،
دق الحيطان. من على أساس الجيران عم يدقوا بتفهم علي
المدام،
تيجي تنول لي الأكل والشرب منها.
وقت الحمام تجيب لي مي سخنة بالليل. أفتح شقها بالقرب،
وأتحمم. بس خلص حمام مثلًا تشيلهم حطهم بكيس
وأعطيها إياهم بالليل
تعصر لي إياها. اسمي محمد زكور أبو زكور،
من ثوار 2011.
أول ما بلشت الثورة أطلع أنا ثورة مع العالم، مظاهرات ما مظاهرات الأربع
وعشرين.
اللهم صلي على النبي، كان عندي بيت أنا جواني.
هادا مركن للثوار بيدخلوا ويطلعوا منه.
اللهم صل على سيدنا محمد.
يطلعوا مثلًا مظاهرات بالشيخ ضاهر نطلع معهم على الأربع وعشرين،
طلبنا عالسياسية ما طلبوني قمشوني قمش يعني.
خدعة، خدعوني إنه،
ما بدي أذكر اسمه للزلمة اللي عباني.
المهم،
اللهم صل على النبي، أخدونا على السياسية، ضليت تلات أشهر بالسياسية.
تعزيم ما تعزيم، تعرف ما في داعي نحكي الأمور كلها، العالم، سوريا كلها
بتعرف صارت. الأفراد الأمنية شو هي.
الله اتطلع بوشي نطلع أنا.
ظليت شي تلات أشهر بعد ما طلعت.
ابن عمي فوق بالجبل الله يرحمه ويتقبله أبو أيوب،
دق لي قال لي بده ينزل على الدية.
تنزل ما بتنزل، المهم نزل.
في واحد هون شخص،
بدي أذكر اسمه هلأ لهادا، هادا العوايني.
اسمه عبد الكريم سمسم، هو اللي عم بلقى ابن عمي أبو أيوب،
وجابوه عبيتي، قدام باب بيتي، كنت ساكن هنيك أنا.
وبدوا يعطوني مع ابن عمي بعد ما قمشوا لي ابن عمي.
بده يقول لي شخص بيقول له شرحبيل اسمه، ابن عمي كمان
هو. قال لي لك الدوريه قدام بيتك هرب.
والله طلعت من الزاروب هيدي، أنا قطعت، أنا قطعت الشارع ولا
لفوا تاني مرة دورية يعني. بدهم يطوقوني ويشيلوني.
نفدنا هربنا الحمد لله رب العالمين أردوا لي ابن عمي.
وظليت بهربان من محل لمحل ما أخلي محل،
وبالأخير ما حدا استقبلني.
قلت والله خطرت ببالي هالبناية، طالع جيت استأجرت على عظم أول ما بلشت.
حكيت للمدام قلت لها جيبي لي مية بلوكة
وشوال شمينتو وشوالين تلاتة رمل وحط لي هن بالبيت وركبي لي
باب.
قلت ركب لي هن بالشقة.
طبعًا ما قال لا فيش باب يقول لا كان في شي.
ركبت هالباب وأنا تعمرت في حياتنا وقعدت جوا.
يومين تلاتة تشقشقت علي،
قلت لها بالأخير جيبي الأولاد وسكني هون معي.
المهم،
قلت لها عزليه ونظفيه الشقة واقعدي فيها، ومنها
بده يبان لك علي ومنها بتربي هالأولاد.
وتم الأمر الحمد لله رب العالمين، عشت فيها تلاتاشر سنة.
أكلنا وشربنا وحمامنا كل شي جوا.
والحمد لله الله فرج علينا وتحررنا.
أمراض كتير، مثلًا المرض اللي أمرضه أنا،
أوصف له هو لمرتي. شو عم يجعني شو كذا هيك، تروح هي تحكي
للدكتور الحكي إنه أنا يجعني كذا، على أساس المدام يعني،
يكتب لها الدوا ويجيب لي يعني هيك. مرض علي
أيام
يصير معي انفصام شخصية.
أوقات تضل يومين تلاتة ما، ما أحكي معها مثلًا، يعني
حالة اكتئاب.
والحمد لله الله فرج علينا. غشة برة وعياط كبير.
عم دق عالحيط،
عم دق عالحيط.
بدي أسأل مرتي شو خبر شو في برة.
ولا إجت رقدت قالت لي يمكن سقط بالشارع الأسد.
مش قايلا حكي ولا تركتني ونزلت على الحارة.
ما في بعد شوي عم تقول لي الأولاد
تعالوا اطلعوا أبوكم من جوا.
يعني أنا
استغربت، قالت لي الأولاد تعالوا اطلعوا أبوكم من جوا. قالت لي سقط النظام.
وفرحة لا توصف. طلعت لبست أي جيبة وطلعنا على الروسية
ونزلنا لتحت على الحارة.
والحمد لله الفرحة الكبرى.
والله الحمد لرب العالمين يعني أنا كان يجيني شغل على البيت
أشتغل هون.
ولادني الحلال طبعًا ما يتركوني. لما رحت اللي كان فيها جوزي جوا،
بنفس الوقت أنا كتير يعني تعبت معه.
اللهم صل على النبي.
لحتى رب العالمين إنه
نصرنا يعني بفضل الله.
يعني عشت هالقتاع سنة كان كتير مأساوات يعني علي
يعني.
ونفس الوقت
كان عذاب لجوزي وعذاب لإلي يعني.
والحمد لرب العالمين،
رب العالمين دعاء رب النصر. كتر خير الله.
الحمد لله. هلأ بعد ما سقط النظام، هلأ
الشغل كنت إنه اشتغل وسداج
و يعني قد كتير تعب لإلي بالنهاية يعني.
أنا الوقت اللي داهموا بيتي صرت
مريضة سكري من أثر الرعب يعني.
ونفس الوقت إنه، إنه خفت على جوزي يعني.
اللهم صل على سيدنا محمد. وهلأ والله معاني بكتير أمراض يعني
ضغط،
السكر عندي أهم شي السكر، عندي العين،
عين واحدة بس إنه أنا بشوف فيها يعني. كتر خير الله.
استغفر الله رحمة يا خيي.
الحمد لله.
بدو أوجه رسالة
للحكومة الكريمة.
أنا وأربع شباب عندي ولادي لا شغلة ولا عاملة.
هاي صرنا تلات سنين من يوم التحرير لهلأ لا شغلة ولا عاملة.
نزلنا اشتغلنا بساحة السمك انكسرنا.
صار علينا دين شي مية وخمسين مليون.
يعني لأمتى هالشي هادا بضل هيك؟ يعني هلأ هون سبع أشخاص قاعدين بيت
بايكة، هاي بايكة كأنها بتنعدى علي.
يعني ما معقول هالحكي، اطلعوا فينا بس شوي.
الحرية بدها تمن.
في عالم تدفع تمن دم، في عالم تدفع مال، في عالم تدفع أولادها كذا
الأربع وعشرين، وهلأ هلأ أنا عم أدفع التمن.
هالعيشة اللي عايشها أنا وأنا
وولادي.
End of transcript · 875 words
