Post-Match Analysis of Egyptian Football Team
تقييمك للمباراة لو سمحت كابتن حسام؟ كانت في متناول اليد، كنتوا قريبين جداً.
اللاعبين المصريين أدوا أداء تاريخي، تقييم حضرتك للمباراة؟
الحمد لله، إحنا كنا أحسن وبس الكورة لسه...
يعني أنا شايف إنها "نوت فير" بالأولاد بالإنجليزية وبالعربي، اللي بيحصل ده مش "فير".
يعني لينا بنالتي اتلغى، اتلغى جون، ما اعرفش ليه اتلغى الجون، وبعد كده...
كنا ممكن نبقى تلاتة واحد، اتقلبت لاتنين اتنين، الكورة البنالتي اللي اتشد جوة الـ 18، شد الراجل...
حمدي.
ما اعرفش، هو ممكن يكون الموضوع بقى تسويق، يعني هو ممكن يكونوا عايزين يعملوا كاس العالم...
عايزين يخلوا بطل كاس العالم اللي فات يكون موجود، عايزين يخلوا ميسي موجود.
لكن إحنا عملنا اللي علينا، بشكر لاعيبتي جداً، وللجماهير المصرية والشعب المصري...
والعربي والأفريقي بقولهم...
كتير من الأوقات ممكن تتعب وتعمل اللي عليك بس في نفس الوقت في عوامل تانية خالص بتبقى صعبة.
بقولهم إحنا... كنت أتمنى إن إحنا نفرحكم أكتر من كده، وأنا من النوع اللي ما بحبش الخسارة.
ولما تكون خسارة ظالمة زي النهاردة فـ أنا...
بقولهم معلش ما تزعلوش، كنا نفسنا إن إحنا نفرحكم أكتر من كده، والحمد لله على كل شيء.
لكن كورة القدم فيها حاجات غير اللي بيحصل في الملعب، في حاجات غير...
في حاجات بتحصل غير الفنيات وغير الماتش.
حتى لو إحنا بنلعب قدام بطل العالم، لكن في نفس الوقت في مساندة من كل النواحي لبطل العالم.
مساندة تسويقية، أياً كان يعني.
كابتن، بس كمدرب، كمدير فني، الخطة والإعدادية لهذه المواجهة،
إذا تعطينا رؤوس أقلامها والخطة الفنية لدخول هذه المباراة؟
إحنا بنلعب... زي ما أنا قلت في المؤتمر الصحفي قبل الماتش، إحنا لينا أسلوب وأنا كنت...
يعني الحمد لله كنت واثق في الشغل اللي بنعمله مع لاعيبتي والتطور بتاع الفريق.
وكنت بشتغل عايز أنا أفرض أسلوبي أنا، وده اللي كان بيحصل واللي اتعمل مع كل الماتشات.
اتعاملنا مع كل الفرق إن إحنا بنفرض أسلوبنا إحنا.
وبنلعب مع طبعاً لاعيبة محترفين، لكن في نفس الوقت...
اللي أنا سعيد بيه إن لاعيبتي كانت بتنفذ في أوقات كتير، واشتغلوا بشكل كويس.
لكن في عوامل زي ما قلتلك خارجية هي اللي ممكن تأثر على النتيجة.
وفي نفس الوقت حتى لو الأهداف جت في أخطاء، لكن في نفس الوقت...
الأخطاء الكبيرة إن أنت ما تاخدش حقك من أصحاب القرار اللي موجودين، اللي هما العوامل اللي أنا بقولك عوامل أخرى.
فـ أنا بقول إن أنا سعيد إن لاعيبتي أدت البطولة على أعلى مستوى.
وده كان شرف كبير لينا وللكورة المصرية وللكورة العربية وللكورة الأفريقية.
وبقول لكل الجماهير اللي اتفرجت علينا واللي بتحب بتساند المنتخب المصري،
سواء في الوطن العربي أو أفريقيا وبلدي في مصر.
بقولهم أنا كنت... أنا يعني آسف إن أنا كنت نفسي إن أنا أكمل لأبعد مدى.
لكن أنا... ما تزعلوش، لكن كل ده اتعمل في وقت قليل إن إحنا عملنا...
عملنا فرقة، منتخب يشرف الكورة المصرية والعربية والأفريقية.
بالأمس تحدثت عن مشروع الكورة المصرية بغض النظر عن نتيجة اليوم،
هل تعتبر اليوم وأيضاً بغض النظر عن النتيجة إنه في تكملة لهذا المشروع المصري الكروي؟
إن شاء الله طبعاً، أنا طموحي لا يتوقف.
وطموح الكورة المصرية بالطبع لازم بالـ... بالتأكيد لازم لا يتوقف لأن الكورة المصرية مهمة جداً بالنسبة لأفريقيا والوطن العربي.
لكن الحمد لله النهاردة شفت... عايزين نكمل،
كل المنتخبات ما همناش من الفرق اللي بتلاعبنا مين ومين اللعيبة اللي موجودين.
عايزين نكمل على خلاص إحنا دخلنا في عمق الكورة العالمية إن إحنا لا نهاب أحد وأنا قلت الكلام ده امبارح.
قلت إن الماتش هيبقى صعب عليهم وعلينا، لكن في نفس الوقت هو اتصعب عليهم أكتر.
إحنا... أنا سعيد بلاعيبتي جداً وسعيد بما قدمناه، لكن مش سعيد من العوامل اللي حصلت.
لكن التطور هييجي ولسه مش هنتوقف على الهدف ده،
لسه قدامنا كتير أهداف كبيرة إن إحنا منتخب مصر يبقى يجابه أي منتخب في العالم.
بالعقل وبالشغل وبالتحضير وبالاجتهاد
وبالمساندة الكبيرة من إدارة ومن جهاز فني ومن لاعيبين.
وهذا سؤالي الأخير، إيش كانت رسالتك للاعبيك المصريين من بعد المباراة؟
قلت لهم شكراً وتعبتوا في البطولة وعملتوا اللي عليكم وأنا راضي راضي عليكم حتى لو في أخطاء حصلت.
لكن أنا راضي راضي جداً جداً على المجهود اللي هما عملوه.
راضي إن أنا... اللاعبين غالبية اللاعبين كلهم من الدوري المحلي المصري،
فـ كل اللاعبين اللي موجودين زي ما أنت شايف في المنتخبات التانية كلهم محترفين في أوروبا.
وعايشين مع الأجواء الأوروبية، ومع ذلك إحنا بلاعبين...
طبعاً مع صلاح وعمر وهيثم، بلاعبين محليين...
قدرنا إن إحنا نجابه أي حد وهنجابه أي حد.
وهنقاتل على تواجد الكورة المصرية بشكل قوي ومؤثر على مستوى العالم.
بس أرجو إن يبقى في "فير".
يعني أرجو زي ما أنا قلت الفيفا شعارها "فير بلاي" و"ريسبكت"، أنا شايف إن يعني...
اتظلمنا في أول ماتش بلجيكا، كان لينا ضربة جزاء،
وفي الآخر النهاردة نفس الشيء، فـ أنا وأخطاء أخطاء قاتلة ومؤثرة.
لكن أنا بقول إن أنا سعيد بفرقتي وفي نفس الوقت بقول لجماهيرنا...
يعني من حقهم إنهم يفتخروا بـ إن عندهم فريق بيلعب كورة محترمة ومش خايفين من أي حد.
وفي نفس الوقت أنا عارف إن طموحهم وطموحي أكبر من كده إن إحنا نوصل لأبعد من كده.
ولكن قدر الله وما شاء فعل، والحمد لله على كل شيء.
End of transcript · 805 words
