Testimony of Torture and Trauma

يعني أكثر من شغلة كانت قاسية

بس إذا بدي آجي يعني

أختار لحظة

اللحظة اللي كانوا معريني ومدخلين أبوي

وحاولوا يجبرونا في التحقيق وأنا معراية

هاي يعني من أكثر اللحظات صعوبة

غيرها، كمان كان في شاب معتقل

ما فيش علاقة بيني وبينه، قاسم أبو عكر

في حينها كانوا بعذبوه بالكهرباء ودخلوني أنا عريانة

كنوع من الضغط عليه عشان هو يعترف

واستشهد وأنا بنفس الغرفة

يعني أنا عروني وأخذوني عند الشباب عشان يعترفوا وأنا عريانة

وربطوني، يعني ربطوا إيدي وربطوا رجلي وأنا عريانة تماماً

هاي ما كانش في داخلي إنه والله واحد غريب عم بشوفني

أو شو اللي عم بصير أو يعني

أنا كل اللي كنته بدي أضل متماسكة من داخلي

بس لما كانت الحادثة مع أبوي

إنه دخلوا أبوي وأنا عريانة

لا، كانت قضية فظيعة، فظيعة كثير

رغم إنه الثنتين يعني تعرية وتعذيب

أمام الآخرين

بس قدام أبوي لا، كانت المسألة أكثر، يعني كنت أنا

خايفة على أبوي، خايفة

هاي قضية حساسة كثير، يعني خايفة يروح فيها أبوي

يعني زي كأنه انضرب شيء

شيء أساسي ومهم في داخله

وما عادش بقدر يشيله

يعني هذا بزيد حقدي

على اللي هم السبب

ليش أنا؟ مش أنا السبب يعني

السبب الاحتلال