Child Marriage and Its Impacts
- لا.
- ليش تزوجتها بعمر صغير؟
- تزوجت لأسس عيلة، وتنين آخذها صغيرة ربيها على إيدي.
- نعم؟
- أخذتها صغيرة لربيها على إيدي.
- شو يعني تربيها على إيدك؟
- هيك بنفهم بعض أكتر.
- شو يعني بتربيها؟ قولي كيف بتربي زوجتك؟
- نفهم على بعض ونحن وصغار.
- شو بتطلب منها أنت لزوجتك؟ شو اللي لازم زوجتك تسمع الكلمة فيه؟
- اللي بقولها عليه تسمع الكلمة.
- يعني مثل شو؟ قولي أنت شو بدك كرجل كزوج شو بدك مضبوط؟
- المفروض اللي بقولها عليه تسمعه.
- يعني شو بتقولها؟
- تغسل، تنظف، تظبط البيت،
تحضرلي مي السخنة، تخدم أهلي.
- تخدم أهلك كمان؟
ليش عم بتحضرلك مي سخنة لحالك؟
- أنا بحضرها إذا بدي.
- طيب ليش لأ؟ ليش بتطلب منها؟ - لأنها زوجتي.
- وبآخر الليل لازم أكون جاهزة لزوجي.
- مجبورة تعملي هيدا الشيء؟
- بس أنا صرت مرة، إنه لازم أعمل هيدا الشيء.
- وإذا ما كان بدك؟
- ما فيها البنت تقول لأ. - نعم؟
- ما فيها البنت تقول لأ.
- أوف.
يوميات طفلة عمرها 13 سنة.
وإذا قالت لأ المرة شو بيصير فيها؟ شو بيعملوا فيها؟
- بيضربوها. - بيضربوها.
- ومشان ما يضربوها مجبورة تقول إي. - إي.
وإذا ضربها بدها تسكت لأنه ما عندها شهادة.
لأنه إذا عندها شهادة فيها تشتغل وما تكون بحاجة لزوجها. - إي.
- زوجك شو اسمه؟
- اسمه محمد، على اسم البابا.
- كنتِ تحبيه قبل الزواج؟
- ما كنت أعرفه.
- ما كنتِ بتعرفيه؟ - لا.
- أيمتى شفتيه أول مرة؟
- لما إجوا طلبوا إيدي.
- يعني أول مرة بتشوفيه هو نهار الخطبة؟ - نهار شفته هو نهار الخطبة.
- إي.
شو كانت ردة فعلك لما شفتيه؟
- أول شيء بس كنت خايفة ومتلبكة.
- كنتِ فيكِ تغيري رأيك؟
- لا.
- شو أكتر شيء زاعجك؟
- إنه ما كفيت دراستي.
- شو أصعب شيء عم تقطعي فيه اليوم؟
- إنه الزواج بهال عمر.
- ليش ما قلتِ للبابا لأ؟
- ما كان إلي خبر إنه هيك الزواج، كنت فرحانة أول شيء.
كنت مفكرته إنه عادي.
- والبابا شو قالك؟
- إنه هذا زوجك لازم تسمعي كلمته، وبيت حماتك.
- وما فيكِ تقولي لأ.
- لبستِ فستان أبيض؟ - إي.
- كنتِ مبسوطة؟
- إي، بس كنت خايفة.
- بنت بعمر 13 سنة عم تتزوج، كنتِ خايفة من شو؟
- خايفة من الزواج.
- كنتِ بتعرفي لما بيخلص العرس شو بيصير بين... بين الرجال ومرته؟
- إي.
- مين قالك؟
- المدام علمتنا بالمدرسة.
- بأي صف تعلمتِ؟ - الصف السادس.
- شو تعلمتِ؟ - الحيوانات اللي بيجتمعوا مشان يجيبوا أولاد، وتكبر العيلة.
- وأنتِ هيك عرفتِ إنه هيك لازم يصير بنهارها؟
- إي.
وعلموني أهلي، علمتني ماما وبنت عمي.
- وصارت بنهارتها أو تأخرت؟
- تأخرت شوي.
- ما كان بدك؟
- لا، كنت خايفة كتير.
- وبلش العذاب؟ - إي.
- كنتِ بتفضلي تبقي مع الماما والبابا؟
- كنتِ بتفضلي لو ما جوزوكِ؟
- كيف ببلش نهارك من الصبح؟ شو بتبلشي تعملي؟
- الصبح بنفيق، بدنا نشطف ونجلي ونتروق،
بعدين بيجي زوجي بدنا نحطله يتروق، وبيجي جوز سلفتي كمان بده يتروق،
وعمي كمان، ونجلي بعدين بكون صار الظهر،
بدنا نعمل غداء ونجلي ونشطف، بعدين بنقعد شوي،
بنرجع عند المساء بنشطف كمان، وبآخر الليل لازم أكون جاهزة لزوجي.
End of transcript · 446 words
