Discussion on Gender Roles and Feminism

الشغلة مو إنك ما لازم تكوني مستقلة ماديا. لأ.

أنت بتתزوجي رجال بيصرف عليكِ وإنتِ خليكي مرتاحة ببيتك.

ليش عم تتعبى حالك بالشغل؟ هو رجال من واجبه يصرف عليكِ.

وإنتِ أنثى نخليكي مدللة ببيتك.

مو الفكرة إنك أنتِ ما لازم تقرري بحياتك شي.

بس الرجال أدرى بمصلحتك. أبوك بخاف عليكِ.

أخوك بخاف عليكِ. زوجك بخاف عليكِ. يعني وقت بيقولوا لك

وين بتروحي، وين طالعة، مع مين جاية، متى راجعة.

هاي ما اسمها سيطرة. هاي اسمها حماية.

مو الفكرة إنك أنتِ لازم تطيعي زوجك.

بس إنه البيت كيف بده يمشي بقبطانين وسفينتين و.

كيف؟ لازم تكون واحد كلمته الأخيرة.

يعني بالصدفة طبعا هالحد دائما بيكون رجال. بس يعني.

ما الفكرة إنك أنتِ تكوني أقل منه أبدا.

بس إنه

أنتِ وإياه مكملين لبعض. هو القيادة.

هو الحزم. هو اتخاذ القرار. أنتِ بقى

الحنان والاحتواء والطبخ. تربية

الأولاد. يعني هو أعطيه الصفات اللي بتعطيه السلطة.

وإنتِ خدي الصفات يلي

بتخليك اتخذ من هالسلطة. لا تسميها عدم مساواة.

سميها تكامل.

هلأ مو الفكرة إنه جسمك عيب. لأ. بس إنه اشتري

حالك. يعني الرجال رجال. بتعرفي. أنتِ بتعرفي كيف المجتمع أصلا.

مو الفكرة إنه الرجل مانه مسؤول عن تصرفاته.

بس أنتِ كمان ما تعطيه مجال. يعني مو الفكرة إنه غيرته سيطرة.

لأ. الغيرة دليل حب. يعني وقت بيمنعك من

رفقاتك، سفراتك، طلعاتك، لبسك. هو بس

بغار عليكِ. مو الفكرة بأنك تتحملي زواج تعيس.

بس المرأة العاقلة بنت الناس بتحافظ على بيتها.

مو الفكرة إنك أنتِ لازم تسكتي عن الإهانة.

بس ما تكبري المشاكل. كل البيوت فيها مشاكل.

أنا ما عم أقول لك تتحملي خيانته. بس الرجل غير النساء.

طبيعته هيك. طبيعته عنده رغبات. القصة مو قصة كمان إنه

إذا تطلقتي بتنتهي حياتك. بس فكري بولادك، بسمعتك.

شو راح يقولوا عنك الناس. طموحك مانه غلط.

بس بالأخير شو راح يفيدك والله. أنتِ ما إلك غير زوجك وولادك.

يعني شو راح يفيدك هذا النجاح إذا ما عندك زوج وولاد.

شايفين اللعبة. لاحظتوها. نادرا ما بنشوف

الذكورية عم تطلع على المرأة وبتقول لها أنتِ أقل من الرجل.

لهيك اخضعي. هاي الجملة بشعة. ما حدا راح يتقبلها.

بدالها بتقول لها خضوعك يعني أنوثة.

طاعتك يعني احترام. تقييدك هذا حماية

لالك. سكوتك حكمة. تحملك

تضحية. غيرته وسيطرته هذا كله رجولة وحب.

تنازلك عن استقلالك. هذا لراحتك ولدلالك.

بعدين إذا رفضت كل هذا التكريم بيقولوا لك شوف الفيمينزم

كيف خرب المرأة العربية وخلاها عم تتنافس مع الرجال

بدل ما عم تعيش أنوثتها. النسوية ما قالت للمرأة ما

تحبي، ما تتزوجي، ما تربي أولاد، ما تخلي شريكك يصرف عليكِ

إذا هذا الشي بتحبيه أو إذا هاد الشي بناسبكم.

النسوية قالت لك شي أبسط بكتير. لا تخلوا هاي

الشغلات مفروضة على المرأة بس لأنه انولدت مرأة.

في فرق كتير كبير بين إنه امرأة تختار إنه تكون ربة

منزل وبين مجتمع عم يربيها من هي وصغيرة على إنه البيت هو

مكانها الطبيعي. وبعدين بيجي بيقولوا لك هاي فطرة.

في فرق بين إنه شريكك يهتم فيكِ وبين إنك تضطري تحتاجي

موافقته ومصاريفه لحتى تقدري أنتِ تعيشي.

في فرق بين الحب وبين السيطرة. لما نلبسها كلمات

رومانسية. الذكورية الحديثة ما عاد عم تقول للمرأة

اخضعي.

صارت أذكى من هيك. صارت تقول لها اخضعي.

بس اعتبري خضوعك أنوثة.