Iran's Role in Palestinian Support Debate
وين إيران؟ إيران تدعم الشعب الفلسطيني، إيران تقف إلى جانب الشعب الفلسطيني.
رواية يتم ترديدها على مدار سنوات، بس شو مدى حقيقتها؟
يعني على سبيل المثال، لو قررت أنا ألف في جغرافية قطاع غزة ما قبل السابع من أكتوبر وما قبل الحرب.
رحت مثلاً للقطاع التعليمي.
رح تلاقي مدرسة الدوحة، ومدرسة مكة، ومدرسة الرياض، ومدرسة الأمير حمد، ومدرسة الأمير نايف.
ولا يمكن تلاقي مدرسة واحدة بدعم أو بتمويل إيراني.
حتى لو قررت تروح على القطاع الصحي على سبيل المثال.
رح تلاقي المستشفى الإماراتي، المستشفى الأردني، المستشفى الجزائري.
بس ولا يمكن تلاقي مستشفى واحدة بتمويل أو دعم إيراني.
أنت حتى لو قررت تروح للأحياء السكنية على سبيل المثال.
رح تلاقي الحي السعودي في مدينة رفح، رح تلاقي حي الشيخ زايد، رح تلاقي حي الإمارات، رح تلاقي الحي القطري.
رح تلاقي أحياء كثيرة ساهمت في بنائها وفي دعمها الدول العربية.
بس ولا يمكن تلاقي بيت واحد تم بناؤه بدعم وبتمويل إيراني.
طيب وين الإيرانيين؟ الإيرانيين اللي من بعد السابع من أكتوبر بأسبوعين فقط خرج...
...قائد الحرس الثوري الإيراني وقال إنه هاي العملية هي رداً وثأراً لقاسم سليماني.
ولما اشتدت الحرب ولما اشتدت وتيرتها خرج وقال...
...المتحدث باسم الإيرانيين في الأمم المتحدة: هذه ليس معركتنا،
طالما لم تمس مصالح الإيرانيين فليس لنا علاقة بما يجري في قطاع غزة.
والمقاومة قادرة على الدفاع عن نفسها.
واليوم بيتم الحديث عن فكرة إعادة الإعمار.
بتطلق مصر برئاسة الرئيس عبد الفتاح السيسي مشكورة حملة جمع تبرعات لإعمار قطاع غزة.
وبيتم الحديث عن الدول العربية التي ستساهم في إعمار قطاع غزة.
المصريين مستعدين نتبرع لإعادة...
...أو نشارك بتبرعنا في إعادة إعمار القطاع.
بس ولا حدا سأل وين الإيرانيين؟ الإيرانيين اللي...
...اللي خرج خالد مشعل وقال إنه الإيرانيين لحتى تبين إنه هي بتدعم طرف سني فبتحسن صورتها بالمنطقة.
واللي قال كمان خالد مشعل إنه إيران بتدعمنا لأجل إنه هي بتستخدمنا ككرت.
يعني بالنسبة للأوروبيين وبالنسبة للغرب إنه في حركة حماس عندنا.
هذا مش كلامي، هذا كلام خالد مشعل، اسمعوه ورجعوا لي.
الثمن ثمنان، الثمن الأول...
...إيران عندما تدعم حماس الفلسطينية السنية بالتعبير الديني...
...هذا يجمل صورتها أفضل في العالم العربي اللي معظمه سني.
والثانية أنها أمام الغرب تقول لهم أنا علاقتي مع حماس قوية، ماذا تريدون من فلسطين أنا جاهز.
يعني ببساطة اللي بيحكيه خالد مشعل إنه إيران بتستخدمنا كفلسطينيين كغسالة...
...لحتى تنظف أوساخها من خلالنا، أوساخها اللي عملتها في سوريا وفي اليمن وفي العراق وفي كل مكان تواجدت فيه.
الأمر الثاني، مش بس خالد مشعل اللي حكى هيك،
إحنا حتى لو بدنا نروح لإسماعيل هنية اللي حكى وبوضوح إنه إيران تستخدم فصائل ما أسمته بمحور المقاومة...
...حتى تشاغل العدو وتنأى بنفسها عن هاي الحرب، نسمع شو حكى.
دعم حركات المقاومة التي تضعف هذا العدو...
...أو تشغله عن الدخول بمعارك ضد إيران مباشرة.
طبعاً أنت لما بتسمع إسماعيل هنية وبتسمع خالد مشعل وبتسمع الناطقين باسم حركة حماس...
...وحديثهم عن فكرة الدعم الإيراني، بيخطر لك سؤال مهم.
شو وجه الدعم؟
إيران لم تساهم في بناء مدرسة، ولم تساهم في بناء منزل، ولم تساهم في بناء مستشفى،
ولم تساهم في أي شكل من الأشكال اللي لها علاقة بحياة الشعب الفلسطيني. طيب شو وجه الدعم؟
بيجي حدا بيحكي لك والله إيران تدعم المقاومة عسكرياً.
بتروح لميدان المعركة خلال ما يقارب العامين، كل الأسلحة اللي تم استخدامها فعلياً
إحنا كفلسطينيين كنا بنمتلك أضعافها وأكثر تطوراً منها في الـ 82.
وحتى حديث أبو عبيدة كان واضح في كثير من المرات أن كل الأسلحة التي تم استخدامها هي تصنيع محلي.
فتيجي أنت بتسأل شو هو الدعم الإيراني اللي تم تقديمه لنا كفلسطينيين؟
هذا السؤال بتوجهه للإيرانيين وبتوجهه حتى لقيادة حماس.
واليوم إحنا بعد حالة الدمار اللي صارت في قطاع غزة وما بعد الحرب مباشرة وما بعد إطلاقها، على سبيل المثال كمان...
...بتلاقي مساعدات مصرية بمئات الأطنان إغاثية لقطاع غزة.
بتلاقي على سبيل المثال الإمارات اللي قدمت ما يزيد عن 2.6 مليار دولار في عملية الفارس الشهم كعمليات إغاثية لقطاع غزة.
بتلاقي مساعدات جزائرية، بتلاقي مساعدات أردنية، بتلاقي مساعدات سعودية، بتلاقي بصمة لكل الدول العربية إلا إيران.
واليوم حتى لما بيتم الحديث مرة أخرى في إعادة الإعمار بيتم ذكر الجميع إلا إيران.
مع العلم إنه اللي حكى لنا مرة أخرى عن فكرة وحدة الساحات وعن فكرة إنه إحنا إلى جانب الشعب الفلسطيني
وإننا سنقاتل إلى جانب الشعب الفلسطيني هي إيران.
إيران فعلياً اللي خاضت معركة لعدة أيام لأجل مصالحها ولأجل برنامجها النووي.
وأنهت هذه المعركة بدون ما أن تأتي على ذكر لا لبنان، جنوب لبنان اللي بيتعرض للقصف،
ولا قطاع غزة اللي كان بيتعرض للإبادة، ولا اليمن اللي كان بيتعرض للقصف.
بمعنى إنه هي مارست حالة التخلي الكامل عن كل حلفائها.
فأنت بتيجي بتفكر إحنا كفلسطينيين شو مستفيدين من هاي العلاقة مع إيران؟
اللي لم تكن بجانبنا في السلم، لا في أي مرفق من مرافق الحياة في قطاع غزة، واللي لم تكن بجانبنا في الحرب.
فإحنا هل رح نضل كفلسطينيين مجرد غسالة بتغسل إيران فيها أوساخها وقاذوراتها في المنطقة؟ هذا السؤال الأول.
السؤال الثاني، بما إنه زي ما حكوا لنا الإيرانيين إنه إحنا والله ثأراً لسليماني
وإنه إحنا جزء من عملية الدفاع عن المصالح الإيرانية، زي ما تحدث الناطق باسم أو رئيس الحرس الثوري الإيراني...
...إحنا بما إنه إحنا هيك، فليش إيران ما يكون لها اليد العليا في المساهمة في إعادة إعمار قطاع غزة؟
ليش المصريين وليش السعوديين وليش الإماراتيين وليش القطريين هم اللي يعيدوا الإعمار ما كانت إيران جزء من عملية الخراب فيه؟ فكر بس.
End of transcript · 850 words
