Understanding Eye Anatomy and Function
بتقدر تميز لحد 10 مليون لون؟
يلا بينا يا نور ندخل في شباك الروح، عينك.
أوعى تقع يا نور، لأن دي القرنية، شفافة تماماً.
شايف كأنها جبل جليدي إزاي؟
ربنا خالقهالك بالشكل ده عشان من أول ما أي ضوء يسقط عليها، يتكسر ويتركز.
طب تعالى معايا كده وبص وراها موجود إيه؟ دي العدسة الساحرة.
العدسة دي مرنة، وفيها عضلات دقيقة بتشدها وترخيها، ليه؟
علشان تقدر تشوف القريب والبعيد في نفس اللحظة وبوضوح تام.
عينيك لحد دلوقتي مفيش كاميرا في العالم قدرت تحاكي سرعتها ولا دقتها.
أتأمل معايا وعيش في الجمال اللي حواليك ده.
فيلم مبهر، ده فعلاً الفيلم المتسجل لعينك.
زي الفيلم اللي بيتسجل في الكاميرا كده.
شايفين ملايين الشمعات المنورة دي؟ اللي جزء كبير منها اسمه العصى.
ده اللي بيخليك تقدر تشوف في الضلمة أو في الضوء الخافت جداً.
أما الخلايا الملونة الجميلة دي، دي اسمها المخاريط.
دي اللي بتخليك تشوف الأحمر والأخضر والأزرق.
والدمج اللي بيحصل بينهم اللي بيديلك لون مختلف أصلاً.
اللي عنده عمى ألوان بقى للأسف بيبقى عنده خلل في عدد أو جودة
خلايا المخاريط اللي بتقدر تميز بين الأخضر والأحمر والدمج بينهم.
كل خلية منهم بتبعت نبضة كهربائية للمخ
علشان تخليك تميز لون معين.
لو خلية واحدة بس عطلت، جزء من الصورة ممكن يختفي، دقة متناهية.
كل الأشكال اللي بتشوفها بعينك معتدلة، مابتوصليش لعينك معتدلة أصلاً.
بتقع زي ما أنت شايف كده على الشبكية مقلوبة.
والعصب البصري ده بياخد النبضات الكهربائية ويوصلها للمخ بسرعة.
والمخ بقى بيعدلك الصورة وكمان يفسرهالك علشان تفهمها.
يعني عينك ما هي إلا ناقل.
عدل الصورة والتمييز الحقيقي بيحصل في المخ.
هنقول إيه غير سبحان الله.
عينك يا طيب نعمة كبيرة جداً.
حافظ عليها واهتم بترطيبها والأكل اللي بيغذيها وده الأهم.
وشوف فيديوهاتي أو ادخل استشاراتي.
وخلصنا حبة نور النهاردة، وبكرة حلقة في نفس المعاد، سلام يا طيبين.
End of transcript · 287 words
