Moroccan Struggles in Ceuta

دابا حاليا المغرب حسن من سبتة

حيتاش دابا ملي كتمشي تما، الحوانت الحوانت سادين

الماكلة باش ناكلو سادين، خوتنا خوتنا وجوعونا ما حاملينناش

واللي ساكنين تما، اللي ساكنين تما كنقولو ليهم عطونا ناكلو

شنو كيقولو لينا؟ حتى حنا راه فينا الجوع، حتى حنا راه الحوانت سادين علينا

جبدو علينا الفرادة بيسطوليات، بيسطوليات قدام البوليس ديالهم

جبدو علينا بيسطوليات بحال هكا، علاش؟ بغينا غير نشريو بفلوسنا ماشي

عندنا فلوسنا ماشي ما عندناش، عندنا الفلوس وكما ما خلاوناش كاع سدو كاع كلشي وجبدو علينا البيسطوليات

هاد البلاد ما تستاهلش، هاد القنت ما تستاهلش هاد التمارة هادي كاملة، صراحة

مازال إلا كنتي داخل ليها غربتي نتفق معاك تستاهل كلشي

أما هادو، اليهود حسن منهم

حتى حنايا ضربونا ملي دخلنا لداخل خلاونا بالجوع

لا ماكلة لا حتى حاجة، تكرفسنا، ومن الصباح تماك

لا ماكلة لا حتى حاجة

وكيدابزو، القرطاس كيطرطق، بغات ودنك

يا حسرة، يا حسرة نتينا عايلة وما كيرأفوش بيك، عاد عساك الدراري كيبقاو تماك بالجوع

ما كايناش ما كايناش الأوراق

لا ماكلة لا حتى حاجة، وسادين المحلات

وأي حاجة، وبنادم كيموت حداك، ها هوما جوج د الناس ماتوا حدانا

كيدابزو ما كيرأفوش بنادم تماك، وبقينا يالاه حنايا تماك تلاتة د، تلت أيام

ولا ماكلة

سمع، لا ماكلة لا حتى حاجة

وكيفما كتشوفو، حنا دخلنا لتمايا، دابا حنا يومين وحنا تما

وشنو غنقولك، المغاربة هوما اللي تما هوما اللي دايرين هاد الشي هذا كامل

المغاربة تما هذا كيقتل في هذا، فهمتي

المغاربة اللي ساكنين تما في سبتة هوما اللي دايرين هاد الشي هذا كامل

كيضربو بنادم، كيشبرو

كيشبرو بنادم للمخزن فهمتي

وشنو غنقولك، بنادم من الأحسن بلا ما يولي يطلع لتمايا والله إلا، من الأحسن أحسن

وعايش تما بنادم وخا يمشي تما ما عندو ما يستافد

علاشن؟ حيت كتجبر كتجبر الدق من خوتك تما، فهمتي

والظروف تما مكرفسة، ما كاين والو، سدوا لينا كلشي

سدوا سدوا البقال سدوا كلشي، حتى حاجة ما بقات

الكارو داير عشرين درهم الكارو تما

الكارو هو اللخراني داير عشرين درهم تما، ما عندك ما تدير

وشنو غتبقى تما تموت؟

وكيشبروك وكيضربوك وكيديوك للمخزن

والناس تما الصراحة كاين اللي مزيان كاين اللي عيان

كاين اللي كيتها لا فيك كيعطيك الماكلة كيعطيك الحوايج كيعطيك هذا، ولكن الأغلبية كيخافوا على راسهم

حيت باش يشوفوا الدراري بزاف وداكشي، راه من نفسي أنايا، أنا نخاف على راسي

صافي هادشي اللي كاين، صافي دوزت تما يومين الظروف ما والو، صافي رجعت في حالتي

هادشي اللي كاين، وكنوصل رسالة للشباب ما يغامرش براسو

زعما كاين اللي كيكونوا والديه كيتسناوه

كاين اللي كيكونوا وليداتو، ما يغامرش براسو ويجي لهنايا حيتاش التكرفيس

التكرفيس التكرفيس التكرفيس

إلا ما كانش شي واحد عندك تمايا في سبتة اللي غادي يكون بيك واللي غادي يعاونك راه غير غتتكرفس

خوتي راه بنادم راه قاهرو الجوع وتماك راه مكرفسين

بنادم كينعس في الغابة، ما كاين لا ماكلة لا والو

صافي بنادم باغي يخرج، راه باقيين الدراري عاوتاني مقطعين بالجوع

راه باقيين حتى هوما غيخرجوا عاوتاني، سدوا عليهم

كلشي غيخرج، كلشي غيخرج

تلت أيام وحنا بلا ماكلة، ماكلة ما كناكلوش

والما حبسوه علينا دابا، الما ما بقيناش نعمرو من واحد العوينة

قلت لك أخي زعما نصيحة كأم، وعندي ولادي أنا

من الأحسن يجلسوا مع الأمهات ديالهم، لأن ما كاين ما يدار في سبتة، إي والله

حنا خدامين كاندخلوا يوميا ألي روتور وكانتكرفسوا

وفي الصراحة من الأحسن يجلسوا في بلادهم

عندنا الخير في بلادنا الحمد لله

تكرفسوا مساكن، تكرفسوا

تكرفسوا تلت أيام ربع أيام، كاين الناس اللي بقات خمس أيام كينعسوا في الزنقة

ومن الأحسن، عندنا الخير في بلادنا الحمد لله

كلشي موجود في بلادنا، الإنسان وخا ياكل الخبز وأتاي

ويجلس مع والديه، الحنان د الوالدين راه ما كاينش بحالو

وهاداكشي د التواصل الاجتماعي راه غير الكذوب راه ما كايناش شي حاجة د بصح

بنادم غايدخل غايصبح خدام

والله ما كاينا شي حاجة، بنادم ما جابر حتى فين ياكل

ما جابر حتى فين ينعس

أنا دخلت دابا دخلت الماكلة ها هي باقا في الماليطة

وعطيت النص للدراري تما بقاو فيا وعطيتهم قراعي د الما

وبنادم ما جابرشي ما ياكل تما، دخلت نفتش على خاوا ديالي وعلى ولد عمي

وما جبرتهمشي

جاي من واد لاو وجيت يعني عاد حتى أنا نحرك وما كتابش

يومين وأنا تما ما كتابش صافي ما كتابش راجع في حالي

سامح في وليداتي وهادو بغيت ننقذ غير راسي وننقذ ولادي

ما كاين ما يدار وصافي، الجوع والضيق وصافي وخرجنا في حالتنا

ما كاين ما يدار وصافي، هادشي اللي كاين

التكرفيس

التكرفيس والجوع والضيق وجينا في حالتنا