Homemade Cheese Recipe Tutorial
تعرفي إنك لو جبتي ليمونتين كبار كدة وعصرتيهم على الحليب وهو بيغلي على النار النتيجة ممكن تكون إيه؟
النتيجة بجد هتصدمك.
ومن النهاردة مش هتشتريها تاني أبداً.
في الأول هنجيب لترين ونص حليب ونضيف الحليب في الحلة
وأول ما يبدأ يغلي هنطفي النار
ونعصر عليه ليمونتين كبار.
شايفين اللبن بدأ يفصل معانا بالشكل ده؟ هنرفع الحلة من على النار
وتابعي معايا بقى الفيديو للآخر لأن الوصفة دي هتعملي حاجة
كنتي بتشتريها غالية من برة ومن النهاردة خلاص مش هتشتريها تاني وهتوفري فلوسك.
وهنصفي اللبن من الشرش وهنضغط كويس عشان نصفي أي مية موجودة فيها
وهنسيبها في الشاشة كدة حوالي ربع ساعة عشان تنزل كل المية اللي فيها.
والشرش ده إياكِ ترميه هنستخدمه في الوصفة دلوقتي.
وهناخد كورة الجبنة اللي صفيناها كويس وننزل بيها في الشرش السخن ونلم ونعجنها أكتر من مرة.
وكل ما تبرد هنحطها تاني في الشرش السخن ونعجنها ونلمها كمان مرة لحد ما تبقى كورة ناعمة وملسة.
وأول ما تبقى معانا كورة ناعمة وملساء كدة
هنحطها في مية متلجة ونسيبها حوالي 10 دقايق.
وبعد ما بقت متلجة كدة وبقت متماسكة
هنطلعها ونقطعها شرايح متساوية بالسكينة.
وشوفي الجمال والقوام المظبوط كأنها جاهزة وأحسن كمان.
وتقدري كمان تبشري جزء من الشرايح دي بكل سهولة عشان تشيليها جاهزة عندك في الفريزر لأي وقت.
بجد الوصفة دي تحفة وناجحة 100%،
قولولي بقى في الكومنتات الوصفة عجبتكم ولا لأ وبتتابعوني من
تعالوا بقى نشوف الجبنة وجمالها، جربناها في البيتزا وجربناها في التوست كدة، شوفوا المطة، شايفين الجمال؟
أحلى جبنة ممكن تجربوها، يا رب تكون عجبتكم وما تنسوش بقى تعملوا لايك للفيديو.
End of transcript · 248 words
