Analysis of Egyptian Football Performance
كلهم 10 على 10 ما عدا واحد بس.
- مين؟
- وجع قلبي وزعلني زعلة العمر وكنت مراهن عليه.
- مين ده اللي وجع قلب كابتن أيمن يونس يا جماعة؟ مين ده؟
- وكنت مراهن عليه رهان عمر. - مين؟ - مرموش. - مرموش؟ آه.
- زعلت زعل من مرموش. - أبو المراميش؟
- أبو المراميش...
- لا لا لا لا، إبراهيم أنا بنيت عليه آمال.
بنيت آمال، شفته في الكاونتر أتاك بتاعنا بسرعاته واللي هيعمله.
شفته هيفوت من واحد والتاني ويباصي ويلاعب اللعيبة ويكسبنا.
شفتله كتير.
بس مرموش ماراحش.
ماراحش كأس العالم. وده قاهرني.
لأن اللعيب ده كان هيفرق معانا أوي.
ولما تيجي تقيم اللعيبة وتقول الأحسن، ناس كتير أوي اتجرت للسؤال ده.
والله العظيم الفرقة كلها على بعضها أحسن.
ما فيش مكان موجود في الملعب إلا لما يتقال له برافو.
من أول العملاق مصطفى شوبير بكل اللي عمله البطل.
يعني حاجة غير عادية.
مروراً بخط دفاع يعني أبطال.
ما عدا آخر 10 دقايق برضه في الأرجنتين، فقدوا تركيزهم كلهم.
وده غلط، كان لازم نتماسك أكتر.
نص ملعب أبطال، صلاح برة التقييم.
أنا عايز لما حد ييجي يتكلم، البهوات اللي بيقعدوا يتكلموا على صلاح ويقيموه.
طب انتوا تعالوا اعملوا ربعه.
إن هو نقلنا كمنتخب مصري نحلم زيه.
انت فاهم يعني إيه صلاح يقعد يخلي اللعيبة تشوف الملعب بعينيه؟
ويشوف الخصم بعينيه إن هم أقل منك، زيهم زيك.
دي ما كانتش بتتشاف.
اللعيب المصري كان بينزل...
خلاهم محمد صلاح ينزلوا رافعين الياقات، بورمات.
بيمسكوا أي حد يبهدلوه، مش فارقة معاهم.
انت عارف لو كنت عديت الأرجنتين كنت هتطيح.
توصل لدور الأربعة فعلاً.
صلاح إداهم ده.
بص اللحظة اللي ميسي راح لصلاح اللي هو واحد من يعني عباقرة كرة القدم في العالم.
اللي ما بقاش حد بيحبه في مصر.
بص جري على صلاح إزاي، حضنه إزاي، وباسه إزاي.
صلاح مديك قيمة، ومديك منظر، ومديك رعب.
والحكم ابن اللذينة...
وقفه في اللحظة بتاعته لما لطش الكورة من قدام السردباك، فاول إيه؟
ده السردباك اتكعبل على وشه ووقع.
وصلاح لمسته بتاعته، الحاجات بتاعة ليفربول، هيطير على الجون، وراح موقفه.
بصراحة، منتخب مصر تحية واحترام وتقدير وشرفتونا.
بس نستغل ده بقى.
مش نفرح بيه، لا الكلمة دي مهمة.
مش عايزين نفرح بالكلام ونعيش فيه، نستغل ده نرجع نشتغل بقى.
على مدربنا، على ملاعبنا، على قطاع الناشئين.
على طريقة العقود، نشتغل على الجمهور.
نوضب بيتنا تاني.
على الحكم المصري، نوضب بيتنا صح.
فرصة.
End of transcript · 367 words
