لاجئ سوري وزوجته يناشدان أحمد الشرع بعد اعتداء في أرض الصومال
بسم الله الرحمن الرحيم، سيادة الرئيس أحمد الشرع.
نحنا.. أنا مواطن سوري عايش لاجئ هلأ بأرض الصومال.
اليوم إجوا لعنا عسكر مرتين، أول شي اقتحموا بيتنا،
ضربوني أنا وأولادي وزوجتي ورجعوا مرة تانية كمان،
ضربونا مرة تانية وأخدونا للسجن، حبسونا بالسجن،
بدون أي شي، لا جابوا ورقة.. لا جابوا ورقة من محكمة،
ولا جابوا ورقة إحضار من قسم شرطة ولا شي، هيك.
فاتوا علينا، تهجموا علينا وفي فيديو مصور،
موثق كل شي إنه شلون اقتحموا البيت علينا.
أهانونا وضربونا وحبسونا، أنا ومرتي وأولادي.
فبناشدك سيادة الرئيس إنه تشوف لنا.. تشوف لنا حل.
ما بترضى إنت أولاد بلدك ينهانوا وينقهروا،
نحنا القهر اللي فينا أكبر من الضرب اللي انضربناه.
بترجاك سيادة الرئيس تشوف لنا حل،
شو.. شو بتقدر تعمل معنا؟
نحنا سوريين ومعوقين،
أنا ومرتي، أنا رجلي اليمين مكسورة وزوجتي رجلها الشمال مكسورة.
فنحنا الـ.. يعني وعمري 64 سنة وانهان وانضرب من قبل عسكر ومواطنين،
وبالعصيان.. بالعصايات.
ضرب إهانة إهانة ما بعدها إهانة.
وبالسجن بقسم الشرطة كمان فاتوا علينا بقسم الشرطة،
ضربونا كمان حتى بقسم الشرطة.
يعني بتقبل إنت على شعبك السوري ينهان هالإهانة هي؟
بترجاك، بتمنى منك سيادة الرئيس،
إنك تشوف لنا حل بهالموضوع،
وتشوف لنا شو نعمل، دخيل عيونك سيادة الرئيس.
السلام عليكم ورحمة الله، سيادة الرئيس أحمد الشرع.
أرجوك كل الرجاء إنك توقف بمعنوية معنا، أنا يمنية.. يمنية متزوجة سوري.
واليوم جاو علينا الصوماليين دخلوا علينا البيت وضربونا وضربوا أولادي وزوجي.
ولطموني يعني أنا والكل ودخلوا علينا وإحنا بالبيت كاشفات،
بدون استئذان وبدون هاد، وسحبلوا جهالي وزوجي سحبلة بالشوارع.
أرجوك إنك توقف معنا وقفة رئيس جمهورية.
End of transcript · 248 words
