انتقادات لصفحة بنت جبيل بسبب فيديو عن غزة ولبنان

قبل ما بلش بدي من الكل هيدي المره يا اخواني بالامليه تحضروا هيدا الفيديو للاخر حتى لو كان طويل شوي وتشوفوا المقاطع يلي راح اعرض لكم اياها فيه وتشيرولي اياها على اوسع نطاق لحتى نخرس كل ابواق الفتنه مثل صفحه بنت جبال يلي عم بتجرب تولع النار بين بيئه المقاومه بلبنان واهالينا داخل قطاع غزه. وبسم الله نبدأ.

بتعرفوا يا اخوان شو اقصى شي بالحروب مش بس الدمار والقصف.

اقصى شي لما تطلع صفحات جمعت بهيدي الحروب ملايين المتابعين من بيئة المقاومة مثل صفحه بنت جبال وترجع تبلش تصيد بالماي العكره لزرع الفتنه بكل خباثه.

وباختصار صفحه بنت جبال نزلت فيديو لشاب من غزه عم بيسأل اهل غزه مين اكثر دوله وقفت معكم.

فواحد بقول لهم مصر. الثاني بقول لهم الاردن.

الثالث بقول لهم السعوديه الامارات وعمان والى اخره.

هيدا شي طبيعي لانه الدول المذكوره بهيدا الفيديو هي دول ارسلت لغزه فقط علب وكراتين من المساعدات الغذائيه لاهل غزه ياكله.

وبالتالي طبيعي الانسان المحاصر والمجوع يتذكر اسم الدوله او علمها مرسوم على كرتونه المساعدات يلي وصلته.

بس المش طبيعي يا اخوان هو هيدا. كل الاحترام لاهل لبنان.

كل الاحترام لاهل اليمن. اي والله مش طبيعي انه نفس الشخص يلي بالفيديو يكون عم بيسأل نفس الناس يلي موجودين بغزة نفس السؤال اللي سأله لغيرهن.

ولما يكون جوابهن لبنان او اليمن مثل ما سمعتوا بالفيديو بتقوم صفحات لزرع الفتنه زي صفحه بنت جبال تغض النظر وتفتش بس عالمقاطع يلي مش مذكور فيها لبنان وتحط وراها موسيقى حزينه لتحريك المشاعر مع كابشن رخيص بيشبه صفحتن لزرع الفتنه بين الشعبين.

يا حبايب ما حدا فيكن سأل شو الهدف من هيك صفحات؟

يلي للاسف انا واحد من الاشخاص يلي كنت متابعن انه من بعد ما يلموا الملايين من المتابعين من بيئة المقاومة ببلشوا يبخوا السم ويمرروا الفتنه باسلوب ناعم تحت اسم الدفاع عن المقاومه.

ليش ما بنشوفهم مثلا ناشرين على صفحاتهم مثل هيدي الفيديوهات.

وهذا شرف لي طبعا انه ارفعه بشمال غزة بالتحديد.

احنا معكم قلبا وقالبا. بحب اقول لكم رغم الدمار عنا رغم الحرب لها سنة.

بس احنا قلوبنا معكم وقلوبنا عندكم. واللي بصير معكم صعب علينا.

وصعب علينا الحرب. انه صارت الحرب عندكم. لانه احنا لما بندوق الحرب ما بنستحملها تكون على اي مسلم في العالم.

وتحية من وسط غزة ومن شمال غزة للبنان. اصمد يا لبنان. اصمد يا لبنان.

احنا معكم. خلوهم يتفرجوا. لبنان وفلسطين واحد وشعب واحد من شعب.

حتى بعض الناس الوعيين المثقفين والشرفاء بالتعليقات واجهت صاحبة الصفحة ببنت جبال وقالت له عيب عليك هيدا الاسلوب الرخيص لانك هيك عم تعمل فتنه.

فبقوم بيرد عليهم بكل وقاحة وبيقول لهم دعان لي منيح بهيدي الناس.

انا خسرت بيتي ورزقي وشهداء من عيلتي. لاخر شي يجي يطلع معن هيك لهول ناكرين المعروف.

وكانه الغزاوي هو يلي اجا قتل اهله ولا دمر بيته.

طب ليش مثلا صفحه مثل صفحه بنت جبال ما بتنشر عن لسان اهل غزه هيدا الكلام.

يا اهل لبنان. احنا في غزة كان نفسنا نعمل لكم كل شيء.

كان نفسنا العرب يعملوا لنا اياه. اللي بنقدر نحكيه. يا اهل لبنان سامحونا.

كتير اسئلة بتعاتب انه ليش بتناصح لبنان الصراحة لانه حاسين بالذنب.

يعني كل ما بقرأ 4000 اصابه و3000 اصابه. صراحة بقول يا سواد وجوه وبين الوردة والزنبق حاسين انه احنا السبب اللي انتم فيه.

فبتمنى تسامحونا. احنا دايما كنا نطلب من العرب انهم يقفوا معنا ويساندونا في غزة.

لما لبنان وقفت معنا والصفحة المكروه اللي بصير حاليا.

احنا جيتنا لحظة ادراك انه لا احنا ما نتحملش انه حد يصير فيه اشي بسببنا احنا.

احنا متأسفين والله اقسم بالله الواحد زعلان عليه اكتر ما هو زعلان عحالنا.

نحن مع لبنان كلنا مع لبنان. عدساتنا مع لبنان واصواتنا الحرة.

اصواتنا الفلسطينية ضد هذه الابادة الجماعية التي ترتكب في حق الانسان الفلسطيني.

نحن ايضا هنا مع لبنان. هلق كلكم وتعليقات الناس المغيبة بتعليقاتكم تاني.

اتخيلوا آلاف من الناس من بيئة المقاومة وخط السيد الشهيد فاتوا عالتعليقات ليسبوا ويشتموا ويكذبوا كلام.

اقسم بالله العظيم لو كانوا من الوحدة 8200 شخصيا ما كان طلع معن هيك كلام.

اتخيلوا انه فيديو مدته اقل من دقيقة مع موسيقى حزينة بالخلفية وكابشن زبالة قذر قدر يعمل غسيل دماغ ويطلع كتير ناس من مبدأها وخطها ونهج البيئة يلي ربيوا عليها.

فيديو اقل من دقيقة وصل لمئات الالوف من المشاهدات ببلاش.

قدر يخلي الالوف من بيئة المقاومة يلي ربيوا على نهج السيد يهاجموا بالتعليقات ويحكوا ابشع كلام بحق غزة واهل غزة واسناد غزة.

كلام ما قدرت اسرائيل بكل المليارات يلي صرفتها على مكناتها الاعلامية.

انها تخلي واحد غربي بامريكا او باوروبا مآمن بالحق يطلع يحكيه.

اتخيل يا عزيزي انه فيديو قصير قدر يخرجك عن خط السيد ونهج ال البيت باسناد المظلوم والدفاع عنه من دون ما انك تكون منتظر الشكر.

مع العلم انه اهل غزة ما كانوا ناكرين للجميل وكانت دايما هيك رسائلهم لالكم.

من قلب غزة بدي احكي لاطفال لبنان انتم مش لحالكم.

احنا بنعرف الوجع منين وبنعرف شو يعني الخوف والفقد والحزن.

لبنان بالنسبة النا مش بعيدة. تشبهنا وتشبه حاراتنا وبيوتنا وحكاياتنا.

واقاوم انا فوق جراحي. سأقاوم. وجعكم من وجعنا ودمعتكم من دمعتنا.

واحنا وياكم دم واحد. خليكم قويين. واحنا من قلب غزة بندعي لكم.

بنحبكم كتير. يا جماعة هل السيد الله يرحمه ضحى بدمه ودم خيرة شبابه وفتح معركة الاسناد على شان الناس تطلع تتشكر وتزقف له.

ولا كانت التضحيات خالصة لوجه الله دفاعا عن المظلومين ضد اعداء الله والانسانية.

هل السيد كان ناطر كلمة شكر ولا كان عم بيأدي تكليف شرعي وانسانى وعقائدي ثابت.

هل راح يكون مبسوط السيد منكن وانتم بسبب فيديو تافه عم بتسبوا وتطعنوا بهول.

بالتاريخ ان لبنان كان الشريك الاول لغزة.

سجلته بالتاريخ انه كل العالم اتخلى عنا وظلت معنا لبنان.

لبنان والله تحية من وسط غزة من وسط الدمار.

أقسم بالله العظيم إنكم شعب فخر. إنكم شعب بتنحطوا على الراس.

بكف البتاع النور يرفع الراس بخلي العالم كله يتفرج ويقول إيش معنى لبنان واقف مع غزة لأنها بلد بلد شريفة واللي ماسكينها شرفاء واللي فيها شرفاء.

الله حي لبنان. الله محييكم يا لبنانية والفقراء أصحاب لبنان.

شمال قطاع غزة بوجه رسالتي لأهل لبنان. أول حاجة الله يحفظهم.

وإن شاء الله اللي صار فينا ما يصير فيهم أبدا.

والله العظيم ما حد حيحس في أهل لبنان غير أهل فلسطين لأن احنا دوقنا المر ودوقنا النزوح ودوقنا الجوع ودوقنا الدمار.

هذا اللي بصير في لبنان عمل إجرامي ورحمة الله على شهداء لبنان.

إحنا طبعا ما بنتمنى للشعب اللبناني إنه يصير اللي صار فينا.

اليوم لبنان بمثل درع مقاوم واقي للشعب الفلسطيني مساند.

بنتمنى للشعب اللبناني أنه ينتصر في مقاومته للعدوان الإسرائيلي كما عهدناه منتصرا مقاوما متشبثا في أرضه.

أهل لبنان الله يحييهم ويحميهم وربنا يقف معاهم وينصرهم وينصرهم رب العالمين من فوق.

والله ينتقم من نتنياهو الظالم المجرم قبل ما لبنان يتورط أكتر من هيك.

الأمة العربية تسندها وتقف معاها وتقف وتوقف هزا الزلزال المهازل اللي إحنا فيها.

يا جماعة الخير ربنا بيقول لكم إذا جاءكم فاسق بنبأ فتبينوا، أنتم دايما تبينوا وبحثوا وفتحوا على الحقيقة الكاملة بكل شي بتشوفوه أو بتسمعوه قبل ما تاخدوا مواقف متسرعة وتظلموا الناس وما تخلو صفحة هدفها زرع الفتنة إنها تعمى عيونكم عن كل الفيديوهات اللي بتشهد بحب أهل غزة للبنان.

والسوشيال ميديا يا إخوان مليانة بآلاف من الفيديوهات يلي مثل هيك.

قطاع غزة لأخوتنا في لبنان إحنا كله. أهل لبنان كبروا.

الله الله عمل جهاد جهادكم. الله الله الله شرف قدركم.

الله الله سيف للحق سيفكم. الله الله أهل الكرامة أنتم.

الله الله عسى يغاب شهيدكم. الله الله بذرى النبي محمدا.

الله الله في كل ساح نقصفكم. الله الله. وبالنهاية لو السيد بيناتنا اليوم وشافكم عم تكتبوا هالتعليقات وتسبوا الناس على بوست واحد عليه موسيقى حزينة وكابشن حقير.

هل كان راح يكون فخور بولاد بيئته ونهجه يلي تركهم خلفه ليحملوا الراية ويكملوا المسيرة من بعده؟

والله العظيم مصيبة إذا بوست واحد قدر يمحي من إيما كل نهج السيد وكل تربيته وكل وعيه يلي زرعه فيكم بكل هيدي السنين الطويلة.

اصحوا يا جماعة بالنهاية أهل غزة منن أنبياء.

زي ما فيهم المقاوم الشريف فيهم كمان العميل الخاين.

بالنهاية هني شعب زي أي شعب فيهم الصالح والطالح.

فكونوا أوعى من هيك وما تنجروا ورا الترندات وما تخلو أي حدا من حثالة هيدي الأمة مثل صفحة بنت جبال يراهنوا على مبادئكم ويربحوا الرهان بالفتنة.

لأنه الدم يلي عم بينسفك بغزة ولبنان أطهر وأعظم من كل هيدي المهاترات.

والسلام.