الكتائب يحذّر من التعايش مع سلاح حزب الله وضعف الدولة اللبنانية
2 min About Lebanon Politics
2 min About Lebanon Politics
أوعى حدا يفكر لحظة، بس معليش هاي نصيحة لحزب الله، للرئيس بري، للوزير وليد جنبلاط، لكل هالقيادات بالبلد، يلي يمكن بيجي عبالها إنه شو بصير،
خلينا نرجع متل ما كنا، ومنخلي الإسرائيلي وحزب الله يتعايشوا مع بعضهن متل بين 2006 و2023، وبسيطة وما فيها شي، لأ،
منا واردة، كل خياراتنا مفتوحة، من عدا خيار واحد، هو أنه نتعايش مع سلاح حزب الله، نحنا بمرحلة وجودية،
وجودية للبنان، وجودية لكيان لبنان، وجودية للنظام السياسي، وجودية للمسيحيين، للمسلمين، للسنة، للشيعة، للدروز، لكل العالم،
هاي مرحلة وجودية، وهاي مرحلة مفصلية بتاريخ لبنان، يا بدنا نكون على قدها،
يا أما لبنان راح يتحول إلى صوماليا جديدة، إذا حزب الله بقي بسلاحه، بدعم إيراني، عم يهدد كل اللبنانيين، والاستقرار، وبقاء، وحياة الناس،
كل واحد راح يروح يفكر كيف بده يحمي حاله، أنا من الناس يلي بنتمي لمؤسسة اسمها حزب الكتائب اللبنانية، يلي ساهموا بإنشاء هذه الدولة،
أنا شايف هذه الدولة بخطر، هذا البلد يلي بنيناه، يلي ضحينا كرماله، يلي مات من أجله بيار، هذا البلد بشكله الحالي بخطر،
عنا واجب كلنا سوا نوعى على الخطر اللي نحنا فيه، لأنه إذا الدولة ما ضربت بإيد من حديد، التطرف الديني والطائفي والانتماءات الخارجية راح تزيد،
كل ما قويت الدولة، كل ما الناس كلها انضمت وراها، كل ما ضعفت الدولة وبرهنت عن ضعف، كل ما الناس راح تفتش عن حدا أقوى أو تفتش عن خيارات أخرى غير الدولة.
End of transcript · 220 words
TranslateMom transcribes and translates videos from X, TikTok, YouTube and Instagram. Paste a link and you get a page like this one, in your language.