Arabic transcript
عم يحكوا انه معنا فئران على السفينة وإنه طاقم السفينة حاول يتستر على سبب الوفاة وإنه
حاليا عم يتم اسكاتنا عشان ما
تطلع الحقائق أنا الآن على السفينة الموبوءة وخليني أحكيلكم حقيقة الشائعات
المنتشرة غادرنا
دولة الرأس الأخضر بالأيام الماضية بعد ما أخلينا الجثة والمرضى اللي كانوا
عالسفينة وطلع معنا دكاترة ومختصين جداد واحنا الآن بطريقنا الى جزر
الكناري في اسبانيا عشان يتم اخلاءنا الى دولنا ثانيا الوضع على السفينة هادئ جدا ما
في هلع أو عزل
اجباري وما في حدا من الموجودين على السفينة عنده أعراض المرض في عنا جدول يومي مثل
أي رحلة ولكن مع الحفاظ على المسافة الاجتماعية وتعقيم الأيدي ولبس
الكمامات في المساحات الداخلية في السفينة روتيني اليومي ببدأ بتمرينات الصباح
بعدين عنا وجبة الفطور خلال اليوم في عدة فقرات ترفيهية من الطاقم مع الحفاظ
على تعليمات السلامة وفي عنا ثلاث وجبات لذيذة يوميا وشخصيا غالبية اليوم بقضيه بتمشى
بالسفينة وهذا روتين غالبية الناس ثالثا اجراءات النظافة على السفينة صارمة جدا
وصول الفيروس ع السفينة ما اله دخل بالفئران وانما كان في شخص مرض برحلته السابقة في
الارجنتين وجاب المرض ونقله لزوجته وبعض الأشخاص اللي كان في ما بينهم تواصل متقارب جدا
فيروس الهانتا بالعادة غير معدي ولكن متحور الانديز منه معدي بشكل ضعيف سبع أشخاص
مرضوا فقط من أصل مية وتسعة وأربعين بالرغم من انه النا خمسة وثلاثين يوم
بالسفينة مع بعض فبالتالي هاي مش جائحة جديدة ولا كورونا والموضوع بعيد كل البعد عن
انه نوصل لهديك المرحلة رابعا قرأت بالأخبار عن خمسة بعدين ستة بعدين سبع حالات
مرضى جدد ولكن الحقيقة انه العدد ما ازداد وانما فقط
وصلت النتائج المخبرية للأشخاص اللي كانوا مرضى أصلا فزيادة العدد ما كان
مرضى جدد وانما وصول النتائج اللي كنا أصلا مرسلينها للمختبرات خامسا انتشر
مقطع للكابتن وهو بعلن عن أول حالة وفاة صارت معنا على السفينة وانه حاول يتستر على
سبب الوفاة بينما الحقيقة وكلام الكابتن كان مأخوذ من رأي الدكتور على السفينة اللي هو
نفسه مرض لاحقا بالتالي محدش كان عارف مع شو عم نتعامل نهاية شفت كثير اشاعات ع
الاعلام انه عم يتم اسكات الركاب لانه ما عم بطلعوا وبحكوا مع الاعلام ولكن الحقيقة
بكل بساطة انه الناس الموجودين على السفينة عم يحاولوا يحافظوا على
خصوصيتهم بالرغم من انه عندهم واي فاي وبقدروا يعملوا اللي بدهم اياه ولكن مش
حابين انه يتم تداولهم كمادة اعلامية خصوصا بعد ما شفنا
كيف الاعلام عم يتعامل مع الموضوع بآخر عدة أيام، وهذه هي كل القصة اذا عندكم أي أسئلة
أخرى اكتبولي بالتعليقات وراح أحاول أرد على أكثر الأسئلة شيوعا
End of transcript · 401 words
