دبلوماسي سعودي يروي تعرضه للصفع من الحرس الثوري في إيران

فجأة أنا شعرت بصفعة قوية تنزل على وجهي. صفعة. صفعة قوية.

ضربك يعني. كف يعني. نعم. فتمالكت أعصابي أنا في الحقيقة.

فأعاد السؤال مرة ثانية. هذا إيش هو رتبته؟

مين هو يعني اللي ضربك؟ هو من الحرس الثوري.

أعتقد قائدهم في المطار. هم موجودين في كل في كل مكان في إيران.

في كل مكان. فلما ضربك إيش سويت؟ فأنا ما سويت شيء تمالكت أعصابي.

وعندنا تعليمات احنا إنه ما نستفز اللي أمامك إذا كان غاضب لا تستفزه زيادة فصبرت.

فرجع عاد السؤال مرة ثانية. فأنا أصررت على نفس الجواب.

وتوالت الصفعات. أوف. نعم تقريبا ثلاثة أو أربع صفعات.

وأنا. ومتمالك أعصابك. أنا متمالك أعصابي جدا مع نساء وأطفال.

عشان كذا أنت في الخارجية. هذا من صفات الدبلوماسي.

تقريبا تقريبا لازم. ضبط النفس هذا اللي يقولوا عليه.

نعم ما في شك. بس الكف هذا كان كان موجه للسعودية كلها.

أكيد أكيد. أوك وبعدين. بعدين لما نيأس من الإجابة دفعني دفعة قوية.

خلفي كانت فيه بعض الكراسي فأنا طحت على الكراسي وكلمه بالفارسي.

أعتقد قال له خرجه بره. أنا عدلت من نفسي وعلى أساس اللي بره.

فخرجت بره.

جلست احنا جالسين كلنا في الأرض. جلست جنب زوجتي.

فزوجتي شافت الوجه أحمر يعني أربع كفوف مولع يعني.

فقالت لي إيش وجهك؟ قلت لها ما في شيء اسكتي أنا ما أبغى أزعج الناس.

فهي سكتت. تعرف أن أنا ما أبغى أبين إيش.