كواليس محاكمة صدام حسين وخطة إخراجه من المعتقل

من رحت قابلته لقيت عيونه الله يرحمه مرمية، وجه غير وضعه، يعني موجودة الصورة صورة مؤلمة جدا وكأنه سهران يعني متعب.

فقلت له سيادة الرئيس إيش وضعك مو طبيعي، يعني عيونك منفوخة متورمة حمر تشعر بشيء؟

قال لي لا والله بس ذولا ما أدري منو جاي ضارب صلية يعني شاجور مال الكلاشينكوف ورا السياج.

وذولا استنفروا فبدأوا يلحمون على البوب يزيدون الأقفال.

قال فنوعية الأقفال اللي جابوها أنا مش شايفها في كل حياتي يعني حجم كبير.

قال بدأوا يلحمون، فمن هذا الومض مال اللحيم بدأ يأثر على عيوني.

قال بالإضافة إلى شغلهم ليل ونهار. فاحنا كانت طبعا من ضمن الخطة يجيبون شفلات يدرؤوها يدرؤون الكابينة مال السائق والرئيس يكون مع السائق بالشفل.

والسائق يخلي بس مجال يشوف الطريق بنفس الوقت عملية الاقتحام تصير يعني فتحة في السياج بهاي الشفلات وعملية فتح البوب يجيبون كيبل وياهم يربطون الباب ربط ويسحبوه بالشفلات مو بطريقة التفجير لأنه أنا قلت له يجيبون لازم صاعق وياهم مثلا يفجر،

قال لي لا يأذيني يسحبوه سحب. هاي كان من ضمن الخطة ففشلت، يعني مو فشلت وإنما هو لأنه تأخروا بالتنفيذ.

قال أنا ما أريد يعني يجرح عراقي أو يموت بسببي، خليه يا ولدي خليه على الله.

كيف كانت تجري أجواء المحاكمات؟ يعني العراقيين شافوها يعني هي ما تحتاج أن نتوسع بالشرح بها لأن معظم الجلسات كانت تعرض على التلفزيون العراقي وبالتالي كل العراقيين شافوها.

ولكن سؤالي ما خلف الكواليس. ما خلف الكواليس الظاهر لكل عراقيين المحاكمة عراقية ولكن الحقيقة أمريكية بامتياز والنوايا إيرانية.

هو الرئيس وصفها قال المحكمة فكرة أمريكية طالب لها الصفويين.

أنتم تشوفون العراقيين تشوفون خليل الدليمي وزملائه والمعتقلين وتشوفون الادعاء العام، لكن كل هذه العملية يديرها المحتل الأمريكي يديرها مو من خلف الكواليس لا يديرها بشكل مباشر.

اللي دخلنا المحكمة هو أمريكان واللي دخلوا القضاة أمريكان، واللي دخلوا الادعاء العام أمريكان، واللي يجيبون المعتقلين هم أمريكان، واللي يصور هو أمريكي. أكيد.

واللي يقود المحكمة من فوق يعني من المنصة جنرال أمريكي.

جرت مناكفات أو خلينا نقول مشاكل بينه وبين الأطراف اللي بالمحكمة ولكن يعني اللي ما تنقل للشاشة، يعني كأن يكون كما أُشيع أنه إحدى المرات تم ضربه من قبل أحد الجنود أو العراقيين طبعا.

من خلف الكواليس المناكفات كانت مناكفات بينه وبين قائد المعتقل.

كان قائد المعتقل ما يحب الرئيس ما يرتاح له.

من هو؟ اللي هو ويليام ستيل. بنفس الوقت الرئيس يبادلنا نفس الشعور.

فكانوا هذولا يعني كانت هاي الحالة شوي تأثر على نفسية الرئيس داخل المعتقل.

هو كان يعني هذا القائد متعجرف القائد الأمريكي، وبعدين السجن إذا أتذكر بالكويت قالوا قائد كان يسهل للمعتقلين.

مضبطين. هو هذا. تليفون واتصالات خارجية. بالضبط كان متعجرف هو بس كان يعني ما يطيق الرئيس.

بالمحكمة كانوا ال ال الفترة أو المسافة من الباب إلى القفص الاتهام، قفص المحكمة أو المكان المخصص لجلوس المعتقلين كان بحدود أربع أمتار بهاي الأربع أمتار الأمريكان حتى ما يظهرون نفسهم يفتحون الباب ويدخلون الرئيس بهاي حتى حتى ينطون طابع للمتلقي أو المشاهد.

أن المحكمة عراقية. نعم كانوا جماعة الحرس الوطني.

هؤلاء جماعة الحرس الوطني أكثرهم تابعين للميليشيات، فكان لوي لو إيده، لوي يضغط على يعني خلنا نقول على زنده لوي يعني يسووا حركات، فكان يعني هو يرد عليهم وأعتقد العراقيين كلهم سمعوا وشافوا هاي.

بنفس الوقت كان ال ال المدعين بالحق الشخصي يخرجون عن أدب وأسلوب يعني أدب وأخلاق المهنة.